Ibraninkooɓe 11:29 - Dewtere Laamɗo Fulfulde Burkina Faso

²⁹ Saabe goonɗinal, Israa'iilankooɓe peƴƴitiri Maayo Maaliya ngoon dow leydi njoorndi. Ammaa Misirankooɓe tefunooɓe feƴƴitirde noon ɓeen fuu njoolake.

Ibraninkooɓe 11:29 ပူးပေါင်းရင်းမြစ်များ

Nehemiya 9:11

Peccuɗaa maayo Maaliya yeeso maɓɓe, ngaɗuɗaa ɓe ndewi hakkunde maggo dow leydi njoorndi, de kalkuɗaa riwooɓe ɓe ɓeen ley to ɓuri fuu luggude nder maggo, ngo moɗi ɓe hono hayre teddunde faɗɗaande ley ndiyam.

Wurtagol 14:13

Muusaa jaabii yimɓe ɓeen, wi'i: — Taa kulee. Ndaree wooɗa, on nji'an no Joomiraaɗo hisinirta on hannden. Sabo Misirankooɓe ɓe nji'oton hannden ɓe, on nji'ataa ɓe katin faa abada.

Wurtagol 14:22

Israa'iila'en keɓi peƴƴi maayo ngoon dow leydi njoorndi. Ndiyam ɗaam du laatanii ɓe kokuuji, faro nyaamo maɓɓe e faro nano maɓɓe fuu.

Wurtagol 14:27

Muusaa foorti junngo muuɗum dow maayo. Nde weetunoo fu maayo warti hono no worrunoo. Tawi Misirankooɓe ina ndoggannoo ley toon. Ɓe kawri e ndiyam ɗaam. Joomiraaɗo faɗɗi ɓe ley maayo ngoon.

Yoosuwa 2:10

Min nanii no Joomiraaɗo yoorniri diyeele maayo Maaliya yeeso mooɗon nde mburtinoɗon Misira. Min nani du ko ngaɗuɗon laamiiɓe Amorinkooɓe ɗiɗo wonɓe lettugal Urdun ɓeen, no kalkirɗon Sihon e Oga.