Ibraninkooɓe 12:22 - Dewtere Laamɗo Fulfulde Burkina Faso

²² Ammaa onon, on ngarii waamnde Siyona. On ngarii ngalluure Laamɗo Buurɗo oon, ɗum woni Urusaliima gonɗo dow kammu, to maleyka'en ujunaaje ujunaaje kawriti ina mbeltodoo.

Ibraninkooɓe 12:22 ပူးပေါင်းရင်းမြစ်များ

2 Kaanankooɓe 19:4

Na hasii Joomiraaɗo, Laamɗo maaɗa nanan haalaaji ɗi dawranoowo laamordu Asuura nelaa faa yenna Laamɗo Buurɗo ɗiin fuu. Na hasii Joomiraaɗo hiitoto mo dow haalaaji ɗiin. Saabe majjum, miɗo ŋaare ngaɗanaa yimɓe lenyol meeɗen heddiiɓe du'aare.

Matta 16:16

Simon Piyeer jaabii mo, wi'i: — Wo a Almasiihu, Ɓii Laamɗo buurɗo oon.

Matta 5:35

Taa kunoroɗon leydi, sabo wo njaaɓirdi koyɗe makko, naa Urusaliima, sabo wo ngalluure Kaananke mawɗo.

Romankooɓe 11:26

Hono noon Israa'iilankooɓe ɓeen fuu kisinirtee, no Binndi ɗiin mbiiri ni: «Kisinoowo ƴuuran e Siyona, ittan luttal fuu e ƴuwdi Yaakuuba.»

Romankooɓe 9:26

Katin du, nokku ɗo ɓe mbi'etee ɓe nganaa yimɓe am, ɗoon ɓe inndiroytee ɓiɓɓe Laamɗo Buurɗo.»

Galaatiyankooɓe 4:26

Ammaa Urusaliima gonɗo dow kammu oon wo dimo, kanko woni inna meeɗen.

Efeesunkooɓe 2:19

Ndelle, on nganaa jananɓe katin, on nganaa weerɓe du. Ko ngonɗon dey, wo on wonduɓe e seniiɓe, wo on jeyaaɓe e suudu Laamɗo.

Fillitagol 33:2

O wi'i: Joomiraaɗo ƴuurii Sinayi, o ɓantake dow maɓɓe ley wuro Seyir hono puɗal naange. Darja makko yaynii gilla waamnde Paran. O funtii hakkunde seniiɓe ujunaaje sowre, o ƴuurii horɗoore, ley degitaali baamle.

Fillitagol 5:26

Moy heɓi nanude daande Laamɗo Buurɗo na haala nder yiite hono no amin ni de heddodii e yonki?

Filipiyankooɓe 3:20

De enen kaa, wo dow kammu njeyaɗen, eɗen keppi kisinoowo meeɗen ƴuuroowo toon. Oon woni Joomiraaɗo men Iisaa Almasiihu.

1 Tesaloniyankooɓe 1:9

Sabo wo goonɗinɓe ɓeen jaati kumpitata min no njaɓɓoriɗon min arande, no njoppirɗon tooruuji de ngartuɗon to Laamɗo faa ngollanon Laamɗo Buurɗo, goongaajo oon.

2 Timote 4:18

Joomiraaɗo dannan kam e ko boni fuu, hisina kam faa mi hewta laamu muuɗum dow kammu. Wo kam jeyi teddeengal faa abada abadin! Aamiina.

Ibraninkooɓe 10:31

Hey, saamude e juuɗe Laamɗo Buurɗo oon ina hulɓinii!

Ibraninkooɓe 11:10

Ibrahiima waɗii ɗum sabo na heɗinoo ngalluure yowiinde dow joƴƴinirde duumiinde nde Laamɗo diidi de nyiɓi ndeen.

Ibraninkooɓe 11:16

Kaa si goonga, iɓe pooɗanoo leydi ɓurndi woodde, ɗum woni ngonndi dow kammu ndiin. Saabe ɗuum, Laamɗo semtiraay noddireede Laamɗo maɓɓe, moƴƴinanii ɓe ngalluure.

Ibraninkooɓe 13:14

Sabo to adunaaru ga en ngalaa ngalluure duumotoonde, ammaa eɗen piloo ngalluure waroore ndeen.

Ibraninkooɓe 3:12

Ndelle sakiraaɓe, kaybee taa fay gooto mooɗon tawree ɓernde bonnde nde walaa goonɗinal, de sela Laamɗo Buurɗo.

Ibraninkooɓe 9:14

Ndelle walaa ko haali haala ƴiiƴam Almasiihu ɗaam! E baawɗe Ruuhu duumiiɗo oon, Almasiihu hokkii hoore muuɗum Laamɗo no kirsamaari ndi walaa laru. Ɗum waɗi de ƴiiƴam makko laaɓinan miilooji ɓerɗe meeɗen e golleeji jaarooji en to maayde, faa ndewen Laamɗo Buurɗo oon.

Yoosuwa 3:10

Inan no paamirton Laamɗo Buurɗo oon ina wondi e mooɗon. Kanko e hoore makko riiwata Kanaaninkooɓe e Hittiyankooɓe e Hiwinkooɓe e Perisinkooɓe e Girgasinkooɓe e Amorinkooɓe e Yebusinkooɓe yeeso mooɗon.

Yahuuda 1:14

Henok, taaniiyo njeɗɗaɓo ley ƴuwdi Aadama oon, sappakeno kabaaru maɓɓe gilla ko ɓooyi, wi'i: «Ndaaree, Joomiraaɗo ina warda e maleyka'en muuɗum seniiɓe ujunaaje ujunaaje

Holleede 14:1

Ƴeewumi, de nji'umi Jawgel ina darii dow waamnde Siyona, ina wondi e yimɓe ujunaaje hemre e capanɗe nayo e nayo (144.000). Innde muuɗum e innde Baaba muuɗum na mbinndaa e tiiɗe maɓɓe.

Holleede 21:10

Ndeen keewumi Ruuhu, maleyka oon yaari kam faa dow waamnde mawnde toownde. O holli kam Urusaliima ngalluure seniinde ndeen ina ƴuura dow kammu to Laamɗo ina jippoo.

Holleede 21:2

Nji'umi Ngalluure Seniinde ndeen – ɗum woni Urusaliima keso oon – ina ƴuura dow kammu to Laamɗo ina jippoo. Nde nyaaƴinaama hono no ɓaŋeteeɗo nyaaƴirta faa segiloo yaha to gorum ni.

Holleede 22:19

Si neɗɗo ittii goɗɗum e haalaaji dewtere annabaaku nde, Laamɗo ittan ngeɗu muuɗum e lekki nguurndam cifaaki e mayre kiin, kam e ngalluure seniinde sifaande e mayre ndeen.

Holleede 3:12

Jaaliiɗo fuu, mi waɗan ɗum bimmbeere ley suudu Laamɗo am seniindu. O wurtataako e mayru abada. Mi winndan e dow makko innde Laamɗo am e innde ngalluure muuɗum. Ngalluure ndeen wo Urusaliima keso ƴuuroowo dow kammu to Laamɗo am de jippoo. Mi winndan e dow makko innde am heyre ndeen.

Holleede 7:2

Nji'umi katin maleyka goɗɗo ƴuuruɗo funnaange ina tiigii gaɗirgal maande Laamɗo Buurɗo. O ƴeewnii daande toownde to maleyka'en nayo hokkaaɓe baawɗe torrude leydi e maayo ɓeen.