Holleede 14:7 - Dewtere Laamɗo Fulfulde Burkina Faso

⁷ Imo ƴeewnoo e daande toownde, imo wi'a: — Kulee Laamɗo! Mawninon ɗum! Sabo wakkati mo o sarotoo oon warii. Cujidanee taguɗo kammu e leydi e maayo e ilduɗe ndiyam oon!

Holleede 14:7 ပူးပေါင်းရင်းမြစ်များ

Fuɗɗoode 22:12

Joomiraaɗo wi'i: — Taa junngo maa yottoo suka oon! Taa ngaɗaa mo fay gootum, sabo joonin kaa, mi annditii wo a kuloowo Laamɗo. A salanaaki kam ɓiya korsuɗo gooto mo njogiɗaa oon.

Nehemiya 9:6

Yaa Joomiraaɗo, aan tan woni Joomiraaɗo, aan tagi kammuuli e koode, e njaayri ngondi dow e ko woni nder mayri. Taguɗaa leydi e maayo e ko woni e muɓɓen fuu. Kokkuɗaa ɗum fuu yonki, de ndeenuɗaa ɗum. Ko woni dow kammu fuu hofake yeeso maaɗa.

Wurtagol 20:11

Sabo ley balɗe jeegom miin Joomiraaɗo ngaɗumi kammu e leydi e maayo e ko woni ley muɓɓen fuu. Saabe ɗuum mi barkinii nyannde jeɗɗaɓerde, mi seninii nde.

Matta 25:13

Iisaa sakitii wi'i: — Kakkilon ndelle, sabo on anndaa nyalaande naa wakkati mo Ɓii Neɗɗo wartata oon.

Luuka 17:18

Ndelle walaa fuu jecciiɗo faa teddina Laamɗo si wanaa janano o naa?

Golle Nelaaɓe 14:15

ina mbi'a: — Worɓe, ɗume ngaɗoton ɗo? Minen du min yimɓe hono mooɗon. Miɗen mbaajoo Kabaaru Lobbo oon faa tuubon, celon golleeji ɓoli ɗi, ngarton e Laamɗo Buurɗo, taguɗo kammu e leydi e maayo manngo e ko woni e muɓɓen fuu.

Yoosuwa 7:19

Yoosuwa wi'i Akan: — Ɓinngel am, teddin Joomiraaɗo, Laamɗo Israa'iila, haalu goonga. Hollam ko ngaɗɗaa. Taa suuɗam fay huunde.

1 Piyeer 4:7

Timmoode huunde fuu ɓadake. Ndelle, kakkilon, nanngitoɗon, faa keddoɗon e du'aare.

Holleede 11:13

Wakkati oon, leydi dimmbii semmbe, de feccere sappoɓerde ngalluure ndeen saami. Yimɓe ujunaaje njeɗɗo kalkii. Heddiiɓe ɓeen kuli, mawnini Laamɗo jom kammu oon.

Holleede 11:18

Laamorɗe adunaaru ɗeen wo tikkuɗe, ammaa tikkere maa warii. Wakkati warii faa caroɗaa maayɓe. Wakkati warii faa mbarjoɗaa annabaaɓe maccuɓe maa, seniiɓe hulɓe innde maa ɓeen, tedduɓe e lo'uɓe fuu. Wakkati warii faa kalkaa halkooɓe adunaaru ɓeen du.»

Holleede 15:4

Moy woni hulataa ma, Joomiraaɗo, mo mawnintaa innde maa? Sabo aan tan woni gooto Ceniiɗo. Leyɗe fuu ngaran cujida yeeso maa, sabo ɓe nji'ii golleeji maa ponnditiiɗi.»

Holleede 16:9

Yimɓe ɓeen cumiraa nguleefi cattuki. Ndeen ɓe mbonkii innde Laamɗo mo baawɗe ngoodani dow masiibaaji oon. Ɓe tuubaay, ɓe mawninaay ɗum.

Holleede 18:10

Ɓe ndaroto to toowti, sabo iɓe kula jukkungo mayre. Iɓe mbi'a: — Yoo yoy! Yoo yoy! Baabiila, ngalluure mawnde nde, ngalluure jogiinde semmbe nde! Nde jukkaama wakkati gooto tan!

Holleede 18:17

E ley wakkati gooto tan, jawdi ndiin fuu halkaa! Dawranooɓe laanaaji ndiyam e yahooɓe ley majji e dogginooɓe ɓeen, kam e heɓooɓe neema muɓɓen e luumagol dow maayo ɓeen, ɓe fuu ɓe toowtan ɓe ndaroo.

Holleede 18:19

Ɓe ndufan leydi dow ko'e maɓɓe no ɓe poti metteede. Ɓe mboyan, ɓe cunoo, ɓe mbulla, ɓe mbi'a: — Yoo yoy! Yoo yoy! Ngalluure mawnde ndeen, nde keewal danyal muuɗum hokki jogiiɓe laanaaji e ley maayo fuu jawdi, e ley wakkati gooto tan, nde halkii!

Holleede 19:5

Daande ƴuuri to jooɗorgal toon, ina wi'a: — Njettee Laamɗo meeɗen, onon maccuɓe muuɗum fuu, onon hulooɓe ɗum, tedduɓe e lo'uɓe!

Holleede 4:11

«Joomiraaɗo amin, Laamɗo amin, aɗa foti heɓude darja e teddeengal e baawɗe, sabo aan tagi huunde fuu. Wo saabe muuyɗe maa ɗum laatorii, wo saabe muuyɗe maa tagirɗaa ɗum.»

Holleede 4:9

Kulle buurɗe nay ɗeen ina ndarjina, ina teddina, ina njetta jooɗiiɗo dow jooɗorgal laamu, buurɗo faa abada oon.

Holleede 8:10

Maleyka tataɓo oon fuufi buututal muuɗum, de hoodere mawnde huɓɓiroore hono no doccal ni ƴuuri dow kammu, saami e tataɓerde gooruuji e ilduɗe ndiyam.

1 Samuwiila 6:5

Ndelle on tafan alhaaliiji bannjaale mooɗon e alhaaliiji doombi torruɗi leydi ndi, on kokkan Laamɗo Israa'iila teddeengal. Hasii o ɗuytan teddorgal junngo makko dow mooɗon, e dow alla'en mooɗon e dow leydi mooɗon.