Ibraninkooɓe 10:22 - Dewtere Laamɗo Fulfulde Burkina Faso

²² Ndelle, ɓattitoroɗen Laamɗo ɓerɗe goongaaje e goonɗinal ngal sikkitiraaka. Sabo ɓerɗe meeɗen laamnaama, pelataa en dow ko boni, ɓalli meeɗen du lootiraama ndiyam laaɓuɗam.

Ibraninkooɓe 10:22 ပူးပေါင်းရင်းမြစ်များ

1 Kaanankooɓe 15:3

O jokkii hakkeeji ɗi baabiiko ngaɗannoo yeeso makko ɗiin. O yiɗiraay Joomiraaɗo, Laamɗo makko e ɓernde makko fuu hono no maamiiko Daawda noon.

1 Kabaaruuji Laamiiɓe 12:33

Ley lenyol Isakar, anndunooɓe wakkatiiji faa paama no Israa'iila haani dabira, wo ardiiɓe 200 e sakiraaɓe muɓɓen ɓe ndawranta.

1 Kabaaruuji Laamiiɓe 28:9

Aan Suleymaana, suka am, anndaa Laamɗo am miin baaba maaɗa, de ngolliranaa ɗum e ɓernde ma fuu, e yonki ma fuu sabo Joomiraaɗo na hiinya ɓerɗe fuu, na anndi miilooji fuu. Si a filake o fu, o accan njiitaa o. Si a tottitake o du, o faɗɗete faa abada.

1 Kabaaruuji Laamiiɓe 29:17

Laamɗo am, miɗo anndi aɗa hiinya miilooji ɓernde ɓii-Aadama fuu. Aɗa yiɗi dartaare. Mi hokkii ma dokke yardamuye ɗee fuu e ɓernde laaɓunde. Ɓernde am na seyii sanne ko yimɓe maaɗa wonɓe ɗo joonin ɓee fuu kokkata dokke muɓɓen yardamuye ɗuum.

Wurtagol 29:4

Ɓattinaa Haaruuna e ɓiɓɓe muuɗum dammbugal Hukum Ceniiɗo toon de lootiraa ɗum'en e ndiyam.

Banndi 23:26

Ɓiyam, hokkam ɓernde maa, laabi am mbela gite maa.

Lewinkooɓe 14:7

O misa ɗam dow laaɓinteeɗo oon kile jeɗɗi. Caggal ɗuum, o holla joomum laaɓii de o yoofa foondu wuurndu nduun fiira naata ladde.

Lewinkooɓe 16:4

O ɓornoo saayo seniingo nyootiraango leppi ɗaatuɗi, tawta sarra nyootiraaka leppi ɗaatuɗi. O haɓɓoo kaɓɓorgol gaɗiraangol leppi ɗaatuɗi de o sudda hoore makko lefol nyootiraangol leppi ɗaatuɗi. Ɗee ngoni kaddule ceniiɗe ɗe o jeyi ɓornaade wakkati o lootii faa o naata ley nokkuure ndeen fuu.

Lewinkooɓe 8:6

O ɓattini Haaruuna e ɓiɓɓe muuɗum, o lootiri ɓe ndiyam.

Limle 8:7

Inan no ceninirtaa ɓe: mbiccaa ɓe ndiyam ceninoojam de ɓe pemmba ɓalli maɓɓe fuu, wooɗi du, ɓe lonna kaddule maɓɓe. Ndeen ɓe laatoo seniiɓe.

Matta 3:11

Miin, ndiyam lootirammi on batisima faa hollita on tuubii. Ammaa garoowo caggal am oon, kam ɓuri kam baawɗe. Mi fotaay fay ɓortude ɗum paɗe muuɗum. Oon lootirta on batisima Ruuhu Ceniiɗo e yiite.

Luuka 1:1

Yimɓe heewɓe pilake fillitaade kulle tabitinɗe hakkunde meeɗen.

Yuhanna 3:5

Iisaa jaabii mo, wi'i: — Goonga kaalanammaami: si wanaa neɗɗo rimtiree ndiyam e Ruuhu fu waawaa naatude laamu Laamɗo.

Yuhanna 8:9

Nde ɓe nannoo ɗum ndeen, ɓe ndilliri gooto gooto. Nayeeɓe ɓeen fuu artii dillude faa heddii Iisaa tan e debbo oon na darii hakkunde taliyaare ɗoon.

Golle Nelaaɓe 22:16

Joonin, ɗume ndoomataa katin? Umma, looteɗaa lootagal batisima, de njaaforeɗaa lutti maa e noddude innde Joomiraaɗo.»

Golle Nelaaɓe 8:21

A walaa ngeɗu ley golle amin, ɗum walanaa ma, sabo ɓernde maa fonnditaaki to Laamɗo.

1 Korintunkooɓe 6:11

Noon du woɓɓe mooɗon ngorrunoo. Ammaa joonin on lootaama, on cenaama, on ndaardaama fonnditiiɓe e dow innde Joomiraaɗo men Iisaa Almasiihu e Ruuhu Laamɗo men oon.

2 Korintunkooɓe 7:1

Ndelle sakiraaɓe horsuɓe, saabe en ngaɗanaama amaanaaji ɗiin fu, laaɓinen ko'e meeɗen e ko tuuninta ɓalli men e yonkiiji men fuu. Tabintinen senaare men e ley kulol Laamɗo.

Efeesunkooɓe 3:12

Saabe en ngoonɗinii Almasiihu, en kawtii e muuɗum, eɗen mbaawi ɓadoraade Laamɗo e hoolaare, eɗen anndi o jaɓanan en.

