Holleede 7:9 - Dewtere Laamɗo Fulfulde Burkina Faso

⁹ Caggal ɗuum, ƴeewumi, nji'umi jamaa keewɗo mo limataako ƴuuruɗo e laamorɗe fuu e lenyi fuu e siyiiji yimɓe fuu e ɗemle fuu. Iɓe ndarii yeeso jooɗorgal laamu ngaal e Jawgel ngeel. Iɓe ɓornii saayaaji daneeji, licce tamarooje ina ngoni e juuɗe maɓɓe.

Holleede 7:9 ပူးပေါင်းရင်းမြစ်များ

Fuɗɗoode 13:16

Mi waɗan ƴuwdi maa ɗuuɗa faa fay gooto waawataa limude ndi. Si njaareendi na waawi limeede fu, ƴuwdi maa ndiin du waawete limeede.

Fuɗɗoode 49:10

Sawru laamu heddoto e lenyol Yahuuda, laamu dillataa ley ƴuwdi makko, faa nde podanaaɗo teddeengal oon warowi. Lenyi adunaaru ɗowtanto mo.

Lewinkooɓe 23:40

Nyalaande go'aɓerde ittanon ko'e mooɗon ɓiɓɓe leɗɗe lobbe e licce tamorooje e licce leɗɗe bilitinɗe e leɗɗe gonɗe daande ndiyam de ceyoroɗon balɗe jeɗɗi yeeso Joomiraaɗo, Laamɗo mooɗon.

Luuka 12:1

Wakkati oon yimɓe ujunaaje sowre kawriti faa ina njaaɓundura. Ndeen Iisaa wi'i taalibaaɓe mum ɓeen: — Ndeentee e rabilla Farisa'en, ɗum woni naafikaare.

Luuka 21:36

Ndelle, kakkilon wakkati fuu, ngaɗon du'aare, faa keɓon daɗude e kulle gaɗooje ɗeen fuu, mbaawon daraade yeeso Ɓii Neɗɗo.

Yuhanna 12:13

Ɓe kooƴi licce tamarooje, ɓe njakkitowii mo. Iɓe ƴeewnoo, iɓe mbi'a: — Jettooje e barke ngoodanii garɗo e dow innde Joomiraaɗo oon! Jettooje ngoodanii mo, kanko kaananke Israa'iila!

Romankooɓe 11:25

Sakiraaɓe, mi yiɗaa ndullon ko suuɗi ɗum ɗo, heɓa taa ndaardon ko'e mon wo on jom'en hakkillo: Israa'iilankooɓe laatake yoorɓe ɓerɗe, de ɗum timman wakkati siyiiji yimɓe ɓe nganaa Alhuudiyankooɓe fuu ngoonɗini, naati laamu Laamɗo.

Efeesunkooɓe 6:13

Saabe majjum, kooƴee kaɓitirɗe ɗe Laamɗo hokki on ɗeen fuu, faa mbaawon dartaade nde nyalaande bonnde ndeen wari, tawee caggal haɓo mooɗon ngoon on keddoto on dartiiɓe.

Ibraninkooɓe 11:12

Ndelle neɗɗo gooto nayeejo faa ɓaɗii maayde heɓi ƴuwdi potundi e koode kammu heewude. Hono njaareendi maayo du, ndi limataako.

Ibraninkooɓe 12:22

Ammaa onon, on ngarii waamnde Siyona. On ngarii ngalluure Laamɗo Buurɗo oon, ɗum woni Urusaliima gonɗo dow kammu, to maleyka'en ujunaaje ujunaaje kawriti ina mbeltodoo.

Holleede 11:15

Maleyka njeɗɗaɓo oon fuufi buututal muuɗum. Ndeen daaɗe toowɗe nanaa dow kammu, ina mbi'a: — Laamu adunaaru ndu fuu laatake laamu Joomiraaɗo meeɗen e Almasiihu muuɗum. O laamoto faa abada abadin!

Holleede 22:3

Ko Laamɗo huɗi fuu tawataake ley ngalluure ndeen katin. Jooɗorgal laamu Laamɗo e Jawgel ngeel ina ngoni ley mayre. Maccuɓe Laamɗo ndewan ɗum.

Holleede 3:18

Miɗo tindine, coodaa to am kaŋŋe laaɓiniraaɗo yiite, faa keɓaa jawdi ngoongalaari. Coodaa to am du kaddule daneeje ɓornoɗaa, faa cuuraa ɓanndu maa ɓoldu nduun e semteende. Katin du, coodaa to am nebbam faa mbujaa gite maa de keɓaa nji'aa.

Holleede 4:4

Jooɗorgal ngaal, jooɗorɗe laamu 24 ina piilii ngal. Mawɓe 24 ina njooɗii dow majje, ina ɓornii kaddule daneeje, kufuneeje gaɗiraaɗe kaŋŋe ina ngoni e ko'e maɓɓe.

Holleede 5:11

Caggal ɗuum nji'umi ley holleede, de nanumi daaɗe maleyka'en heewɓe. Iɓe ngaɗa ujunaaje ujunaaje ɗuuɗɗe. Iɓe piilii jooɗorgal ngaal e kulle buurɗe ɗeen e mawɓe ɓeen,

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.

Holleede 6:11

Mono e maɓɓe fuu hokkaa saaya ndaneeha. Ɓe mbi'aa ɓe powta seeɗa tafon, faa limgal gollidiiɓe maɓɓe, sakiraaɓe maɓɓe fodanaaɓe wareede hono maɓɓe ɓeen, kiɓɓa.

Holleede 7:8

ƴuuruɓe e Jabulon, ujunaaje sappo e ɗiɗo, ƴuuruɓe e Yuusufi, ujunaaje sappo e ɗiɗo, ƴuuruɓe e Benyamin, ujunaaje sappo e ɗiɗo. Lenyi ɗiin fuu ngaɗanaama maande.