Holleede 5:6 - Dewtere Laamɗo Fulfulde Burkina Faso

⁶ Ndeen nji'umi Jawgel ina darii hakkunde jooɗorgal ngaal. Kulle nay buurɗe ɗeen e mawɓe ɓeen ina piilii ngel. Ingel nanndi e kirsanoongel. Ingel woodi luwe jeɗɗi e gite jeɗɗi. Ɗeen ngoni ruuhuuji Laamɗo jeɗɗi nuleteeɗi e adunaaru ndu fuu.

Holleede 5:6 ပူးပေါင်းရင်းမြစ်များ

Limle 7:39

O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo,

Limle 7:57

O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo,

Luuka 1:69

O waddanii en Kisinoowo jom semmbe ƴuwɗo e suudu Daawda, maccuɗo makko.

Yuhanna 1:29

Jaango majjum, Yaayaa yi'i Iisaa ina wara to muuɗum, wi'ii: — Inan jawgel Laamɗo donndotoongel hakkeeji adunaaru.

Yuhanna 1:36

O yi'i Iisaa ina faltoo, o wi'i: — Inan jawgel Laamɗo!

Golle Nelaaɓe 8:32

Inan aayaaje ɗe o janngi ley dewtere ndeen: «O yaaraama hono mbaalu kirsoyteengu ni. No baalel deƴƴinortoo yeeso kesoowo leeɓi muuɗum ni, hono noon o muɓɓiri hunnduko makko.

Holleede 1:4

Miin Yuhanna, miɗo winndana kawrite goonɗinɓe jeɗɗi gonɗe e leydi Aasiya. Wo on keɓu moƴƴere e jam ƴuuruɗe to Laamɗo gonɗo, gonnooɗo, gonoowo oon, e ƴuuruɗe to ruuhuuji jeɗɗi gonɗi yeeso jooɗorgal laamu makko ɗiin.

Holleede 12:11

Sakiraaɓe meeɗen ɓeen njaalorake mo ƴiiƴam Jawgel ngeel, e seedaaku ngu ɓe ngaɗi dow maggel. Ɓe pilaaki reenude yonkiiji maɓɓe e maayde.

Holleede 13:8

Yimɓe wonɓe e adunaaru ndu ɓeen fuu cujidanan ndaabaawa nanndunga e cirgu ngaan. Ɓeen ngoni yimɓe ɓe inɗe muɓɓen tawaaka ina mbinndii gilla fuɗɗoode adunaaru ley dewtere nguurndam ndeen, dewtere Jawgel kirsanoongel ngeel.

Holleede 14:1

Ƴeewumi, de nji'umi Jawgel ina darii dow waamnde Siyona, ina wondi e yimɓe ujunaaje hemre e capanɗe nayo e nayo (144.000). Innde muuɗum e innde Baaba muuɗum na mbinndaa e tiiɗe maɓɓe.

Holleede 17:14

Ɓe kaɓan e Jawgel ngeel, ammaa Jawgel ngeel jaaloto ɓe sabo kangel woni Joomiraaɗo joomiraaɓe e Kaananke kaanankooɓe. Wonduɓe e maggel ɓeen wo noddaaɓe, suɓaaɓe, hoolniiɓe.

Holleede 21:22

Mi yi'aay suudu dewal e ley ngalluure ndeen, sabo Laamɗo Joomiraaɗo jom baawɗe fuu oon e Jawgel ngeel ngoni suudu dewal mayre.

Holleede 21:23

Ngalluure ndeen haajaaka naange naa lewru yaynana ɗum, sabo darja Laamɗo yaynata nde. Jawgel ngeel woni lampal mayre.

Holleede 22:1

Caggal ɗuum, maleyka oon holli kam maayo ngo ndiyam muuɗum hokkata nguurndam, njalbiroojam hono daandorgal. Iɗam ƴuura to jooɗorgal laamu Laamɗo e Jawgel ngeel toon.

Holleede 22:3

Ko Laamɗo huɗi fuu tawataake ley ngalluure ndeen katin. Jooɗorgal laamu Laamɗo e Jawgel ngeel ina ngoni ley mayre. Maccuɓe Laamɗo ndewan ɗum.

Holleede 4:8

Kulle buurɗe nay ɗeen, gootel fuu ina woodi bippeele jeegom. Bippeele ɗeen ina keewi gite ley e dow fuu. Jemma e nyalooma fuu ɗe celataa yimude, iɗe mbi'a: «Ceniiɗo, Ceniiɗo, Ceniiɗo, wo Laamɗo Joomiraaɗo jom baawɗe fuu, gonnooɗo, gonɗo, gonoowo oon!»

Holleede 5:11

Caggal ɗuum nji'umi ley holleede, de nanumi daaɗe maleyka'en heewɓe. Iɓe ngaɗa ujunaaje ujunaaje ɗuuɗɗe. Iɓe piilii jooɗorgal ngaal e kulle buurɗe ɗeen e mawɓe ɓeen,

Holleede 5:12

iɓe njimira daaɗe toowɗe, iɓe mbi'a: «Jawgel kirsanoongel ngel ina foti e heɓude baawɗe e jawdi e hakkilantaaku e semmbe e teddeengal e darja e manoore!»

Holleede 5:13

Ndeen nanumi tageefo wonngo dow kammu fuu e ko woni dow leydi e ko woni ley leydi e ko woni dow maayo e ko woni e muɓɓen fuu, ina mbi'a: «Manoore e teddeengal e darja e baawɗe ngoodanii jooɗiiɗo dow jooɗorgal ngaal oon e Jawgel ngeel faa abada!»

Holleede 5:14

Kulle nay buurɗe ɗeen njaabii: — Aamiina. Mawɓe ɓeen du, kippii e leydi, cujidi.

Holleede 6:16

Heddii iɓe mbi'a baamle e tefaaje ɗeen: — Caamee dow amin! Cuuɗon min e yeeso jooɗiiɗo dow jooɗorgal laamu oon! Cuuɗon min e tikkere Jawgel ngeel!

1 Samuwiila 2:10

Wayɓe Joomiraaɗo kelete kelte kelte, o rigginan kammu dow maɓɓe. Joomiraaɗo saroto haddu adunaaru fuu. O hokkan laamiiɗo makko semmbe, o toownan semmbe cuɓaaɗo makko.