Holleede 22:9 - Dewtere Laamɗo Fulfulde Burkina Faso

⁹ Ammaa o wi'i kam: — Taa waɗu! Miin du wo mi maccuɗo Laamɗo hono maaɗa, aan e sakiraaɓe maa annabaaɓe ɓeen, kam'en e haybooɓe haalaaji dewtere nde. Sujidan Laamɗo!

Holleede 22:9 ပူးပေါင်းရင်းမြစ်များ

2 Kaanankooɓe 17:36

Wo Joomiraaɗo burtinirɗo on leydi Misira e semmbe e baawɗe mawɗe, oon tan haani kulon. Wo kam tan njeyɗon hofaade yeeso muuɗum, wooɗi du, wo oon tan kaanɗon waɗande kirsamaaji.

Wurtagol 34:14

Taa cujidanon alla goɗɗo sabo innde makko wo Joomiraaɗo «Keewɗo Kiram». Joomiraaɗo wo Laamɗo kiroowo.

Matta 4:9

wi'i mo: — Mi hokkete ɗum ɗo fuu si a hippake, a sujidanii kam.

Luuka 4:7

Si a sujidanii kam, ɗum fuu wo aan jeyi.

Fillitagol 4:19

Ndeentoɗon taa tiggitoɗon kammu, ndaaron naange e lewru e koode naa annoraaji kammu laatiiɗi fuu de muuynoo on ɗowtanaade faa cujidanon ɗi. Taa ngaɗon noon sabo wo kanji Joomiraaɗo, Laamɗo mooɗon hokki lenyi gonɗi ley adunaaru fuu.

1 Yuhanna 5:20

Eɗen anndi Ɓii Laamɗo warii, hokkii en hakkillo ngo anndiren Deweteeɗo goongaajo oon. Joonin eɗen njeyaa e goongaajo oon, sabo eɗen ngoni e Ɓiyum Iisaa Almasiihu. Kanko woni Laamɗo goongaajo oon, kanko woni nguurndam nduumiiɗam.

Holleede 1:1

Dewtere nde ina hawrunduri kulle ɗe Iisaa Almasiihu ɓangini. Laamɗo ɓanginani mo kulle ɗe faa o holla maccuɓe muuɗum ko ɓadii laataade. Iisaa nuli maleyka muuɗum to maccuɗo muuɗum Yuhanna, de humpiti ɗum kulle ɗe.

Holleede 1:11

ina wi'a: — Ko nji'ataa ɗuum, waɗu ɗum dewtere, de nuldaa nde kawrite goonɗinɓe jeɗɗi ɗeen: kawrite gonɗe Efeesu e Simirna e Pergamon e Tiyatira e Sardis e Filadelfi e Lawdikiya.

Holleede 14:7

Imo ƴeewnoo e daande toownde, imo wi'a: — Kulee Laamɗo! Mawninon ɗum! Sabo wakkati mo o sarotoo oon warii. Cujidanee taguɗo kammu e leydi e maayo e ilduɗe ndiyam oon!

Holleede 15:4

Moy woni hulataa ma, Joomiraaɗo, mo mawnintaa innde maa? Sabo aan tan woni gooto Ceniiɗo. Leyɗe fuu ngaran cujida yeeso maa, sabo ɓe nji'ii golleeji maa ponnditiiɗi.»

Holleede 19:10

Kippiimi e leydi to koyɗe makko faa mi sujidana mo, ammaa o wi'i kam: — Taa waɗu! Miin du wo mi maccuɗo hono maaɗa, aan e sakiraaɓe maa tiigiiɓe seedaaku ngu Iisaa waddi nguun. Sujidan Laamɗo! Sabo seedaaku ngu Iisaa waddi nguun, ɗum pay laatii annabaaku.

Holleede 22:10

O wi'i kam katin: — Taa suuɗu haalaaji annabaaku gonɗi e dewtere nde ɗiin, sabo wakkati mo ɗum laatotoo oon ɓadake.

Holleede 22:18

Miin Yuhanna, miɗo sappana neɗɗo fuu nanɗo haalaaji annabaaku gonɗi e dewtere nde ɗiin: si neɗɗo ɓeydii e majji huunde, Laamɗo ɓeydanan ɗum masiibaaji cifaaɗi e ley dewtere nde.

Holleede 22:7

Iisaa wi'i: — Ndaaree, mi waran ko ɓooyataa! Barke woodanii neɗɗo fuu kaybuɗo ko dewtere annabaaku nde wi'i.

Holleede 4:10

Nde ɓe ngaɗata ɗum fuu, mawɓe 24 ɓeen kippoto e leydi yeeso jooɗiiɗo e jooɗorgal oon, cujidana buurɗo faa abada oon. Iɓe njoƴƴina kufuneeje maɓɓe yeeso jooɗorgal ngaal, iɓe mbi'a:

Holleede 9:20

Yimɓe heddiiɓe ɓe masiibaaji ɗiin mbaraay ɓeen tuubaay e golle juuɗe muɓɓen. Ɓe njoppaay sujidande ginnaaji, kam e tooruuji gaɗiraaɗi kaŋŋe e cardi e njamndi mboɗeeri e kaaƴe e leɗɗe. Iɓe cujidana tooruuji ɗi nji'ataa, ɗi nanataa, ɗi njahataa.