Holleede 13:18 - Dewtere Laamɗo Fulfulde Burkina Faso

¹⁸ Ɗo kaa, tilay neɗɗo waɗa hakkillo e kabaaru o: neɗɗo jogiiɗo paamal fuu hiisoo limoore innde ndaabaawa ngaan, sabo limoore ndeen wo innde neɗɗo. Limoore magga wo 666.

Holleede 13:18 ပူးပေါင်းရင်းမြစ်များ

Marka 13:14

Wakkati waran nde nji'oton «huunde nyiddiniinde bonnoore» ina woni ɗo haanaa wonde. (Jannguɗo ɗum fuu, faama maanaa majjum.) Ndeen, tawaaɓe ley Yahuudiya fuu ndoggira baamle.

Romankooɓe 3:5

Ɗo mi haaldan hono no woɓɓe kaaldata ni: si oonyaare meeɗen ina ɓeyda hollude fonnditaare Laamɗo ndeen, noy mbi'eten? Yalla en mbi'an Laamɗo wo oonyiiɗo si jippinii tikkere muuɗum dow meeɗen naa?

Fillitagol 3:11

Tawi ley lenyol Refayinkooɓe fuu, Oga kaananke Basan tan heddinoo na wuuri. Leeso makko, wo njamndiiwo. Njuuteefi muuɗum na ɓura piyanɗe jeetati, njaajeefi muuɗum du hono piyanɗe nay. Ingo woni wuro Rabba leydi Amoninkooɓe faa warde hannden.

Holleede 1:3

Barke woodanii neɗɗo fuu jannguɗo dewtere annabaaku nde. Barke du woodanii neɗɗo fuu kettindaniiɗo nde de jokki ko winndaa e mayre ɗuum, sabo wakkati mo kulle ɗeen ngaɗata oon ɓadake.

Holleede 15:2

Nji'umi maayo nanndungo e daandorgal ina jillunduri e yiite. Jaalinooɓe ndaabaawa ngaan ɓeen ina keddii ɗakkol maggo. Ɓeen ngoni jaalinooɓe nga, kanga e tooru nanndundu e magga nduun e limoore innde magga ndeen. Iɓe njogii kolli ɗi Laamɗo hokki ɓe ɗiin.

Holleede 17:9

Ɗo kaa, tilay neɗɗo tawree hakkilantaaku faa faama kabaaru o: ko'e jeɗɗi ɗeen wo baamle jeɗɗi ɗe debbo oon jooɗii dow muɓɓen ɗeen. Iɗe cappoo katin kaanankooɓe njeɗɗo:

Holleede 21:17

O fonndi kokuwol ngool, ngol hawri e piye 144, piye ɗe yimɓe piyata ɗeen maleyka oon fiyirta.