Holleede 3:18 - Dewtere Laamɗo Fulfulde Burkina Faso

¹⁸ Miɗo tindine, coodaa to am kaŋŋe laaɓiniraaɗo yiite, faa keɓaa jawdi ngoongalaari. Coodaa to am du kaddule daneeje ɓornoɗaa, faa cuuraa ɓanndu maa ɓoldu nduun e semteende. Katin du, coodaa to am nebbam faa mbujaa gite maa de keɓaa nji'aa.

Holleede 3:18 ပူးပေါင်းရင်းမြစ်များ

Banndi 1:25

Kaari! On njokkaay tindinooje am, on calake hettindaade pelooje am.

Banndi 1:30

On njiɗaay tindinooje am, on pamɗinii pelooje am fuu.

Banndi 19:20

Hettina tindinooje, njaɓaa tindinoore, timmoode majjum laatante hakkillo.

Banndi 23:23

Nanngu goonga faa wooɗa, taa conna ɗum. Keɓaa hakkillo, e eeltol, e paamal, ley ko ngaɗataa fuu, taa yeeba ɗum.

Tindinoowo 8:2

Miin le, inan ko tinndinammi: kaybaa haala kaananke, sabo ɗum woni hunayeere nde ngaɗɗaa yeeso Laamɗo.

Matta 13:44

— Laamu Laamɗo ina nanndi e jawdi cuuɗiindi e ley ngesa. Gorko gomma ukkii e mayri, de suuɗi ndi katin. E ley seyo makko, o yehi, o sonnowi ko o joginoo fuu, de o soodi ngesa ngaan.

Matta 25:9

Jom'en hakkillo ɓeen njaabii, mbi'i: «Gasataa, sabo ko min njogii ɗuum heƴataa en, en fuu. Njehee to sonnooɓe, coodowon!»

Luuka 12:21

Nii woni sifa neɗɗo fuu pagganiiɗo hoore muuɗum jawdi, de wanaa jom jawdi yeeso Laamɗo.

2 Korintunkooɓe 5:3

Goonga ni, si en ɓornake ndu fu, en laatataako yonkiiji ɗi ngalaa ɓalli.

2 Korintunkooɓe 8:9

Sabo oɗon anndi moƴƴere Joomiraaɗo meeɗen Iisaa Almasiihu: kam jom jawdi oon, waɗii hoore muuɗum talkaajo saabe mooɗon faa laatoroɗon joomiraaɓe jawdi talkaaku muuɗum nguun.

1 Timote 6:18

Sey ɓe ngolla ko wooɗi, ɓe keewa golleeji lobbi no jawdi maɓɓe heewiri noon. Ɓe laatoo moƴƴuɓe, yardiiɓe wallirde woɓɓe e jawdi maɓɓe.

Yaakuuba 2:5

Sakiraaɓe am horsuɓe, kettindee! Talkaaɓe adunaaru ndu ɓeen, wanaa Laamɗo suɓake ɓe faa ɓe laatoo danyuɓe goonɗinal, ɓe naata e laamu Laamɗo mo Laamɗo aadii hokkude yiɗuɓe ɗum naa?

1 Piyeer 1:7

Torraaji ɗiin kollata goonɗinal mooɗon na selli. Hono no kaŋŋe taaynirtee e yiite faa ndaaree yalla wo dimo, onon du hono noon ndaartinorteɗon. Goonɗinal mooɗon du ina ɓuri kaŋŋe sabo kaŋŋe heddataako. Caggal oɗon munyi torra, on njettete, on keɓan darja e teddeengal nyannde Iisaa Almasiihu ɓangi.

Holleede 16:15

Joomiraaɗo wi'i: — Kakkilee! Inani miɗo warda hono no gujjo ni. Barke woodanii doomuɗo kakkilɗo, ina tiigii kaddule muuɗum faa taa yaha ɓanndu ɓoldu de semta yeeso yimɓe.

Holleede 19:8

O hokkaama kaddule o ɓornoo, leppi ɗaatuɗi, jalbooji, laaɓuɗi.» Kaddule ɗeen ngoni golleeji seniiɓe moƴƴuɗi ɗiin.

Holleede 2:9

Miɗo anndi torra maaɗa e talkaaku maaɗa, tawee le a jom jawdi. Miɗo anndi no wiitotooɓe wo Alhuudiya'en de nganaa ɓeen mbonkortoo on. Wo ɓe kawrital rewooɓe Seyɗaani.

Holleede 3:17

Aɗa wi'a: ‹Mi jom jawdi, mi hawrundurii jawdi, mi haajaaka fay huunde.› Tawi le, a anndaa wo a mettuɗo hoore, a jurminiiɗo, a talkaajo, a bumɗo, a kolɗo!

Holleede 4:4

Jooɗorgal ngaal, jooɗorɗe laamu 24 ina piilii ngal. Mawɓe 24 ina njooɗii dow majje, ina ɓornii kaddule daneeje, kufuneeje gaɗiraaɗe kaŋŋe ina ngoni e ko'e maɓɓe.

Holleede 7:13

Ndeen gooto e mawɓe ɓeen ƴami kam: — Ɓeye ngoni yimɓe ɓorniiɓe saayaaji daneeji ɓe? Faa toy ɓe ƴuuri?