Ibraninkooɓe 11:27 - Dewtere Laamɗo Fulfulde Burkina Faso

²⁷ Saabe goonɗinal, o yaltiri leydi Misira tawi o hulaay tikkere kaananke oon. O siini yahude hono imo yi'a Laamɗo mo yi'ataake oon ni.

Ibraninkooɓe 11:27 ပူးပေါင်းရင်းမြစ်များ

Wurtagol 11:8

Ndeen, gollooɓe maaɗa ɓeen fuu ngaran to am de kippoo yeeso am, mbi'a kam: «Dillu, aan e jokkuɓe ma fuu!» Ndeen mi dillan. Muusaa wurtii to Fira'awna, ina tikki sanne.

Wurtagol 12:11

Inan no nyaamroton teewu nguun: Kaɓɓoɗon kaɓɓorɗe mooɗon, ɓornoɗon paɗe mooɗon, njogoɗon cabbi mooɗon. Karoɗon, nyaamon law. Wo ɗum iidi Faltagol Joomiraaɗo.

Wurtagol 12:50

Yimɓe Israa'iila fuu ngaɗiri noon. Ɓe ngaɗiri hono no Joomiraaɗo yamiri Muusaa e Haaruuna noon.

Wurtagol 4:19

Joomiraaɗo ɓeydi haaldude e Muusaa ley Madiyan toon, wi'i ɗum: — Yecca leydi Misira, sabo yimɓe filotonooɓe warde ma ɓeen fuu maayii.

Matta 10:22

Yimɓe fuu mbanyan on saabe am. Ammaa tinnitiiɗo faa yottii timmoode fu, kam hisintee.

Matta 24:13

Ammaa tinnitiiɗo faa yottii timmoode fu, kam hisintee.

Marka 13:13

Yimɓe fuu mbanyan on saabe am. Ammaa tinnitiiɗo faa yottii timmoode fu, kam hisintee.

Marka 4:17

Ammaa ngol walaa ɗaɗi e maɓɓe, wakkati seeɗa tan ngol wonata e maɓɓe. Nde ɓillaare naa torra hewti ɓe saabe konngol ngool fu, ɓe njoppan ngol wakkati gooto.

Golle Nelaaɓe 2:25

Si goonga du, inan ko Daawda haali dow makko, wi'i: «Wakkati fuu miɗo yi'a Joomiraaɗo na wondi e am. Imo woni gere nyaamo am, faa taa mi diwna kulol.

1 Korintunkooɓe 13:7

Wakkati fuu njinngu ina sawrii, selataa hoolaade, de na heɗoo Laamɗo ley huunde fuu. Munyal muuɗum timmataa.

2 Korintunkooɓe 4:18

Ndelle min taykataako ko yi'etee, wo ko yi'ataake min taykotoo. Sabo ko yi'etee ɗuum faltoto, ammaa ko yi'ataake ɗuum, heddoto faa abada.

Koloosiyankooɓe 1:15

Almasiihu oon woni tagaadi Laamɗo mo yi'ataake oon. Kanko woni afo ardiiɗo dow tagoore ndeen fuu.

1 Timote 1:17

Laamɗo duumiiɗo jamaanuuji fuu, mo waylitataako, mo yi'ataake – Laamɗo gonɗo kam tan – teddeengal e darja woodan mo faa abada abadin! Aamiina.

1 Timote 6:16

Kam tan woni keddotooɗo, gonɗo ley annoora mo fay gooto waawaa ɓadaade. Neɗɗo fay gooto yi'aay ɗum, waawaa yi'ude ɗum du. Teddeengal e baawɗe duumiiɗe ngoodan mo. Aamiina.

Ibraninkooɓe 10:32

Miccitee nyalaaɗe mooɗon arane ɗeen, caggal nde Laamɗo yaynunoo hakkillooji mooɗon. On ndurwii ley torraaji keewɗi e munyal.

Ibraninkooɓe 11:1

Goonɗinal wo tannyorde heɓan ko yowi jikke e muuɗum, wo tannyorde ko yi'aay ɗuum ina woodi.

Ibraninkooɓe 11:13

Yimɓe ɓeen fuu maaydii e goonɗinal muɓɓen tawi ko Laamɗo aadanii ɗum'en ɗuum tabitaay tafon. Ammaa ɓe kaynake ɗum to woɗɗi, de ɓe kuyani ɗum. Ɓe cemtaay wi'ude wo ɓe hoɓɓe du, wo ɓe weerɓe e adunaaru ndu.

Ibraninkooɓe 6:15

Wooɗi, Ibrahiima munyi faa heɓi ko Laamɗo aadinoo hokkude ɗum ɗuum.

Yaakuuba 5:11

Eɗen mbi'a barke woodanii tinniiɓe ɓeen. On nanii haala tinnaare Ayuuba, wooɗi du on nji'ii e ley ɗum fuu no Joomiraaɗo fodoranii mo cakitte lobbe, sabo Joomiraaɗo wo keewɗo yurmeende, jom hinney.

1 Piyeer 1:8

On nji'aay ɗum de oɗon njiɗi ɗum. On nji'ataa mo joonin, ammaa oɗon ngoonɗini mo. Ɗum hebbini on seyo manngo faltiingo haaleede.