Holleede 20:8 - Dewtere Laamɗo Fulfulde Burkina Faso

⁸ O wurtoto, o hiilowa lenyi gonɗi e coɓɓuli adunaaru nay ɗiin, ɗum woni Yaajuuju e Maajuuju. O hawrunduran yimɓe lenyi ɗiin faa naata wolde. Iɗi keewi sanne hono njaareendi maayo.

Holleede 20:8 ပူးပေါင်းရင်းမြစ်များ

1 Kaanankooɓe 4:20

Yimɓe Yahuuda e Israa'iila na ɗuuɗi hono njaareendi daande maayo. Iɓe nyaama iɓe njara, iɓe ngondi e seyo.

Ibraninkooɓe 11:12

Ndelle neɗɗo gooto nayeejo faa ɓaɗii maayde heɓi ƴuwdi potundi e koode kammu heewude. Hono njaareendi maayo du, ndi limataako.

Holleede 12:9

Kuungal manngal ngaal riiwaama. Kangal woni mboddi arandeeri mbi'eteendi Ibiliisa naa Seyɗaani, njarribotoondi adunaaru ndu fuu. Ndi faɗɗaama e leydi, kayri e maleyka'en mayri fuu.

Holleede 16:14

Ginnaaji bonɗi ɗiin wo waɗooɓe kaayeefiiji. Iɓe njaha to kaanankooɓe adunaaru fuu faa ɓe kawrundura ɗum'en saabe wolde nyannde darngal, nyalaande Laamɗo jom baawɗe fuu.

Holleede 20:10

Ibiliisa kiilannooɗo ɓe oon faɗɗaa e weendu yiite e sitti nduun, ɗo ndaabaawa ngaan e annabaajo peneejo oon ngoni ɗoon. Ɓe njukketee ɗoon jemma e nyalooma faa abada.

Holleede 20:3

O faɗɗi ndi e ley ɓunndu ndu luggeefi muuɗum walaa ɗo haaɗi nduun, o ommbi ndi ley mayru, o takki ndu, taa ndi hiila lenyi faa nde duuɓi ujunere ɗiin kiɓɓi. Caggal ɗuum, ina tilsi ndi haɓɓitee wakkati seeɗa.

Holleede 7:1

Caggal ɗuum, mi yi'ii maleyka'en nayo ina ndarii e jihaaji adunaaru nay. Iɓe paddii keni adunaaru nay ɗiin, taa ɗi mbifa, wanaa dow leydi, wanaa dow maayo, wanaa dow lekki.

Ardiiɓe 7:12

Madiyankooɓe e Amalekinkooɓe e lenyi lettugaaji ɗiin fuu ngari ina keewi naɗɗol ngool. Iɓe ɗuuɗi hono baɓɓatti ni. Geelooɗi maɓɓe du limataako. Iɗi ɗuuɗi hono njaareendi daande maayo.

1 Samuwiila 13:5

Filistiya'en cegilake, kawriti faa kaɓa e Israa'iila. Iɓe ngondi e torkooji pucci ujunaaje tati, e waɗɗiiɓe pucci ujunaaje jeegom, e sordaasiiɓe hono njaareendi seeno. Ɓe ngari ɓe ndaaki wuro Mikmas lettugal wuro Bayti-Awen.