Efeesunkooɓe 5:26

faa waɗi ngal ceniingal, gaɗa o laaɓinirii ngal ndiyam e haala makko.

Efeesunkooɓe 6:5

Onon maccuɓe, ɗowtanoɗon joomiraaɓe mooɗon dow kulol e diwngol tawee e ɓerɗe laaɓuɗe no ɗowtorantoɗon Almasiihu ni.

1 Timote 4:2

Wo fenooɓe cankitirta jannde nde e naafikaaku muɓɓen. Ɓerɗe muɓɓen njoornaama, ɗe mbaylitataako, ɗe maatataa pelooje.

Titus 3:5

o hisinii en. Wanaa saabe golleeji men lobbi o hisiniri en, wo saabe yurmeende makko. O hisinirii en lootagol rimteede, keyɗintiniroowol en saabe Ruuhu Ceniiɗo.

Ibraninkooɓe 10:1

Tawreeta Muusaa oon wo sifa moƴƴereeji garooji ɗiin, wanaa tagaadi majji pay. Jokkuɓe Tawreeta ɓeen na ndewra Laamɗo kirsamaaji wakkatiiji fuu ley hitaande fuu. Ammaa Tawreeta oon waawaa hiɓɓinde ɓattoriiɓe Laamɗo kirsamaaji ɓeen.

Ibraninkooɓe 10:19

Saabe ɗuum sakiraaɓe, ƴiiƴam Iisaa ndufaaɗam ɗaam hokkii en laawol naatude e nokkuure ɓurnde fuu senaade ndeen e ɓerɗe baaltiiɗe.

Ibraninkooɓe 11:28

Saabe goonɗinal, o waɗi iidi Faltagol. O yamiri ƴiiƴam wujee e dammbuɗe cuuɗi taa maleyka baroowo oon meema ɓiɓɓe Israa'iilankooɓe artiiɓe rimeede ɓeen.

Ibraninkooɓe 12:24

On ngarii to Iisaa curoowo hakkunde yimɓe e Laamɗo ley amaana keso oon. On ngarii to ƴiiƴam makko mbiccaaɗam, ngadduɗam kabaaru ɓurɗo kabaaru ƴiiƴam Haabiila njuppiiɗam ɗaam woodde.

Ibraninkooɓe 4:16

Ndelle, en kooloo ɓattaade jooɗorgal Jom moƴƴere, faa keɓen yurmeende e moƴƴere, ɗum walla en nde kaajaɗen fuu.

Ibraninkooɓe 6:11

De miɗen muuya mono e mooɗon fuu siina jokkude faa yaha timmoode, faa jikke mooɗon hiɓɓa, tabita.

Ibraninkooɓe 7:19

Si goonga, ley Tawreeta Muusaa oon fay gooto laataaki kiɓɓuɗo. Joonin kaa en njowii jikke men e ko ɓuri Tawreeta Muusaa oon. E jikke oon keɓirten ɓattaade Laamɗo.

Ibraninkooɓe 9:10

Dewal ngaal ina haɓɓaa e jamirooje haala nyaamdu e njaram e lootaade lootaali feere feere. Jamirooje ɗeen fuu na kaɓɓaa e ɓanndu tan wanaa e ɓernde, iɗe njokkee faa nyannde Laamɗo tabintini huunde heyre.

Ibraninkooɓe 9:19

Nde Muusaa hollitinnoo yimɓe ɓeen jamirooje gonɗe e Tawreeta ɗeen fuu ndeen, hooƴi ƴiiƴam nga'oy e ndamkoy, jillunduri ɗam e ndiyam, de suuwiri toon leeɓi baali boɗeeji e licce hisop, de wicci dewtere Tawreeta ndeen e yimɓe ɓeen fuu.

Yaakuuba 1:6

Ammaa sey joomum ŋaaroroo goonɗinal tawee sikkitiraay, sabo cikkitiiɗo ina nanndi e bempeƴƴe ɗe henndu hooƴata, ina soggi yaade.

Yaakuuba 4:8

Ɓattee Laamɗo, ndeen kam du ɓadoto on. Onon luttuɓe, laaɓinee juuɗe mon. Onon waɗuɓe ɓerɗe ɗiɗi, laaɓinee ɓerɗe mon!

1 Piyeer 1:2

Laamɗo Baaba meeɗen suɓake on, anniyake laatoɗon yimɓe muuɗum toon. Ruuhu muuɗum ina golla e mooɗon faa laatoɗon seniiɓe, faa ɗowtanoɗon Iisaa Almasiihu, laamnireɗon ƴiiƴam muuɗum mbiccaaɗam e mooɗon. Laamɗo ɓeydan on moƴƴere e jam.

1 Piyeer 3:21

Ɗum fuu ɗum waɗii faa ɗum holla lootagal batisima gilla waraay. E ley maggal on kisii saabe ummitagol Iisaa Almasiihu. Lootagal batisima ngaal wanaa ittude tuundi ɓanndu, ammaa wo amaana mo neɗɗo nanngidi e Laamɗo e ɓernde laaɓunde.

Holleede 1:5

Wo on keɓu moƴƴere e jam ƴuuruɗe to Iisaa Almasiihu, seedee koolniiɗo, artiiɗo iirtineede hakkunde maayɓe, dawranoowo kaanankooɓe adunaaru ndu. Kam yiɗi en de haɓɓiti en e hakkeeji meeɗen saabe ƴiiƴam muuɗum ndufaaɗam.