Holleede 14:2 - Dewtere Laamɗo Fulfulde Burkina Faso

² Nanumi daande ƴuuri dow kammu wa'unde hono sawtu diyeele keewɗe, hono riggaango manngo ni. Daande nde nanumi ndeen ina wa'i hono sawtu fiyooɓe kolli.

Holleede 14:2 ပူးပေါင်းရင်းမြစ်များ

2 Samuwiila 6:5

Daawda e yimɓe Israa'iila fuu ina ceyii ina mbama yeeso Joomiraaɗo haddi semmbe muɓɓen. Iɓe njimira e sawtu kolli mawɗi e pamari, e tummbuɗe lenngoy e sii munkariiji leɗɗe sowre.

Wurtagol 19:16

Nyannde tataɓerde ndeen, gilla fajiri, pelnyaali e maƴƴe e ruulde tekkunde ngaɗi dow waamnde ndeen. Fuufaango luwal semmbiɗingo du nanaa. Yimɓe wonɓe ley hoɗorde ndeen fuu keddii na ndiwna kulol.

Wurtagol 20:18

Yimɓe fuu nani pelnyaali e fuufaango luwal, ɓe nji'i maƴƴe e waamnde suurtoore. Nde ɓe nji'unoo ɗum fu, ɓe keddii iɓe ndiwna kulol, ɓe keedii to toowti, iɓe ndarii.

1 Korintunkooɓe 13:1

Si mi haalirii ɗemle yimɓe, fay ɗemle maleyka'en, de njinngu walaa e am fu, wo mi lennguru senƴooru, naa wo mi duko jamɗe gokkundurteeɗe tan.

Holleede 1:10

E ley Nyalaande Joomiraaɗo ndeen, Ruuhu heewi kam, de nanumi caggal am daande toowunde hono daande buututal ni

Holleede 1:15

Koyɗe makko ina ɗelkira no njamndi mboɗeeri jalbirta si waɗaama e yiite faa wojji coy ni. Katin du daande makko ina wa'i hono duko ndiyeele keewɗe.

Holleede 11:12

Daande toownde ƴuuri dow kammu, ina wi'a ɓe: — Ƴeeŋee ga! Ɓe ƴeeŋi dow kammu e ley ruulde. Wayɓe ɓe fuu keddii ina ndaara ɓe.

Holleede 11:15

Maleyka njeɗɗaɓo oon fuufi buututal muuɗum. Ndeen daaɗe toowɗe nanaa dow kammu, ina mbi'a: — Laamu adunaaru ndu fuu laatake laamu Joomiraaɗo meeɗen e Almasiihu muuɗum. O laamoto faa abada abadin!

Holleede 15:2

Nji'umi maayo nanndungo e daandorgal ina jillunduri e yiite. Jaalinooɓe ndaabaawa ngaan ɓeen ina keddii ɗakkol maggo. Ɓeen ngoni jaalinooɓe nga, kanga e tooru nanndundu e magga nduun e limoore innde magga ndeen. Iɓe njogii kolli ɗi Laamɗo hokki ɓe ɗiin.

Holleede 18:22

Katin du, fay gooto nanataa ley mayre kolli hoɗooɓe gaaci naa yimooɓe naa fuufooɓe cereeli e barguuji. Golloowo nyeenyuɗo fay gooto yi'ataake katin e ley mayre. Duko unduɗe nanataake katin e ley mayre.

Holleede 5:8

Ko ngel jaɓi dewtere ndeen ɗuum, kulle nay buurɗe ɗeen e mawɓe 24 ɓeen kippii e leydi yeeso maggel. Mono fuu ina woodi hoddu e urdude kaŋŋeere heewnde uurdi, ɗum woni du'aawuuji seniiɓe ɓeen.

Holleede 6:1

Ndeen nji'umi Jawgel ngeel takkitii wootere e takkanɗe takkaaɗe jeɗɗi ɗeen. Nanumi wootere e kulle nay buurɗe ɗeen ina iidina daande muuɗum hono riggaango, ina wi'a: — War!

Holleede 8:7

Maleyka arandeejo oon fuufi buututal muuɗum, de marmalluuje e yiite jillunduraange e ƴiiƴam paɗɗaa dow leydi. Feccere tataɓerde leydi ndiin wulaama, feccere tataɓerde leɗɗe ɗeen wulaama, huɗo hecco koon du fuu wulaama.