Ibraninkooɓe 10:30 - Dewtere Laamɗo Fulfulde Burkina Faso

³⁰ Sabo eɗen anndi Laamɗo wi'ii: «Wo miin jeyi njomnitaari, wo miin yoɓoyta.» O wi'i katin: «Joomiraaɗo saroto yimɓe muuɗum.»

Ibraninkooɓe 10:30 ပူးပေါင်းရင်းမြစ်များ

Lewinkooɓe 19:18

Taa piloɗaa yomnitaade ko ngaɗaɗaa, wooɗi du, taa njogitoɗaa nganyaandi yimɓe maaɗa. Njiɗiraa gondo maaɗa hono no njiɗirɗaa hoore maaɗa noon. Miin woni Joomiraaɗo.

Romankooɓe 12:19

Sakiraaɓe horsuɓe, taa njomnitanee ko'e mon. Ko kaanɗon waɗude dey, accee tikkere Laamɗo ndeen yomnitanoo on. Sabo e ley Binndi ɗiin Joomiraaɗo wi'ii: «Miin woni jomnitotooɗo, miin yoɓoyta ɓe.»

Romankooɓe 13:4

Sabo laamiiɓe wo gollanooɓe Laamɗo faa nafe. Ammaa si tawii wo ko boni ngaɗataa, kulaa, sabo wanaa ɓolum laamiiɓe mbakkorii kaafaahi. Wo ɓe gollanooɓe Laamɗo faa ɓe tabintina jukkungo muuɗum dow gaɗoowo ko boni fuu.

2 Korintunkooɓe 5:10

Sabo ina tilsi en fuu ndaroɗen yeeso Almasiihu faa careɗen, faa mono fuu heɓa mbarjaari golleeji muuɗum gaɗooji e ɓanndu ndu, nde wo ko wooɗi naa ko boni.

1 Samuwiila 25:26

Wo Joomiraaɗo haɗi ma rufude ƴiiƴam, haɗi ma yomnitoraade e junngo maaɗa. Joomam, mi hunorake Joomiraaɗo buurɗo, mi hunorake nguurndam maa du, wayɓe ma e yiɗuɓe nawnude ma ɓeen laatoto hono Nabal.

1 Samuwiila 26:10

Daawda ɓeydi wi'i: — Mi hunorake Joomiraaɗo buurɗo, sikke walaa Joomiraaɗo kam fiyata mo. Yalla wo wakkati makko warata de o ƴuwa, naa o naatan ley wolde de o maaya.