Ibraninkooɓe 1:6 - Dewtere Laamɗo Fulfulde Burkina Faso

⁶ Katin du, nde o ɓadinoo nulude afo ardiiɗo oon ley adunaaru ndeen, o wi'i: «Maleyka'en Laamɗo fuu cujidana ɗum.»

Ibraninkooɓe 1:6 ပူးပေါင်းရင်းမြစ်များ

Matta 24:14

Kabaaru Lobbo haala laamu Laamɗo o gooynete e adunaaru ndu fuu, faa lenyi fuu keɓa seedaaku nguun. Ndeen adunaaru timmata.

Yuhanna 1:14

Konngol ngool laatii neɗɗo jom terɗe de jooɗii hakkunde meeɗen. Min nji'ii darja makko, darja mo Bajjo hemrata Baabiiwo. Ley darja makko oon Baabiiwo ɓanginiri keewal hinney e goonga muuɗum.

Yuhanna 1:18

Fay gooto yi'aay Laamɗo abada. Ammaa Ɓiɗɗo bajjo gonduɗo e Baabiiwo oon, kam humpiti en mo.

Yuhanna 3:16

Sabo Laamɗo ina yiɗi yimɓe adunaaru faa hokkitiri Ɓiyum bajjo, faa goonɗinɗo oon fuu taa halka ammaa heɓa nguurndam nduumiiɗam.

Romankooɓe 8:29

Sabo ɓe Laamɗo anndi gilla tagaaka ɓeen, o fodanake ɗum'en nanndude e Ɓiyiiko oon, faa Ɓiɗɗo oon laatoo afo ardiiɗo dow sakiraaɓe heewɓe.

Fillitagol 32:43

Ndeen Muusaa wi'i: Kammu seyodoo e Joomiraaɗo, maleyka'en kofoo yeeso makko, sabo o yoɓtanto ƴiiƴam gollanooɓe mo, o hiitoto wayɓe mo, o saroto golle muɓɓen bonɗe, o laaɓinan leydi yimɓe makko.

Koloosiyankooɓe 1:15

Almasiihu oon woni tagaadi Laamɗo mo yi'ataake oon. Kanko woni afo ardiiɗo dow tagoore ndeen fuu.

Koloosiyankooɓe 1:18

Kanko woni hoore kawrital goonɗinɓe mo, laatiingal ɓanndu makko ngaal. Kanko woni fuɗɗoode, kanko woni arandeejo e iirtiiɓe hakkunde maayɓe, faa o laatoo ardiiɗo e ley huunde fuu.

Ibraninkooɓe 1:5

Si goonga, fay gooto e maleyka'en ɓeen Laamɗo wi'aay: «Wo a ɓiyam, hannden mi laatake Baaba maa.» Naa katin: «Miin, mi laatanto o Baaba, kanko du o laatanoo kam Ɓiɗɗo.»

Ibraninkooɓe 10:5

Ɗum waɗi, wakkati mo Almasiihu naati adunaaru oon, wi'i Laamɗo: «Wanaa kirsamaaji muuyuɗaa, wanaa sadakaaji nyaamri muuyuɗaa, ammaa a waɗanii kam ɓanndu.

1 Piyeer 3:22

O ƴeentowii dow kammu, imo jooɗii gere nyaamo Laamɗo. Imo laamii maleyka'en e kaanankooɓe e jogiiɓe baawɗe fuu.

1 Yuhanna 4:9

Inan no Laamɗo ɓangirani en njinngu muuɗum: o nuli Ɓiyiiko Bajjo ley adunaaru ndu faa keɓiren nguurndam saabe muuɗum.

Holleede 1:5

Wo on keɓu moƴƴere e jam ƴuuruɗe to Iisaa Almasiihu, seedee koolniiɗo, artiiɗo iirtineede hakkunde maayɓe, dawranoowo kaanankooɓe adunaaru ndu. Kam yiɗi en de haɓɓiti en e hakkeeji meeɗen saabe ƴiiƴam muuɗum ndufaaɗam.