Ibraninkooɓe 12:25 - Dewtere Laamɗo Fulfulde Burkina Faso

²⁵ Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.

Ibraninkooɓe 12:25 ပူးပေါင်းရင်းမြစ်များ

1 Kaanankooɓe 12:16

Nde Israa'iila'en fuu paamunoo kaananke hettindanaaki ɗum'en fu, njaabii, mbi'i: — Minen kaa baka amin walaa e Daawda. Ndongu walaa hakkunde amin e ɓii Yesa. En koota gure men! Accen Daawda oon haybana suudu muuɗum! Israa'iila'en ɓeen kooti gure muɓɓen.

Wurtagol 16:29

Paamee, wo miin Joomiraaɗo hokki on nyalaande fowteteende. Saabe ɗuum waɗi de kokkumi on nyannde jeegoɓerde nyaamdu heƴooru on faa waɗa balɗe ɗiɗi. De nyannde jeɗɗaɓerde kaa, mono e mooɗon fuu jooɗoo nokku muuɗum. Taa fay gooto mooɗon wurtoo.

Wurtagol 20:22

Joomiraaɗo wi'i Muusaa: — Kaalanaa Israa'iila'en, mbi'aa ɗum'en: On nji'ii mi haaldii e mooɗon gilla dow kammu.

Banndi 1:24

Ammaa mi noddii on, de caliɗon. Wooɗi du, mi foortanii on junngo, de fay gooto mon saanaay.

Banndi 1:32

Wosagol mo ƴoƴaa waran ɗum, puuyɗo du, yeebaare mum halkata ɗum.

Banndi 13:18

Talkaaku e semteende, woni ngeɗu mo jaɓataa feleede, de jaɓoowo tindinoore kaa, teddinte.

Banndi 15:32

Caliiɗo tindinoore yawii hoore mum, jaɓoowo pelooje kaa, heɓan paamal.

Banndi 8:33

Kettindanee tindinooje am, de laatoɗon jom'en hakkillo, taa tottitoɗon ɗe.

Limle 32:15

Si nii on njeebake jokkude mo fu, o ɓooynan Israa'iila'en ley ladde yoornde ndee, laatoo du, onon caabanii ɓe halkere.

Matta 17:5

O tilaaki e haalude, faa ruulde jalboore suddi ɓe. Daande ƴuuri ley ruulde ndeen, wi'i: — O woni Ɓiyam mo korsinmi, mo ceyortoomi. Kettindanee mo!

Matta 8:4

Caggal ɗuum, Iisaa wi'i mo: — Tinna taa kaalanaa ɗum fay gooto. Ammaa yahu holloy hoore maa almaami, ngaɗaa sadaka mo Muusaa yamiri oon, faa faamina ɓe a daɗii.

Golle Nelaaɓe 7:35

Muusaa mo ɓe calanii de ɓe mbi'i: «Moy waɗi ma hooreejo naa carotooɗo?», wo oon Laamɗo nuli. Laamɗo waɗi ɗum hooreejo e kisinoowo, waɗi ɗum e junngo maleyka ɓangannooɗo ɗum e ley wuumoore oon.

Fillitagol 18:19

Mo hettindanaaki haalaaji ɗi annabaajo oon haalirta e innde am ɗiin fuu, wo miin e hoore am jukkotoo ɗum.

Fillitagol 30:17

Ammaa si on accii ɓerɗe mooɗon tottitake o, si on kettindaaki ko o wi'i, on accii allaaji goɗɗi muuynake on faa ɗowtaniɗon ɗum'en fu,

Fillitagol 4:36

Gilla kammu, o waɗii nanuɗon daande makko faa o eelta on. Dow leydi du, o waɗii on njiirii gite mooɗon yiite makko maawnge de nanuɗon konngol makko hakkunde magge.

1 Tesaloniyankooɓe 5:15

Tinnoɗon taa fay gooto yomnitoo ko boni dow ko boni. Wakkati fuu piloɗon waɗundurde ko wooɗi, ngaɗanon yimɓe fuu hono noon.

2 Timote 4:4

Ɓe tottitoo taa noppi maɓɓe nana goonga, de ɓe kuccita e taali.

Ibraninkooɓe 1:1

Gilla arande Laamɗo haalaniino maamiraaɓe meeɗen wakkatiiji keewɗi e sifaaji keewɗi, haaldanii ɓe e kunnduɗe annabaaɓe.

Ibraninkooɓe 11:7

Saabe goonɗinal, Nuuhu sehiri laana faa danna koreeji muuɗum. O ɗowtanii Laamɗo cappanɗo mo ko warata, ko yi'aaka tafon ɗuum. Noon o sarorii adunaaru ndu fuu. Laamɗo du hiisorii mo o ponnditiiɗo saabe goonɗinal makko ngaal.

Ibraninkooɓe 12:19

Ɓe nanii fuufaango buututal e daande ƴuurunde dow kammu. Nanuɓe daande ndeen ɓeen nyaagii taa ɓeydanee fay konngol gootol no poti hulude.

Ibraninkooɓe 3:12

Ndelle sakiraaɓe, kaybee taa fay gooto mooɗon tawree ɓernde bonnde nde walaa goonɗinal, de sela Laamɗo Buurɗo.

Ibraninkooɓe 3:17

Ɓeye ngoni ɓe Laamɗo tikkani ko foti duuɓi 40? Wo luttuɓe de maayi kantii ley ladde ɓeen.

Ibraninkooɓe 8:5

To almaami'en ɓeen ngollata toon na holla en ko woni dow kammu. Nokku maɓɓe oon wo sifa tan. Nde Muusaa ɓadinoo darnude hukum Seedaaku oon ndeen, Laamɗo sappani mo, wi'i: «Tinnoɗaa, ngaɗiraa huunde fuu dow sifa mo kollumaami dow waamnde oon.»

Yoosuwa 22:15

Ɓe ngari to yimɓe lenyol Ruben e Gad e feccere lenyol Manasa nder leydi Galaad, ɓe mbi'i ɗum'en:

Yoosuwa 22:16

— Inan ko kawrital yimɓe Joomiraaɗo fuu wi'i: «Ɗume woni jamba mo ngaɗuɗon yeeso Joomiraaɗo, Laamɗo Israa'iila o? Ko nyibanɗon ko'e mooɗon hirsirde ɗuum, on luttii Joomiraado hannden. On muurtanii mo.

1 Piyeer 1:22

Ɗowtaare mooɗon goonga laamnii ɓerɗe mooɗon heɓa njiɗon sakiraaɓe mon goonɗinɓe, tawee naafikaaku fuu walaa. Ndelle njiɗunduree njinngu manngu dow ɓerɗe laaɓuɗe.

Holleede 19:10

Kippiimi e leydi to koyɗe makko faa mi sujidana mo, ammaa o wi'i kam: — Taa waɗu! Miin du wo mi maccuɗo hono maaɗa, aan e sakiraaɓe maa tiigiiɓe seedaaku ngu Iisaa waddi nguun. Sujidan Laamɗo! Sabo seedaaku ngu Iisaa waddi nguun, ɗum pay laatii annabaaku.

Holleede 22:9

Ammaa o wi'i kam: — Taa waɗu! Miin du wo mi maccuɗo Laamɗo hono maaɗa, aan e sakiraaɓe maa annabaaɓe ɓeen, kam'en e haybooɓe haalaaji dewtere nde. Sujidan Laamɗo!