Ibraninkooɓe 11:12 - Dewtere Laamɗo Fulfulde Burkina Faso

¹² Ndelle neɗɗo gooto nayeejo faa ɓaɗii maayde heɓi ƴuwdi potundi e koode kammu heewude. Hono njaareendi maayo du, ndi limataako.

Ibraninkooɓe 11:12 ပူးပေါင်းရင်းမြစ်များ

Fuɗɗoode 15:5

Joomiraaɗo wurtini mo yaasin, wi'i: — Ndaar kammu, de limaa koode si aɗa waawi. O ɓeydi, o wi'i: — Noon ƴuwdi maaɗa ɗuuɗirta.

Fuɗɗoode 22:17

mi barkinte, mi ɗuuɗinan ƴuwdi maa hono koode kammu, hono gabbe njaareendi daande maayo. Ƴuwdi maa ronan galluuje wayɓe muuɗum.

Fuɗɗoode 26:4

Mi ɗuuɗinan ƴuwdi maa hono koode, mi hokkan ƴuwdi maa leyɗe ɗee fuu. Lenyi adunaaru fuu keɓan barke saabe ƴuwdi maa.

Fuɗɗoode 32:12

Miɗo ŋaare reenam e junngo mawnam Isuwa, sabo miɗo hula taa o wara, o fiya kam, miin e ɓiɓɓe am e inniraaɓe muɓɓen, o wara min.

2 Samuwiila 17:11

Jonle, miɗo tindine, accaa Israa'iila'en fuu kawrita to maaɗa, illa Dan faa yaha Beerseba, yimɓe ɗuuɗɓe hono njaareendi daande maayo. Aan du ardoɗaa ɓe ley wolde ndeen.

1 Kaanankooɓe 4:20

Yimɓe Yahuuda e Israa'iila na ɗuuɗi hono njaareendi daande maayo. Iɓe nyaama iɓe njara, iɓe ngondi e seyo.

1 Kabaaruuji Laamiiɓe 27:23

Daawda limaay worɓe ɓe kewtaay duuɓi 20 sabo Joomiraaɗo wi'iino ɗuuɗinan Israa'iila'en hono no koode kammu ɗuuɗiri ni.

Nehemiya 9:23

A ɗuuɗini ɓiɓɓe maɓɓe hono koode. A nyottinɗaa ɓe nder leydi ndi mbiiɗaa maamiraaɓe maɓɓe njaha teetowa de laatoo dongu muɓɓen.

Wurtagol 32:13

Miccita Ibrahiima e Isiyaaka e Israa'iila maccuɓe maaɗa ɓe kunaniɗaa e innde maaɗa de mbiiɗaa a waɗan lenyol muɓɓen ɗuuɗa hono koode kammu. Ciwtoraa a wi'ii a hokkan lenyol maɓɓe leydi ndiin fuu, ndi laatoo ndongu maɓɓe faa abada.

Romankooɓe 9:27

Annabi Esaaya du haalii haala Israa'iilankooɓe, wi'i: «Fay si ɓiɓɓe Israa'iila keewiri no njaareendi maayo ni, seeɗa maɓɓe tan hisintee,

Fillitagol 1:10

Joomiraaɗo, Laamɗo mooɗon barkinii on, ɗuuɗinii on faa inan hannden oɗon nanndi e koode kammu.

Fillitagol 28:62

Gaɗa ko laatinoɗon yimɓe ɗuuɗɓe faa nannduɗon e koode kammu ɗuum, seeɗa tan keddotoɗon sabo on kettindanaaki Joomiraaɗo, Laamɗo mooɗon.

Yoosuwa 11:4

Kaanankooɓe ɓeen fuu ngardi e sordaasiiɓe muɓɓen, sordaasiiɓe ɗuuɗuɓe sanne hono njaareendi daande maayo. Ɓe ngaddi du pucci e torkooji pucci ɗuuɗuɗi.

Holleede 20:8

O wurtoto, o hiilowa lenyi gonɗi e coɓɓuli adunaaru nay ɗiin, ɗum woni Yaajuuju e Maajuuju. O hawrunduran yimɓe lenyi ɗiin faa naata wolde. Iɗi keewi sanne hono njaareendi maayo.

Ardiiɓe 7:12

Madiyankooɓe e Amalekinkooɓe e lenyi lettugaaji ɗiin fuu ngari ina keewi naɗɗol ngool. Iɓe ɗuuɗi hono baɓɓatti ni. Geelooɗi maɓɓe du limataako. Iɗi ɗuuɗi hono njaareendi daande maayo.

1 Samuwiila 12:5

Samuwiila wi'i ɓe: — Joomiraaɗo wo seedee dow mooɗon, cuɓaaɗo muuɗum du wo seedee hannden dow ko on tawaay fay huunde e am. Ɓe mbi'i: — Kanko wo o seedee.