Holleede 4:11 - Dewtere Laamɗo Fulfulde Burkina Faso

¹¹ «Joomiraaɗo amin, Laamɗo amin, aɗa foti heɓude darja e teddeengal e baawɗe, sabo aan tagi huunde fuu. Wo saabe muuyɗe maa ɗum laatorii, wo saabe muuyɗe maa tagirɗaa ɗum.»

Holleede 4:11 ပူးပေါင်းရင်းမြစ်များ

Fuɗɗoode 1:1

Gilla fuɗɗoode, Laamɗo tagi kammu e leydi.

2 Samuwiila 22:4

Miɗo nodda Joomiraaɗo, jeyɗo maneede oon, de o danna kam e wayɓe am.

Nehemiya 9:5

Lewinkooɓe: Yesuwa e Kadamiyel e Baanii e Haasibuneya e Seraabiya e Hoodiya e Sabaniiya e Petahiya mbi'i Israa'iila'en: — Ummee! Mannee Joomiraaɗo, Laamɗo mooɗon faa abadaa! — Innde ma manee, aan mo teddeengal mum ɓuri miilooji tagaaɗo!

Ayuuba 36:3

Mi iirtan anndal am gilla to woɗɗi, mi holla wo Taguɗo kam oon woni dartiiɗo.

Wurtagol 20:11

Sabo ley balɗe jeegom miin Joomiraaɗo ngaɗumi kammu e leydi e maayo e ko woni ley muɓɓen fuu. Saabe ɗuum mi barkinii nyannde jeɗɗaɓerde, mi seninii nde.

Banndi 16:4

Ko Joomiraaɗo tagi fuu na woodi sabaabu, fay bonɗo du saabe nyalaande bone.

Golle Nelaaɓe 14:15

ina mbi'a: — Worɓe, ɗume ngaɗoton ɗo? Minen du min yimɓe hono mooɗon. Miɗen mbaajoo Kabaaru Lobbo oon faa tuubon, celon golleeji ɓoli ɗi, ngarton e Laamɗo Buurɗo, taguɗo kammu e leydi e maayo manngo e ko woni e muɓɓen fuu.

Golle Nelaaɓe 17:24

Laamɗo taguɗo adunaaru e ko woni e muuɗum fuu oon, kam woni jom kammu e leydi. O jooɗataako ley cuuɗi nyiɓiraaɗi juuɗe.

Romankooɓe 11:36

Si goonga, huunde fuu e makko ƴuuri, huunde fuu wo kanko tiigii, huunde fuu wo kanko jeyi. Wo teddeengal woodan mo faa abada! Aamiina.

Efeesunkooɓe 3:9

Mi hokkaama du faaminde yimɓe fuu no Laamɗo tabintinirta fodoore muuɗum. Laamɗo taguɗo huunde fuu oon suuɗunoo fodoore ndeen gilla jamaanuuji ɓooyuɗi.

Fillitagol 32:4

Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.

Ibraninkooɓe 1:10

O wi'i katin: «Aan Joomiraaɗo, illa fuɗɗoode a joƴƴinii adunaaru, e juuɗe maa tagirɗaa kammuuli ɗiin.

Ibraninkooɓe 1:2

Ammaa e ley nyalaaɗe cakitiiɗe ɗe o haaldanii en e Ɓiyiiko mo o tagiri adunaaru ndu fuu. O waɗi ɗum donoowo huunde fuu.

Holleede 1:6

O hokki en laamu, o waɗi en almaami'en faa ngollanen Laamɗo Baabiiko oon! Teddeengal e baawɗe ngoodan Iisaa faa abada! Aamiina.

Holleede 10:6

hunorii Buurɗo duumiiɗo faa abada, taguɗo kammu e ko woni e muuɗum, e leydi e ko woni e muuɗum, e maayo e ko woni e muuɗum. Maleyka oon wi'i: — Wakkati heddaaki katin!

Holleede 14:7

Imo ƴeewnoo e daande toownde, imo wi'a: — Kulee Laamɗo! Mawninon ɗum! Sabo wakkati mo o sarotoo oon warii. Cujidanee taguɗo kammu e leydi e maayo e ilduɗe ndiyam oon!

Holleede 19:1

Caggal ɗuum, nanumi sawtu jamaa keewɗo dow kammu, ina ƴeewnoroo daaɗe toowɗe, ina wi'a: «Haleluuya! Kisindam e manngu e baawɗe ngoodanii Laamɗo meeɗen!

Holleede 5:12

iɓe njimira daaɗe toowɗe, iɓe mbi'a: «Jawgel kirsanoongel ngel ina foti e heɓude baawɗe e jawdi e hakkilantaaku e semmbe e teddeengal e darja e manoore!»

Holleede 5:2

Ndeen nji'umi maleyka jom semmbe ina ƴeewnoo daande toownde, ina wi'a: — Moy foti e takkitinde takkanɗe takkaaɗe ɗeen, de omta dewtere taggaande nde?

Holleede 5:9

Heddii iɓe njima jimol kesol, iɓe mbi'a: «Aɗa foti e jaɓude dewtere ndeen de takkitaa takkanɗe uddiraaɗe nde, sabo a hirsanooma. E ƴiiƴam maa coottirɗaa ƴuuruɓe e lenyi fuu e ɗemle fuu e siyiiji yimɓe fuu e laamorɗe fuu faa ɓe njeydaa e Laamɗo.