Ibraninkooɓe 10:26 - Dewtere Laamɗo Fulfulde Burkina Faso

²⁶ Sabo si goonga, si eɗen kensoo eɗen ngaɗa hakkeeji caggal ko annduɗen goonga faa laaɓi fu, sadaka ittoowo hakkeeji heddaaki katin.

Ibraninkooɓe 10:26 ပူးပေါင်းရင်းမြစ်များ

Lewinkooɓe 4:13

Si tawii wo yimɓe Israa'iila fuu lutti de ngaɗi ko haɗaa ley jamirooje Joomiraaɗo, tawi kensaaki, wooɗi du paamaay ngaɗii hakke fu, kamɓe jey feloore.

Lewinkooɓe 4:2

Kaaldaa e Israa'iila'en mbi'aa ɗum'en: Si neɗɗo luttii jamirooje ɗe Joomiraaɗo hokki de waɗi ko haɗaa, tawi hensaaki fu, inan no ngaɗoton:

Luuka 12:47

Golloowo annduɗo ko joomum yiɗi, de segilaaki, gollaay ko joomum yiɗi fu, fiyete ɓoggi keewɗi.

Yuhanna 13:17

Joonin kaa on paamii ɗum. Sini on njokkirii noon fu, barke na woodanii on.

Yuhanna 9:41

Iisaa jaabii ɓe, wi'i: — Si on wumɓe, on ngalaano hakke. De ko mbiiɗon joonin oɗon nji'a ɗuum, hakke mooɗon heddake.

Fillitagol 17:12

Mawninkiniiɗo de salii hettindaade ko almaami golloowo yeeso Joomiraaɗo, Laamɗo mooɗon oon wi'i, naa ko carotooɗo ley balɗe ɗeen wi'i fu, wo bareteeɗo. Noon ittirton ko boni ley Israa'iila.

2 Tesaloniyankooɓe 2:10

O golliran siyiiji bonanda fuu faa o hiila halkooɓe ɓeen, sabo ɓe njaɓaay yiɗude goonga de ɓe kisinee.

1 Timote 1:13

Arande miɗo mbonkotonoo ɗum, miɗo torra yimɓe muuɗum, miɗo huyfina ɗum. Ammaa mi heɓii yurmeende, sabo wo majjere e rafi goonɗinal ngaɗirmi ɗum.

1 Timote 2:4

jiɗɗo yimɓe fuu kisa, keɓa anndude goonga.

Yaakuuba 4:17

Ndelle, si neɗɗo faamii ko wooɗi ko haani waɗeede, de waɗaay ɗum fu, waɗii hakke.

1 Yuhanna 5:16

Ndelle, si won jiiɗo sakiike muuɗum ina waɗa hakke mo waddantaa ɗum maayde, o nyaaganoo ɗum Laamɗo, Laamɗo du hokkan ɗum nguurndam. De na woodi hakke gaddoowo maayde. Mi wi'aay nyaagoroɗon saabe hakke oon.

1 Samuwiila 2:25

Si neɗɗo waɗii goɗɗo hakke fu, Laamɗo saroto. De si neɗɗo waɗii Laamɗo hakke, moy rewrintinta ɗum e Laamɗo? Ammaa ɓiɓɓe Eli ɓeen kettindaaki haala baaba muɓɓen, sabo Joomiraaɗo anniyake warude ɓe.