Ibraninkooɓe 12:19 - Dewtere Laamɗo Fulfulde Burkina Faso

¹⁹ Ɓe nanii fuufaango buututal e daande ƴuurunde dow kammu. Nanuɓe daande ndeen ɓeen nyaagii taa ɓeydanee fay konngol gootol no poti hulude.

Ibraninkooɓe 12:19 ပူးပေါင်းရင်းမြစ်များ

Wurtagol 20:22

Joomiraaɗo wi'i Muusaa: — Kaalanaa Israa'iila'en, mbi'aa ɗum'en: On nji'ii mi haaldii e mooɗon gilla dow kammu.

Matta 24:31

Buututal manngal fuufete, de o nula maleyka'en makko lettugal e gorgal, horɗoore e soɓɓiire, kawrundura suɓaaɓe makko ɓeen gilla to adunaaru fuɗɗi faa to haaɗi.

1 Korintunkooɓe 15:52

Ɗum waɗan wakkati gooto, no tamƴaango yitere ni, si buututal cakitotoongal fuufaama. Sabo buututal ngaal fuufete, de maayɓe ɓeen ummodoo e ɓalli ɗi nyolataa. Enen du, en mbaylitete.

Fillitagol 18:16

Wo ɗuum ŋaariɗon Joomiraaɗo, Laamɗo mooɗon dow waamnde Sinayi nyannde kawrital nde ndarinoɗon oɗon mbi'a: — Taa min keddoo miɗen nana konngol Joomiraaɗo, Laamɗo amin. Taa min keddoo miɗen nji'a yiite mannge ngee sabo min maayan!

Fillitagol 4:11

Nyannde majjum, ɓattiɗon ndariɗon tiinde waamnde ndeen. Yiite huuri waamnde ndeen fuu faa tukkowi kammu. Nimre ɓaleere waɗi, tawti ruulde nimre e nimre tekkunde.

Fillitagol 4:12

Ndeen Joomiraaɗo haaldii e mooɗon hakkunde yiite ngeen. On nanii konngol makko ammaa on nji'aay alhaali faa'e. Wo daande tan nanuɗon.

Fillitagol 4:33

Yalla woodii lenyol nanungol daande alla gomma ley yiite hono no mooɗon ni de heddodii e yonki naa?

1 Tesaloniyankooɓe 4:16

Sabo Joomiraaɗo e hoore muuɗum ƴuuran dow kammu, jippoo. Wakkati oon yamiroore ƴeewnete, hooreejo maleyka'en ƴeewnoto, buututal Joomiraaɗo fuufete. Ndeen maayɓe goonɗinnooɓe Almasiihu ɓeen artoto fuu ummitaade.

Ibraninkooɓe 12:25

Ndelle tinnee taa calanoɗon Kaaldoowo e mooɗon oon. Sabo salinooɓe cappanɗo ɗum'en dow leydi ga ɓeen ndaɗaay, sakko enen si en calanake cappanoowo en gonɗo dow kammu oon.