Holleede 2:23 - Dewtere Laamɗo Fulfulde Burkina Faso

²³ Mi halkan ɓiɓɓe makko du. Ndeen kawrite goonɗinɓe ɗeen fuu anndan miin woni ndaartintooɗo hakkillooji e ɓerɗe. Katin du mi yoɓan gooto mooɗon fuu haddi golle muuɗum.

Holleede 2:23 ပူးပေါင်းရင်းမြစ်များ

1 Kabaaruuji Laamiiɓe 17:18

Ɗume mbaawumi wi'ude ma katin dow teddeengal ngal kokkuɗaa kam ngaal? Aɗa anndi maccuɗo maaɗa.

1 Kabaaruuji Laamiiɓe 28:9

Aan Suleymaana, suka am, anndaa Laamɗo am miin baaba maaɗa, de ngolliranaa ɗum e ɓernde ma fuu, e yonki ma fuu sabo Joomiraaɗo na hiinya ɓerɗe fuu, na anndi miilooji fuu. Si a filake o fu, o accan njiitaa o. Si a tottitake o du, o faɗɗete faa abada.

1 Kabaaruuji Laamiiɓe 29:17

Laamɗo am, miɗo anndi aɗa hiinya miilooji ɓernde ɓii-Aadama fuu. Aɗa yiɗi dartaare. Mi hokkii ma dokke yardamuye ɗee fuu e ɓernde laaɓunde. Ɓernde am na seyii sanne ko yimɓe maaɗa wonɓe ɗo joonin ɓee fuu kokkata dokke muɓɓen yardamuye ɗuum.

Ayuuba 24:23

Imo hokka ɓe njooɗoo e jam, ɓerɗe maɓɓe mbaaltoo, ammaa imo watta gite makko dow ko ɓe ngaɗata fuu.

Matta 16:27

Sabo Ɓii Neɗɗo oon wardan e maleyka'en muuɗum e ley teddeengal Baaba muuɗum. Wakkati oon, o barjoto mono fuu ko fotata e golle muuɗum.

Luuka 16:15

Iisaa wi'i ɓe: — Onon le, oɗon moƴƴina ko'e mooɗon yeeso yimɓe, ammaa Laamɗo ina anndi ɓerɗe mon. Sabo ko yimɓe teddinta ɗuum, ina nyiddinii to Laamɗo.

Yuhanna 21:17

Iisaa wi'i mo katin: — Simon, ɓii Yuhanna, aɗa yiɗi kam naa? Piyeer sunii sabo joonin woni kilol tataɓol ko Iisaa wi'i mo «Aɗa yiɗi kam naa?» Piyeer wi'i mo: — Joomam, aɗa anndi huunde fuu, aɗa anndi miɗo yiɗi ma. Iisaa wi'i mo: — Nyaamnaa baali am ɗiin!

Yuhanna 4:16

Iisaa wi'i mo: — Yahu noddoy gora, ngardon!

Golle Nelaaɓe 1:24

Ɓe ndu'ii, ɓe mbi'i: — Joomiraaɗo, aan annduɗo ɓerɗe yimɓe fuu, faamin min mo cuɓiɗaa e ɓee ɗo ɗiɗo

Romankooɓe 14:12

Ndeen mono e meeɗen fuu jaabanto hoore muuɗum yeeso Laamɗo.

Romankooɓe 8:27

Laamɗo kumpitiiɗo ko woni ley ɓerɗe men oon du ina anndi anniya Ruuhu, sabo wo e muuyɗe makko Ruuhu oon nyaagirantoo seniiɓe ɓeen.

2 Korintunkooɓe 5:10

Sabo ina tilsi en fuu ndaroɗen yeeso Almasiihu faa careɗen, faa mono fuu heɓa mbarjaari golleeji muuɗum gaɗooji e ɓanndu ndu, nde wo ko wooɗi naa ko boni.

Galaatiyankooɓe 6:5

Sabo mono fuu donngal muuɗum ronndotoo.

Fillitagol 13:11

Paɗɗon o kaaƴe faa o maaya sabo o muuyii wosinde on laawol Joomiraaɗo, Laamɗo mooɗon, burtinɗo on leydi Misira, ley suudu maccungaaku.

Fillitagol 17:13

Yimɓe fuu nanan ɗum de kulol nannga ɗum'en. Noon waɗata de ɓe mawnintaa ko'e maɓɓe katin.

Fillitagol 19:20

Si heddiiɓe nanii ɗum fu kulan de cela fenande goɗɗo hakkunde mooɗon.

Fillitagol 21:21

Ndeen worɓe galluure ndeen fuu kawrita paɗɗa mo kaaƴe faa o maaya. Noon ittirton ko boni hakkunde mooɗon. Israa'iila'en fuu nanan kabaaru oon de kula.

Ibraninkooɓe 4:13

Tageefo fuu suuɗanaaki Laamɗo. Huunde fuu na ɓangi yeeso makko, na yi'ee. Wo yeeso makko njaabantoɗen ko'e meeɗen.

1 Piyeer 1:17

Oɗon noddira Laamɗo Baaba mooɗon. Kanko woni carortooɗo mono fuu e golle muuɗum, o ɓurdintaa yimɓe. Ndelle kulee mo ley ko ngaɗoton fuu, faa ɗo mbeerka mooɗon haaɗi e adunaaru.

Holleede 2:11

Jom nowru fuu, nana ko Ruuhu haalanta kawrite goonɗinɓe ɗuum! Jaaliiɗo fuu, maayde ɗiɗaɓerde ndeen meemataa ɗum.»

Holleede 2:7

Jom nowru fuu, nana ko Ruuhu haalanta kawrite goonɗinɓe ɗuum! Jaaliiɗo fuu, mi hokkan ɗum nyaamude ɓiɓɓe lekki nguurndam ndariiki ley aljanna Laamɗo kiin.»

Holleede 20:12

Nji'umi maayɓe, tedduɓe e lo'uɓe, ina ndarii yeeso jooɗorgal laamu ngaal. Dewte ina peertee. Dewtere wonnde du ina feertee, kayre woni dewtere nguurndam. Maayɓe ɓeen cariraa golleeji muɓɓen binndaaɗi e dewte ɗeen, mono fuu haddi golle muuɗum.

Holleede 20:13

Maayo ngoon hokkiti maayɓe muuɗum, maayde e laakara kokkiti maayɓe muɓɓen, mono e muɓɓen fuu saroraa haddi golle muuɗum.

Holleede 22:12

Iisaa wi'i: — Ndaaree, mi waran ko ɓooyataa. Miɗo wadda mbarjaari faa mi barjoo mono fuu haddi golle muuɗum.

Holleede 6:8

Ƴeewumi, nji'umi puccu oolu. Baɗɗiiɗo ngu oon ina wi'ee Maayde, laakara ina jokki mo. Ɓe kokkaa baawɗe dow nayaɓerde adunaaru faa ɓe mbarda yimɓe kaafaahi e rafo e baasiiji e kulle ladde.

1 Samuwiila 16:7

Ammaa Joomiraaɗo wi'i Samuwiila: — Taa taykoɗaa alhaali makko naa darnde makko, sabo mi salake mo. Joomiraaɗo ndaarataa kulle ɗe neɗɗo ndaarata. Neɗɗo na ndaara ko nanngata gite, Joomiraaɗo kaa na ndaara ɓernde.