Holleede 17:3 - Dewtere Laamɗo Fulfulde Burkina Faso

³ Ndeen Ruuhu heewi kam, maleyka oon yaari kam faa ley ladde. Nji'umi toon debbo ina waɗɗii ndaabaawa mboɗeewa keewnga inɗe mbonkorɗe Laamɗo. Inga woodi ko'e jeɗɗi e luwe sappo.

Holleede 17:3 ပူးပေါင်းရင်းမြစ်များ

1 Kaanankooɓe 18:12

Si mi dillii, mi yoppii ma de Ruuhu Joomiraaɗo adii ma yaarii to mi anndaa, nde ngaddoymi Ahabi de tawaay ma ɗo fu, sikke walaa o waran kam. De miin, mi kuloowo Joomiraaɗo gilla cukaaku am.

2 Kaanankooɓe 2:16

Ndeen ɓe mbi'i mo: — Hakkunde amin minen sukaaɓe maaɗa, na woodi worɓe 50 semmbiɗinɓe. Nelaa ɓe njaha ɓe pilanoye jooma. Na hasii Ruuhu Joomiraaɗo hooƴii mo yaari dow baamle maa ley naɗɗi. Kaa Elisey jaɓaay ɓe njaha.

Matta 27:28

Ɓe ɓorti mo kaddule makko, ɓe ɓorni mo saaya mboɗeeha.

Golle Nelaaɓe 8:39

Nde ɓe mburtinoo ndiyam ɗam ndeen, Ruuhu Joomiraaɗo hooƴi Filipu. Howruujo oon yiitaay mo katin, jokki laawol muuɗum, ina seyii.

2 Tesaloniyankooɓe 2:4

Wo o ganyo Laamɗo. O mawninan hoore makko e dow huunde fuu ko rewetee hono wo Laamɗo naa ko sujidantee, faa o jooɗowoo ley suudu Laamɗo. Noon o wiirata kanko e hoore makko wo o Laamɗo.

Holleede 1:10

E ley Nyalaande Joomiraaɗo ndeen, Ruuhu heewi kam, de nanumi caggal am daande toowunde hono daande buututal ni

Holleede 12:14

Debbo oon hokkaa bippeele ciilal manngal, faa fiirda yaha nokkuure nde segilanaa ley ladde ndeen. Toon o haybetee haddi wakkati e wakkatiiji ɗiɗi e feccere wakkati, faa o reenoo e mboddi ndiin.

Holleede 12:3

Ndeen maande wonnde ɓangi dow kammu. Ina woodi kuungal boɗewal manngal nanndungal e mboddi. Ingal woodi ko'e jeɗɗi e luwe sappo, hoore fuu ina woodi kufune laamu.

Holleede 12:6

Debbo oon doggiri ley ladde, yehi nokku ɗo Laamɗo segilaninoo ɗum. O haybowaa toon balɗe ujunere e keme ɗiɗi e capanɗe jeegom (1.260).

Holleede 17:18

Debbo pijoowo mo njiiɗaa oon, kam woni ngalluure mawnde laamiinde kaanankooɓe adunaaru.

Holleede 17:4

Debbo oon ina ɓornii kaddule ciiɗe e boɗeeje, ina soɗii kaŋŋe e kaaƴe dime e hayre luulu. Imo jogorii junngo makko horde-loonde kaŋŋe heewnde ko nyiddini sanne, heewnde tuundi fijirde makko.

Holleede 18:12

Gineeji maɓɓe wo kaŋŋe e cardi e kaaƴe dime e kaaƴe luulu e kaddule ɗaatuɗe e kaddule ciiɗe e kaddule hariiri tiiɗuɗe e kaddule boɗeeje e leɗɗe uurooje goɗɗe e gineeji moƴƴiniraaɗi nyiiƴe nyiibi e gineeji moƴƴiniraaɗi leɗɗe tiiɗuɗe coggu e jamɗe boɗeeje e jamɗe ɓaleeje e hayre wi'eteende marba.

Holleede 18:16

ɓe mbi'an: — Yoo yoy! Yoo yoy! Ngalluure mawnde nyaaƴiroore kaddule ɗaatuɗe e kaddule ciiɗe e kaddule boɗeeje, soɗortoonde kaŋŋe e kaaƴe dime e kaaƴe luulu!

Holleede 21:10

Ndeen keewumi Ruuhu, maleyka oon yaari kam faa dow waamnde mawnde toownde. O holli kam Urusaliima ngalluure seniinde ndeen ina ƴuura dow kammu to Laamɗo ina jippoo.

Holleede 4:2

Wakkati gooto Ruuhu heewi kam, de nji'umi jooɗorgal laamu dow kammu. Goɗɗo ina jooɗii dow maggal.