Ibraninkooɓe 13:15 - Dewtere Laamɗo Fulfulde Burkina Faso

¹⁵ Ndelle, ko Iisaa rewrintini en e Laamɗo ɗuum, manen Laamɗo wakkati fuu. Manoore ndeen wo sadaka jettooje, wo toni ɗi cemtirtaa inndude innde muuɗum.

Ibraninkooɓe 13:15 ပူးပေါင်းရင်းမြစ်များ

Isira 3:11

Ɓe njimi ɓe teddini Joomiraaɗo, ɓe njetti ɗum, ɓe mbi'i: Joomiraaɗo wo lobbo. Yidde nde yiɗi Israa'iilankooɓe ndeen timmataa! Ndeen yimɓe fuu ƴeewnii, mani Joomiraaɗo saabe joƴƴingol maadi suudu Dewal Mawndu nduun.

Nehemiya 12:40

Pecce yimooɓe ɗiɗi ɗeen fuu kawri dammbugal suudu Dewal Laamɗo ɗoon. Miin e feccere mawɓe miɗen ngondi e maɓɓe.

Nehemiya 12:43

Nyannde ndeen yimɓe fuu ngaɗiri sadakaaji keewɗi e seyo, sabo Laamɗo hokki ɓe seyo manngo. Rewɓe e sukaaɓe du ceyii. Seyo Urusaliima ngoon nanaama faa to woɗɗi.

Lewinkooɓe 7:12

Si neɗɗo na haajaa waɗude sadaka oon saabe yettoore Joomiraaɗo fu, sey waddida ɗum e buuruuje gaɗiraaɗe conndi ɓoosidaandi e nebbam ɗe njillaaka rabilla e maasaaje jooraaɗe nebbam ɗe njillaaka rabilla e buuruuje gaɗiraaɗe conndi ɗaatundi ɓoosidaandi e nebbam.

Limle 7:62

tawti yardude waɗiraande kaŋŋe garamuuji 100 hebbinaande ure.

Matta 11:25

Wakkati oon, Iisaa adi haala, wi'i: — Baaba, jom kammu e leydi, mi yettii ma, sabo a suuɗii kulle ɗe jom'en hakkillo e jom'en anndal, de ɓanginanɗaa ɗe cukaloy.

Luuka 10:21

Wakkati oon, Ruuhu Ceniiɗo hebbini Iisaa seyo. Iisaa wi'i: — Baaba, jom kammu e leydi, mi yettii ma, sabo a suuɗii kulle ɗe jom'en hakkillo e jom'en anndal, de ɓanginanɗaa ɗe cukaloy. Ayyo, noon jaati Baaba, sabo ɗuum weli maa.

Yuhanna 10:9

Miin woni dammbugal. Neɗɗo fuu naatirɗo kam, hisan, naatan, yaltan, heɓan durdude.

Yuhanna 14:6

Iisaa jaabii mo: — Miin woni laawol, miin woni goonga, miin woni nguurndam. Fay gooto waawaa yahude to Baabiiwo si rewaay to am.

Romankooɓe 12:1

Ndelle sakiraaɓe, miɗo nyaagoo on sanne saabe yurmeende Laamɗo, cakkee ko'e mon laatoɗon sadaka buurɗo, ceniiɗo, belɗo Laamɗo. Ɗum woni dewal ngal kaanɗon rewrude mo ngaal.

Romankooɓe 6:19

Miɗo haalda ɗo no yimɓe paamirta ni saabe lokkaaku mooɗon. Arande oɗon ngattunoo terɗe mon ley hawju tuundi e bonanda faa ko boni ɓeydoo. Joonin kaa, ngaɗiron ɗe noon ley hawju fonnditaare faa ngollon ko senii.

Efeesunkooɓe 2:18

Saabe ko Almasiihu waɗii ɗuum, en fuu keɓirten laawol yottaade Baabiiwo saabe en kawtii Ruuhu Ceniiɗo gooto.

Koloosiyankooɓe 1:12

Njettiree Baabiiwo oon seyo, sabo o waɗii on fotuɓe heɓude ngeɗu e moƴƴereeji desanaaɗi seniiɓe gonɗi e annoora ɗiin.

Ibraninkooɓe 12:28

Ndelle wo laamu ngu dimmbataako keɓeten. Saabe ɗuum, njetten Laamɗo, ndewren mo no weldata mo tawee e leeƴinkinaare e kulol.

Ibraninkooɓe 7:25

Saabe ɗuum, imo waawi hisinde ɓattoriiɓe Laamɗo saabe makko ɓeen kisindam kiɓɓuɗam. Imo waawi hisinde ɓe sabo imo wuuri faa abada, imo surana ɓe to Laamɗo.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.

1 Piyeer 4:11

Kaaloowo ley kawrital fuu, ina haani haalude haalaaji Laamɗo. Golloowo fuu, ina haani gollirde semmbe mo Laamɗo hokki ɗum oon. Ɗum fuu wo faa Laamɗo teddinee e ley huunde fuu, teddiniree saabe Iisaa Almasiihu. Wo teddeengal e baawɗe ngoodan Iisaa Almasiihu faa abada abadin! Aamiina.