Holleede 19:1 - Dewtere Laamɗo Fulfulde Burkina Faso

¹ Caggal ɗuum, nanumi sawtu jamaa keewɗo dow kammu, ina ƴeewnoroo daaɗe toowɗe, ina wi'a: «Haleluuya! Kisindam e manngu e baawɗe ngoodanii Laamɗo meeɗen!

Holleede 19:1 ပူးပေါင်းရင်းမြစ်များ

1 Kabaaruuji Laamiiɓe 29:11

Manngu e baawɗe e teddeengal e darja e annoora ngoodanii ma. Sabo ko woni dow kammu e ko woni e leydi fuu wo aan jeyi. Laamu wo aan woodani, Joomiraaɗo, aan toowɗo ɓuri huunde fuu oon.

Yuunusa 2:9

Jokkuɓe allaaji ɓoli, tottitake e moƴƴere maaɗa.

Matta 6:13

Taa accu min njarribee, ammaa hisin min e Bonɗo oon. [Sabo laamu e baawɗe e teddeengal ina ngoodani maa faa abada. Aamiina.]

Holleede 11:15

Maleyka njeɗɗaɓo oon fuufi buututal muuɗum. Ndeen daaɗe toowɗe nanaa dow kammu, ina mbi'a: — Laamu adunaaru ndu fuu laatake laamu Joomiraaɗo meeɗen e Almasiihu muuɗum. O laamoto faa abada abadin!

Holleede 12:10

Ndeen nanumi daande toownde ƴuurunde dow kammu, ina wi'a: «Joonin kisindam Laamɗo meeɗen yottake! Semmbe e laamu muuɗum njottake! Laamu ina woni e hawju Almasiihu! Sabo peloowo sakiraaɓe meeɗen, peloowo ɓe to Laamɗo jemma e nyalooma oon, riiwaama dow kammu.

Holleede 19:6

Ndeen nanumi daande nanndunde e sawtu jamaa keewɗo, hono sawtu diyeele keewɗe ni, hono diggaali mawɗi ni, ina wi'a: «Haleluuya! Sabo Laamɗo Joomiraaɗo meeɗen Jom baawɗe fuu oon tabintinii laamu muuɗum.