Ibraninkooɓe 12:24 - Dewtere Laamɗo Fulfulde Burkina Faso

²⁴ On ngarii to Iisaa curoowo hakkunde yimɓe e Laamɗo ley amaana keso oon. On ngarii to ƴiiƴam makko mbiccaaɗam, ngadduɗam kabaaru ɓurɗo kabaaru ƴiiƴam Haabiila njuppiiɗam ɗaam woodde.

Ibraninkooɓe 12:24 ပူးပေါင်းရင်းမြစ်များ

Fuɗɗoode 4:10

Laamɗo wi'i: — Ɗume ngaɗuɗaa? Ƴiiƴam minya oon na wullitoo gilla e leydi faa na hewta kam.

Wurtagol 24:8

Muusaa hooƴi ƴiiƴam keddiiɗam ɗaam wicci dow maɓɓe de wi'i: — Inan ƴiiƴam ceedotooɗam Joomiraaɗo haɓɓidii e mooɗon amaana dow haalaaji ɗii fuu.

Lewinkooɓe 1:5

O hirsa ngaari ndiin yeeso Joomiraaɗo. Ɓiɓɓe Haaruuna, almaami'en ngadda ƴiiƴam mayri, mbicca piilol sakkirde wonnde dammbugal hukum Ceniiɗo ndeen.

Matta 23:35

Njomnitaari ƴiiƴam fonnditiiɓe ndufaaɗam e adunaaru ndu ɗaam fuu yeccoto dow mooɗon, gilla yonki Haabiila ponnditiiɗo oon faa yonki Jakariyaa ɓii Barakiya mo mbarnoɗon hakkunde suudu dewal mawndu e hirsirde oon.

Matta 26:28

Ɗum woni ƴiiƴam am tabintinoojam amaana Laamɗo. Ɗam rufete saabe heewɓe faa hakkeeji muɓɓen njaafee.

Marka 14:24

O wi'i ɓe: — Ɗum wo ƴiiƴam am, tabintinoojam amaana Laamɗo, ndufeteeɗam saabe heewɓe.

Luuka 11:51

gilla e ƴiiƴam Haabiila faa e ƴiiƴam Jakariyaa baraaɗo hakkunde hirsirde e suudu dewal mawndu nduun. Miɗo haalana on goonga: ɗum fuu ɗum yomnitorte e jamaanu o.

Luuka 22:20

Hono noon du, nde ɓe tilinoo e hiraande ndeen, o hooƴi horde cabijam, o hokki ɓe, o wi'i: — Horde nde woni amaana keso tabintiniraaɗo ƴiiƴam am ndufeteeɗam saabe mooɗon.

Galaatiyankooɓe 3:20

Curoowo na holla wanaa neɗɗo gooto tan. Laamɗo kaa wo gooto.

1 Timote 2:5

Sabo Laamɗo wo gooto. Curoowo hakkunde yimɓe e Laamɗo du wo gooto, oon woni Iisaa Almasiihu neɗɗo oon.

Ibraninkooɓe 10:22

Ndelle, ɓattitoroɗen Laamɗo ɓerɗe goongaaje e goonɗinal ngal sikkitiraaka. Sabo ɓerɗe meeɗen laamnaama, pelataa en dow ko boni, ɓalli meeɗen du lootiraama ndiyam laaɓuɗam.

Ibraninkooɓe 11:28

Saabe goonɗinal, o waɗi iidi Faltagol. O yamiri ƴiiƴam wujee e dammbuɗe cuuɗi taa maleyka baroowo oon meema ɓiɓɓe Israa'iilankooɓe artiiɓe rimeede ɓeen.

Ibraninkooɓe 11:4

Saabe goonɗinal, Haabiila ittiranii Laamɗo sadaka ɓurɗo mo Kayiinu oon. Goonɗinal waɗi de Laamɗo hiisorii mo o ponnditiiɗo nde jaɓannoo mo sadakaaji makko. Katin, fay ko o maayi ɗuum, imo heddii waajaade en faa joonin saabe goonɗinal makko.

Ibraninkooɓe 13:20

Laamɗo jom jam, kam iirtini Joomiraaɗo meeɗen Iisaa, duroowo baali mawɗo oon, iirtinii mo saabe ƴiiƴam makko tabintinoojam amaana duumiiɗo oon.

Ibraninkooɓe 7:22

Hono nii Iisaa laatorii tolma kokkoowo en hoolaare wondunde e amaana ɓurɗo woodde oon.

Ibraninkooɓe 8:13

Ko o haali kabaaru amaana keso oon ɗuum, o hiiɗɗini amaana arandeejo oon. Joonin kaa, ko naywi faa nyoofii ɗuum ɓadake lallineede.

Ibraninkooɓe 8:6

Ammaa joonin, Almasiihu halfinaama gollal dewal ɓurngal ngal maɓɓe ngaal woodde, sabo wo curanoowo yimɓe ley amaana ɓurɗo woodde oon. Amaana oon waldaa e arandeejo oon, o yowaama dow haalaaji gonɗi e amaana ɓurɗi woodde.

Ibraninkooɓe 8:8

Ammaa Laamɗo wo felu yimɓe muuɗum, wi'i: «Miin Joomiraaɗo miɗo wi'a nyalaaɗe ina ngara ɗe ngaɗammi amaana keso e yimɓe Israa'iila e yimɓe Yahuudiya.

Ibraninkooɓe 9:15

Saabe ɗuum, o laatii curoowo hakkunde yimɓe e Laamɗo ley amaana keso oon, faa yimɓe ɓe Laamɗo noddi ɓeen keɓa ndongu nduumiingu ngu Laamɗo aadii hokkude nguun. Ɗum fuu ɗum waɗii sabo goɗɗo maayii, faa rimɗina woofuɓe e ley amaana arandeejo oon.

Ibraninkooɓe 9:19

Nde Muusaa hollitinnoo yimɓe ɓeen jamirooje gonɗe e Tawreeta ɗeen fuu ndeen, hooƴi ƴiiƴam nga'oy e ndamkoy, jillunduri ɗam e ndiyam, de suuwiri toon leeɓi baali boɗeeji e licce hisop, de wicci dewtere Tawreeta ndeen e yimɓe ɓeen fuu.

Ibraninkooɓe 9:21

Hono noon katin, o wicciri ƴiiƴam e dow hukum Ceniiɗo oon, kam e gineeji dewruɗi Laamɗo ɗiin fuu.

1 Piyeer 1:2

Laamɗo Baaba meeɗen suɓake on, anniyake laatoɗon yimɓe muuɗum toon. Ruuhu muuɗum ina golla e mooɗon faa laatoɗon seniiɓe, faa ɗowtanoɗon Iisaa Almasiihu, laamnireɗon ƴiiƴam muuɗum mbiccaaɗam e mooɗon. Laamɗo ɓeydan on moƴƴere e jam.