Ibraninkooɓe 13:11 - Dewtere Laamɗo Fulfulde Burkina Faso

¹¹ Sabo ley Tawreeta Muusaa, Almaami Mawɗo na wadda ƴiiƴam kirsamaaji ley nokkuure ɓurnde fuu senaade faa ɗam laatoo sadaka saabe hakkeeji. Ammaa teewuuji majji ɗiin, wo yaasin hoɗorde toon mbuletee.

Ibraninkooɓe 13:11 ပူးပေါင်းရင်းမြစ်များ

Wurtagol 29:14

Ammaa teewu e nguru e coowoori ndiin fuu, mbulowaa ɗum yaasin hoɗorde ndeen. Wo ɗum sadaka yaafeede.

Lewinkooɓe 16:27

Ngaari e ndamndi sadaka yaafeede ɗi ƴiiƴam muɓɓen yaaranoo misowaa ley Nokkuure Ɓurnde fuu Senaade ɗiin njaaree yaasin hoɗorde. Guri majji e teewu majji e coowoori majji fuu mbulee toon.

Lewinkooɓe 6:11

Gorko jeyaaɗo e ƴuwdi Haaruuna fuu na waawi nyaamude ɗum. Ɗum laatoo yamiroore nde ɗowtantoɗon ley jamaanuuji fuu bangal sadakaaji gaɗanteeɗi Joomiraaɗo. Meemuɗo ɗum fuu laatoto ceniiɗo.

Lewinkooɓe 9:11

Ammaa teewu e nguru mayri fuu o wulowi ɗum'en yaasin hoɗorde ndeen.

Lewinkooɓe 9:9

Ɓiɓɓe makko ɓattinani mo ƴiiƴam kirsamaari ndiin. O suuwi honndu makko e majjam, o wuji dow luwe sakkirde ndeen de o rufi keddiiɗam dow joƴƴinirde mayre.

Limle 19:3

Kokkon nge almaami Eliyajar de yaara nge yaasin hoɗorde, nge hirsee yeeso muuɗum.

Limle 19:7

Caggal ɗuum almaami lonna kaddule muuɗum, lootowo de sakitoo warta ley hoɗorde ɗoon, ammaa o heddoto o tuunɗo faa hewta futuro.