Holleede 7:14 - Dewtere Laamɗo Fulfulde Burkina Faso

¹⁴ Mbi'umi mo: — Joomam, aan woni annduɗo. O jaabii kam, o wi'i: — Kamɓe ngoni ƴuuruɓe e torra mawɗo. Ɓe lonnii saayaaji maɓɓe, ɓe ndawninirii ɗi ƴiiƴam Jawgel ngeel.

Holleede 7:14 ပူးပေါင်းရင်းမြစ်များ

Ayuuba 11:16

A yeggitan torraaji maaɗa, a miccitoto ɗi hono ndiyam ndoggoojam na faltoo.

Wurtagol 37:3

O siiwi kaŋŋe, o waɗi jawe nay, o seŋi e coɓɓuli maggal nay ɗiin fuu, ɗiɗi senngo ngoo, ɗiɗi senngo ngootoo.

Matta 24:21

Sabo ndeen, torra mawɗo waɗan mo hono muuɗum waɗaay gilla fuɗɗoode adunaaru faa joonin, wooɗi du hono muuɗum waɗataa abada katin.

Marka 13:19

Sabo ley balɗe ɗeen torra waɗan mo hono muuɗum waɗaay gilla fuɗɗoode adunaaru ndu Laamɗo tagi nduun faa joonin, wooɗi du hono muuɗum waɗataa abada katin.

Yuhanna 16:33

Mi haalanii on ɗum, faa keɓon jam ley gondal am. Ley adunaaru ndu on keɓan torra, ammaa cemmbinee ɓerɗe mon, sabo miin, mi jaalake adunaaru ndu!

Golle Nelaaɓe 14:22

Iɓe ɓeydana taalibaaɓe semmbe, iɓe tindina ɗum'en keddoo e goonɗinal, iɓe mbi'a: — Sanaa tampen tampiriiji keewɗi fadde men e naatude laamu Laamɗo.

Romankooɓe 5:3

Wanaa ɗum tan, eɗen ceyoroo torraaji meeɗen du sabo eɗen anndi torraaji ndimata munyal,

1 Korintunkooɓe 6:11

Noon du woɓɓe mooɗon ngorrunoo. Ammaa joonin on lootaama, on cenaama, on ndaardaama fonnditiiɓe e dow innde Joomiraaɗo men Iisaa Almasiihu e Ruuhu Laamɗo men oon.

2 Tesaloniyankooɓe 1:4

Ɗum waɗi de miɗen mantoroo on to kawrite goonɗinɓe Laamɗo ɗeen. Miɗen mantoroo on saabe munyal mooɗon e goonɗinal mooɗon e ley torraaji e ɓillaaje jowiiɗe dow mooɗon ɗeen fuu.

Ibraninkooɓe 13:12

Ɗum waɗi de Iisaa du maayowi yaasin wuro faa senira yimɓe ƴiiƴam muuɗum.

Ibraninkooɓe 9:14

Ndelle walaa ko haali haala ƴiiƴam Almasiihu ɗaam! E baawɗe Ruuhu duumiiɗo oon, Almasiihu hokkii hoore muuɗum Laamɗo no kirsamaari ndi walaa laru. Ɗum waɗi de ƴiiƴam makko laaɓinan miilooji ɓerɗe meeɗen e golleeji jaarooji en to maayde, faa ndewen Laamɗo Buurɗo oon.

1 Piyeer 1:19

Almasiihu wo laatiiɗo jawgel kiɓɓungel, ngel walaa malal. Oon soottitiri on ƴiiƴam muuɗum tedduɗam.

1 Yuhanna 1:7

Ammaa si e annoora mbuurɗen hono no o worri e annoora kanko e hoore makko ni fu, ndeen eɗen ngoodi kawtal hakkunde meeɗen. Katin du ƴiiƴam Ɓiyiiko Iisaa na laaɓina en e hakkeeji fuu.

Holleede 1:5

Wo on keɓu moƴƴere e jam ƴuuruɗe to Iisaa Almasiihu, seedee koolniiɗo, artiiɗo iirtineede hakkunde maayɓe, dawranoowo kaanankooɓe adunaaru ndu. Kam yiɗi en de haɓɓiti en e hakkeeji meeɗen saabe ƴiiƴam muuɗum ndufaaɗam.

Holleede 12:11

Sakiraaɓe meeɗen ɓeen njaalorake mo ƴiiƴam Jawgel ngeel, e seedaaku ngu ɓe ngaɗi dow maggel. Ɓe pilaaki reenude yonkiiji maɓɓe e maayde.

Holleede 15:2

Nji'umi maayo nanndungo e daandorgal ina jillunduri e yiite. Jaalinooɓe ndaabaawa ngaan ɓeen ina keddii ɗakkol maggo. Ɓeen ngoni jaalinooɓe nga, kanga e tooru nanndundu e magga nduun e limoore innde magga ndeen. Iɓe njogii kolli ɗi Laamɗo hokki ɓe ɗiin.

Holleede 17:6

Nji'umi debbo oon sulake saabe ƴiiƴam seniiɓe e ƴiiƴam seedantooɓe Iisaa ɗam o yari. Ko nji'umi mo ɗuum, ɗum haaynii kam sanne.

Holleede 2:9

Miɗo anndi torra maaɗa e talkaaku maaɗa, tawee le a jom jawdi. Miɗo anndi no wiitotooɓe wo Alhuudiya'en de nganaa ɓeen mbonkortoo on. Wo ɓe kawrital rewooɓe Seyɗaani.

Holleede 22:14

Barke woodanii lonnooɓe saayaaji muɓɓen faa mbaawa nyaamude ɓiɓɓe lekki nguurndam kiin, ɓe ndewa dammbuɗe, ɓe naata ngalluure ndeen.

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.

Holleede 7:9

Caggal ɗuum, ƴeewumi, nji'umi jamaa keewɗo mo limataako ƴuuruɗo e laamorɗe fuu e lenyi fuu e siyiiji yimɓe fuu e ɗemle fuu. Iɓe ndarii yeeso jooɗorgal laamu ngaal e Jawgel ngeel. Iɓe ɓornii saayaaji daneeji, licce tamarooje ina ngoni e juuɗe maɓɓe.