Ibraninkooɓe 2:17 - Dewtere Laamɗo Fulfulde Burkina Faso

¹⁷ Ndelle ina tilsi o laatoo hono sakiraaɓe makko ɓeen e huunde fuu, faa o laatanoo ɓe Almaami Mawɗo jom yurmeende koolniiɗo e ley golle Laamɗo. Ɗum o waɗi faa o itta ɓe e jukkungo ngo ɓe kaandi saabe hakkeeji maɓɓe.

Ibraninkooɓe 2:17 ပူးပေါင်းရင်းမြစ်များ

Lewinkooɓe 14:18

Almaami watta nebbam kedditiiɗam ley junngo muuɗum ɗaam dow hoore makko. Ɗum fuu wo faa o laatoo laaɓuɗo yeeso Joomiraaɗo.

Lewinkooɓe 16:16

Noon o mooytirta nokkuure seniinde ndeen faa laaɓa e tuundiiji Israa'iila'en e lutti muɓɓen e hakkeeji muɓɓen laatiiɗi fuu. Noon du o waɗiranta Nokkuure Ɓurnde fuu Senaade wondunde e maɓɓe hakkunde tuundiiji maɓɓe ndeen.

Lewinkooɓe 8:15

Muusaa hirsi ndi, itti ƴiiƴam mayri, suuwi honndu muuɗum nder majjam de wuji dow luwe sakkirde ndeen senini ɗum. O rufi keddiiɗam ɗaam dow joƴƴinirde sakkirde ndeen faa o laaɓina ɗum.

Limle 15:25

Almaami waɗana kawrital Israa'iila fuu iidi sadakaaji mooytoowo hakke de hakke maɓɓe oon yaafee, sabo wo ɗum hakke mo ɓe kensaaki wooɗi du, ɓe ngaddii dokkal, sadaka yaafeede hakke maɓɓe oon.

Romankooɓe 15:17

Ndelle, e kawtal am e Iisaa Almasiihu, miɗo waawi mantoraade golleeji ɗi ngollanmi Laamɗo ɗiin.

Romankooɓe 5:10

Sabo nde laatinoɗen wayɓe Laamɗo ndeen, Laamɗo rewrintinii en e muuɗum saabe maayde Ɓiyum. Ko ndewrintinaɗen e makko joonin ɗuum, sikke fuu walaa en kisinte saabe nguurndam Ɓiyiiko oon du.

Efeesunkooɓe 2:16

E maayde makko dow leggal palaangal o ittiri nganyaandi ndiin, o hawrunduri lenyi ɗiin laatii ɓanndu wooturu, o rewrintini ɗi e Laamɗo.

Koloosiyankooɓe 1:21

Arande, on fuu on woɗɗinooɓe Laamɗo, on laatakeno wayɓe ɗum e ley miilooji mooɗon e golleeji mooɗon bonɗi.

Ibraninkooɓe 10:21

Eɗen njogii Almaami mawɗo ardinaaɗo suudu Laamɗo nduun.

Ibraninkooɓe 2:11

Sabo dey, Iisaa cenoowo yimɓe oon e seniiɓe ɓeen wo ƴuwdi ngootiri. Ɗum saabii de Iisaa semtirtaa noddirde ɓe sakiraaɓe muuɗum.

Ibraninkooɓe 2:14

Ndelle, ko tawaa sukaaɓe ɓeen wo teewu e ƴiiƴam, Iisaa du hawti e maɓɓe tagaadi ndiin. O waɗii noon faa maayde makko jaaloo jogiiɗo baawɗe maayde oon, ɗum woni Ibiliisa,

Ibraninkooɓe 2:16

Ina laaɓi wanaa wallude maleyka'en waddi mo, ammaa wallude ƴuwdi Ibrahiima waddi mo.

Ibraninkooɓe 3:1

Sakiraaɓe seniiɓe, Laamɗo noddii on faa kawton e muuɗum dow kammu. Ngatton hakkillooji mooɗon e Iisaa Almasiihu. Wo o nulaaɗo, wo o Almaami Mawɗo mo ceedantoɗen.

Ibraninkooɓe 3:2

O hoolnake e Laamɗo cuɓiiɗo mo oon, hono no Muusaa hoolnorii ley suudu Laamɗo fuu noon.

Ibraninkooɓe 3:5

Muusaa wonnoo koolniiɗo e suudu Laamɗo nduun fuu. Wo o gollanoowo Laamɗo faa o sappoo ko Laamɗo wi'ata caggal makko.

Ibraninkooɓe 4:14

Ndelle kaɓɓoɗen e ko ngoonɗinɗen ɗuum faa wooɗa. Sabo en keɓii Almaami Mawɗo jaaɗo dow kammu to yeeso Laamɗo, ɗum woni Iisaa Ɓii Laamɗo oon.

Ibraninkooɓe 4:15

Almaami Mawɗo meeɗen oon, wanaa neɗɗo mo waawaa yurmaade en e lokkaaku meeɗen. O jarribaama no heɓiraa fuu no njarriboraɗen ni, ammaa o waɗaay hakke.

Ibraninkooɓe 5:1

Kala Almaami Mawɗo ina suɓee hakkunde yimɓe de halfinee gollande Laamɗo saabe maɓɓe. Sanaa o yottina sadakaaji nyaamri e kirsamaaji saabe hakkeeji.

Ibraninkooɓe 5:10

Laamɗo waɗii mo Almaami Mawɗo hono no Malkisedek.

Ibraninkooɓe 5:2

Joomum ina waawi yurmaade yimɓe ɓe anndaa laawol Laamɗo de majji ɓeen, sabo kam e hoore muuɗum wo lokkaajo hono no maɓɓe ni.

Ibraninkooɓe 5:5

Almasiihu du, wanaa kam hokki hoore muuɗum darja laataade Almaami Mawɗo. Wo Laamɗo suɓanii mo ɗum. Kam wi'i mo: «Wo a ɓiyam, hannden mi laatake Baaba maa.»

Ibraninkooɓe 6:20

Iisaa artii en, naati toon saabe meeɗen. O laatanake en Almaami Mawɗo faa abada hono Malkisedek.

Ibraninkooɓe 7:26

Ndelle, Iisaa woni Almaami Mawɗo mo kaajaɗen: wo o ceniiɗo, o walaa feloore, laru fuu walaa e makko. O senndaama e waɗuɓe hakke. Katin du, o toownaama dow huunde fuu to dow kammu.

Ibraninkooɓe 7:28

Tawreeta Muusaa oon ina darna yimɓe lokkaaɓe faa laatoo Almaami'en Mawɓe. Ammaa hunayeere nde Laamɗo hunii caggal Tawreeta ndeen darnii Ɓiɗɗo kiɓɓinaaɗo faa abada oon.

Ibraninkooɓe 8:1

E ley ko kaaleten ɗuum, inan haala ɓurka manngu: eɗen ngoodi Almaami Mawɗo, oon woni jooɗiiɗo gere nyaamo jooɗorgal Jom manngu dow kammu.

Ibraninkooɓe 8:3

Almaami fuu ina suɓoraa faa yottina to Laamɗo sadakaaji nyaamri e kirsamaaji. Ɗum le, tilay Iisaa laatantooɗo en Almaami Mawɗo oon du heɓa huunde faa yottina.

Ibraninkooɓe 9:11

Ammaa joonin, Almasiihu ɓangii, wo Almaami Mawɗo gaɗanɗo en moƴƴereeji. O naatii e hukum ɓurɗo teddude ɓurɗo hiɓɓude, mo junngo ɓii-Aadama darnaay, mo jeyaaka e adunaaru tagaandu ndu.