Holleede 18:13 - Dewtere Laamɗo Fulfulde Burkina Faso

¹³ Gineeji maɓɓe katin wo funngooji belnirɗi e uurnirɗi e gowe e nebbam uurɗam e uurdi miira e uurdi cuurtinteendi e cabijam e nebbam ɓiɓɓe jaytun e conndi alkama e aawdi alkama e na'i e baali e pucci e torkooji e maccuɓe e yonkiiji yimɓe.

Holleede 18:13 ပူးပေါင်းရင်းမြစ်များ

1 Kaanankooɓe 10:10

Ndeen o hokki kaananke Suleymaana kilooji kaŋŋe 4.000 tawti urdiiji keewɗi e kaaƴe dime korsuɗe. Caggal makko, yi'aaka hono urdiiji ɗi o hokki kaananke Suleymaana ɗiin e ɗuuɗude.

1 Kaanankooɓe 10:15

Ɓeydi ko luumotooɓe e sonnooɓe njoɓata mo. Imo heɓa katin e lampooji kaanankooɓe Arabiya e dawrooɓe dow leyɗe Israa'iila.

1 Kaanankooɓe 10:25

Garoowo fuu na warda e dokkal muuɗum: kujje gaɗiraaɗe kaŋŋe e cardi e kaddule e kaɓitirɗe e ure feere feere e pucci e araaji baaneeji. Hitaande fuu wo noon.

1 Kabaaruuji Laamiiɓe 5:21

Ɓe kooƴi daabaaji muɓɓen: geelooɗi 50.000 e dammucce 250.000 e araaji 2.000 e yimɓe 100.000.

Nehemiya 5:8

Mbiimi ɓe: — En ngaɗii haddu baawɗe meeɗen, en ndimɗinii Yahuudiyankooɓe sakiraaɓe meeɗen sonniranooɓe lenyi janani. De joonin onon e ko'e mooɗon, on connii sakiraaɓe mooɗon. On connirii ɓe woɓɓe hakkunde meeɗen. Ndeen ɓe fuu, ɓe ndeƴƴinii sabo ɓe keɓaay ko ɓe njaaboo.

Wurtagol 21:16

Kappuɗo ɓii-Aadama de sonni ɗum, naa si kappaaɗo oon tawaama e junngo makko fu, tilay gujjo oon waree.

Banndi 7:17

Mi wattanii daɗɗo am ɗakke urɗe, mi uririi ngo leɗɗe feere feere.

Amos 2:6

Inan ko Joomiraaɗo wi'i: Saabe Israa'iila waɗii hakke dow hakke, de mi fiirtataa ko anniyiimi dow muuɗum ɗuum, sabo sonnii dartiiɗo faa heɓa ceede, sonnii talkaajo saabe ɓornannde paɗe,

Amos 6:6

Oɗon njarira inaboojam e kaake mawɗe, Oɗon mbujoo nebbeele ɓurɗe wooɗude, ammaa on killaaka e masiiba kewtiiɗo lenyol Yuusufi.

Amos 8:6

Ndeen en coodiran talkaaɓe e buuɗi cardi. Coggu talkaajo gooto ɓuraay buuɗi ɓornannde paɗe. En connan fay nyaande alkama meeɗen.

Fillitagol 24:7

Si Israa'iilanke happii sakiike muuɗum waɗii maccuɗo naa sonnii ɗum fu, wo bareteeɗo. Noon ittirton ko boni hakkunde mooɗon.

Fillitagol 28:68

Joomiraaɗo yecciniran on leydi Misira ley laanaaji ndiyam. Ndelle on tokkan laawol leydi ndi mbi'unoomi on nji'ataa katin ndiin. Toon connirteɗon wayɓe mon hono on maccuɓe e horɓe ammaa fay gooto haajataake soodude on.

1 Timote 1:10

e jeenooɓe e luuɗunkooɓe e soodooɓe yimɓe de cootta ɗum'en e fenooɓe e hunotooɓe fewre. Jamirooje ɗeen ngaɗiraama saabe huunde fuu ko luttunduri e tindinooje celluɗe.

2 Piyeer 2:3

Eelgal maɓɓe waddanan ɓe haalde pene faa ɓe luumtoroo on. Ammaa jukkungo maɓɓe saraama ɓooyii, halkere maɓɓe ina doomi ɓe.

Holleede 18:14

Luumotooɓe ɓeen mbi'i ngalluure ndeen: — Ko njiɗunoɗaa heɓude fuu woɗɗake ma: keewal mbelirka maa e dawla maa fuu halkii, a hewtataa ɗum abada katin.

Holleede 18:15

Luumotooɓe heɓuɓe jawdi e mayre ɓeen ndaroto to toowti, sabo ina kula jukkungo mayre. Ɓe mboyan, ɓe cunoto,