Ibraninkooɓe 11:9 - Dewtere Laamɗo Fulfulde Burkina Faso

⁹ Saabe goonɗinal, o jooɗii hono janano e leydi ndi o aadanaa ndiin. Isiyaaka e Yaakuuba du njooɗodake e makko e ley hukumuuji. Kam'en du ngoni heɓidooɓe e makko amaana gooto oon.

Ibraninkooɓe 11:9 ပူးပေါင်းရင်းမြစ်များ

Fuɗɗoode 12:8

O eggi ɗoon, o yehi hayre wonnde lettugal Baytila o darnowi hukum makko toon. Baytila ina heedi o gorgal, Ayi du ina heedi o lettugal. Toon o mahani Joomiraaɗo sakkirde wonnde de o du'orii e innde Joomiraaɗo.

Fuɗɗoode 13:18

Abram eggi, darnoyi hukum muuɗum ley leɗɗe mawɗe ɗe Mamre, ley Heberon. Toon o nyiɓani Joomiraaɗo sakkirde.

Fuɗɗoode 13:3

O waɗi egga-hoɗa gilla leydi horɗoore faa Baytila, to hukum makko wonnoo arande toon. Ɗum woni hakkunde Baytila e Ayi

Fuɗɗoode 17:8

Mi hokkete aan e ƴuwdi maaɗa ngaroori caggal maa, leydi ndi laatinoɗaa beero ley muuɗum ndiin ɗum woni leydi Kanaana. Leydi ndiin fuu laatoto jeyal maaɗa faa abada. Wooɗi miin du, mi laatoto Laamɗo ƴuwdi maaɗa.

Fuɗɗoode 18:6

Ibrahiima harii yottii to Saaratu ley hukum toon, wi'i ɗum: — Yaawnu! Ngaɗiraa maasaaje e conndi alkama ɗaatundi etirɗe tati.

Fuɗɗoode 18:9

Ɓe kaaldi e makko, ɓe mbi'i: — Toy deeka Saaratu woni? O jaabii, o wi'i: — Ley hukum o woni.

Fuɗɗoode 21:34

Ibrahiima heddii ley leydi Filistiyankooɓe duuɓi keewɗi.

Fuɗɗoode 23:4

— Mi janano hakkunde mooɗon, wo mi beero Coonniree kam saabeere ley nokkuure mon faa mi mooɓa maayɗo am.

Fuɗɗoode 25:27

Sukaaɓe ɓeen mawni. Isuwa laatii loohotooɗo mawɗo jiɗuɗo yiilaade ley ladde, de Yaakuuba kaa laatii neɗɗo keesindiiɗo buurɗo ley hukumuuji.

Fuɗɗoode 28:4

O hokke barke Ibrahiima, aan e ƴuwdi maa. Ndonaa leydi ndi ngonɗaa ley muuɗum, ndi Laamɗo hokki Ibrahiima ndiin.

Fuɗɗoode 31:25

Laban hewtii Yaakuuba, tawi Yaakuuba darnii hukum muuɗum dow waamnde ndeen. Laban e sakiraaɓe muuɗum du ndarni hukum muɓɓen dow waamnde Galaad toon.

Fuɗɗoode 35:27

Yaakuuba yottii Mamre to bammum Isiyaaka, faa Kiriyat-Arba, ɗum woni Heberon. Wo toon Ibrahiima e Isiyaaka koɗunoo.

Fuɗɗoode 36:7

Sabo jawdi maɓɓe heewii faa ɓe mbaawaa jooɗodaade. Leydi ndi ɓe njooɗinoo ndiin heƴaay ɓe saabe keewal daabaaji maɓɓe.

Fuɗɗoode 47:9

Yaakuuba jaabii Fira'awna, wi'i: — Duuɓi am wo 130. Mi wuurdii egga-hoɗa. Duuɓi am seeɗa ɗi du, mi wuurii ɗi ley tiiɗalla. Mi heɓaay duuɓi ɗi maamiraaɓe am mbuuri ley egga-hoɗa muɓɓen ɗiin.

Ibraninkooɓe 6:17

Nde Laamɗo aadinoo ɗum ndeen, na yiɗi heɓooɓe amaana oon paama faa laaɓa anniya muuɗum waylitataako fey. Ɗum waɗi de o ɓeydi hunayeere e dow amaana makko oon.