Ibraninkooɓe 11:16 - Dewtere Laamɗo Fulfulde Burkina Faso

¹⁶ Kaa si goonga, iɓe pooɗanoo leydi ɓurndi woodde, ɗum woni ngonndi dow kammu ndiin. Saabe ɗuum, Laamɗo semtiraay noddireede Laamɗo maɓɓe, moƴƴinanii ɓe ngalluure.

Ibraninkooɓe 11:16 ပူးပေါင်းရင်းမြစ်များ

Fuɗɗoode 26:24

Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.

Fuɗɗoode 28:13

Joomiraaɗo darii dow maggal, wi'i: — Miin woni Laamɗo, Joomiraaɗo bammaa Ibrahiima, Laamɗo Isiyaaka. Leydi ndi pukkiɗaa dow muuɗum ndiin, mi hokkete ndi, aan e ƴuwdi maa.

Wurtagol 3:15

Laamɗo wi'i Muusaa katin: — Inan ko mbi'ataa Israa'iila'en: Wo Joomiraaɗo, Laamɗo maamiraaɓe mooɗon, Ibrahiima e Isiyaaka e Yaakuuba neli kam to mooɗon. Ndee woni innde am faa abada. Wo e mayre yimɓe jamaanuuji fuu mbaawiri noddirde kam.

Wurtagol 3:6

O wi'i katin: — Miin woni Laamɗo baaba maaɗa, Laamɗo Ibrahiima e Isiyaaka e Yaakuuba. Ndeen Muusaa suddi yeeso muuɗum sabo hulii ndaarude Laamɗo.

Wurtagol 4:5

Joomiraaɗo wi'i: — Ɗum wo faa ɓe ngoonɗina, ɓe njaɓa wo miin Joomiraaɗo, Laamɗo maamiraaɓe maɓɓe Ibrahiima e Isiyaaka e Yaakuuba ɓangani ma.

Matta 25:34

Ndeen Kaananke oon wi'ata wonɓe junngo mum nyaamo ɓeen: «Ngaree, onon ɓe Baaba am barkini, njaɓee laamu mo ndesanaɗon gilla e fuɗɗoode adunaaru ndu.

Marka 12:26

Wooɗi, ko maayɓe ummitotoo ɗuum, on njanngaay e dewtere Muusaa ley taariki wuumoore huɓɓoore, hono no Laamɗo haaldiri e makko, wi'i: «Miin woni Laamɗo Ibrahiima, Laamɗo Isiyaaka, Laamɗo Yaakuuba»?

Marka 8:38

Cemtirɗo kam miin e haalaaji am e ley jamaanu tuunɗo luttuɗo Laamɗo o, miin, Ɓii Neɗɗo du, mi semtiran ɗum nde ngartidoymi e maleyka'en seniiɓe e ley teddeengal Baaba am.

Luuka 12:32

Taa kulee, onon coggal pamaral, sabo Baaba mooɗon ina seyorii hokkude on laamu muuɗum.

Luuka 20:37

Wooɗi ko maayɓe ummitotoo ɗuum, fay Muusaa sappake ɗum ley taariki wuumoore huɓɓoore. Sabo toon o noddiri Joomiraaɗo Laamɗo Ibrahiima e Isiyaaka e Yaakuuba.

Yuhanna 14:2

Cuuɗi keewɗi ina ngoni ley wuro Baaba am. Si ɗum wanaano goonga mi haalantaa on ɗum. Mi yahan, mi moƴƴinanowa on nokku toon.

Golle Nelaaɓe 7:32

«Miin woni Laamɗo maamiraaɓe maaɗa, Ibrahiima e Isiyaaka e Yaakuuba.» De Muusaa na diwna, suusaa ndaarude toon katin.

Filipiyankooɓe 3:20

De enen kaa, wo dow kammu njeyaɗen, eɗen keppi kisinoowo meeɗen ƴuuroowo toon. Oon woni Joomiraaɗo men Iisaa Almasiihu.

2 Timote 4:18

Joomiraaɗo dannan kam e ko boni fuu, hisina kam faa mi hewta laamu muuɗum dow kammu. Wo kam jeyi teddeengal faa abada abadin! Aamiina.

Ibraninkooɓe 10:34

Si goonga du, on cunodake e uddaaɓe ley kasu, wooɗi on njaɓii teeteede ko njogiɗon ɗuum fuu. On njaɓirii ɗum seyo, sabo on anndii oɗon njogii ko ɓuri ɗuum fuu wooɗude, ko tabitata faa abada.

Ibraninkooɓe 11:10

Ibrahiima waɗii ɗum sabo na heɗinoo ngalluure yowiinde dow joƴƴinirde duumiinde nde Laamɗo diidi de nyiɓi ndeen.

Ibraninkooɓe 11:14

Ko ɓe kaaldi noon ɗuum, hollii faa laaɓi iɓe pilanoo ko'e maɓɓe leydi ndi ɓe njeyi.

Ibraninkooɓe 11:40

Ɓe keɓaay ɗum sabo Laamɗo anniyake hokkude en ko ɓuri ɗum. O muuyaay ɓe laatoo hiɓɓuɓe si wanaa ɓe tawdee e meeɗen.

Ibraninkooɓe 12:22

Ammaa onon, on ngarii waamnde Siyona. On ngarii ngalluure Laamɗo Buurɗo oon, ɗum woni Urusaliima gonɗo dow kammu, to maleyka'en ujunaaje ujunaaje kawriti ina mbeltodoo.

Ibraninkooɓe 13:14

Sabo to adunaaru ga en ngalaa ngalluure duumotoonde, ammaa eɗen piloo ngalluure waroore ndeen.

Ibraninkooɓe 2:11

Sabo dey, Iisaa cenoowo yimɓe oon e seniiɓe ɓeen wo ƴuwdi ngootiri. Ɗum saabii de Iisaa semtirtaa noddirde ɓe sakiraaɓe muuɗum.

Holleede 21:2

Nji'umi Ngalluure Seniinde ndeen – ɗum woni Urusaliima keso oon – ina ƴuura dow kammu to Laamɗo ina jippoo. Nde nyaaƴinaama hono no ɓaŋeteeɗo nyaaƴirta faa segiloo yaha to gorum ni.