Holleede 11:8 - Dewtere Laamɗo Fulfulde Burkina Faso

⁸ Ɓalli maɓɓe mbaaloto e dow laawol ngalluure mawnde, ɗo Joomiraaɗo maɓɓe tontanoo e leggal palaangal ɗoon. Ngalluure ndeen ina nanndi e Sodoma naa Misira.

Holleede 11:8 ပူးပေါင်းရင်းမြစ်များ

Fuɗɗoode 13:13

Ammaa yimɓe Sodoma wo bonɓe, waɗooɓe hakkeeji bonɗi yeeso Joomiraaɗo.

Fuɗɗoode 19:24

Ndeen Joomiraaɗo tomni dow Sodoma e Gomoora yiite sitti ƴuwnge e kammu.

Wurtagol 20:2

— Miin woni Joomiraaɗo, Laamɗo maaɗa, wo miin wurtini ma leydi Misira ley suudu maccungaaku.

Wurtagol 3:7

Joomiraaɗo wi'i: — Goonga, mi yi'ii mettorgal yimɓe am ley Misira. Mi nanii bullaali maɓɓe saabe torrooɓe ɓe. Miɗo anndi torraaji maɓɓe.

Amos 4:11

Mi halkii woɓɓe mooɗon hono no kalkirnoomi Sodoma e Gomoora. Inan oɗon nga'i hono doccal cortaangal ley yiite. Ammaa fay e noon fuu on njeccaaki to am. Noon Joomiraaɗo wi'i.

Matta 10:15

Goonga kaalanammi on: nyannde darngal, jukkungo wuro ngoon ɓuran ngo galluuje Sodoma e Gomoora bonde.

Golle Nelaaɓe 9:4

O saami e leydi, o nani daande ina wi'a mo: — Sool, Sool, ko waɗi de aɗa torra kam?

Ibraninkooɓe 13:12

Ɗum waɗi de Iisaa du maayowi yaasin wuro faa senira yimɓe ƴiiƴam muuɗum.

Ibraninkooɓe 6:6

Caggal ɗuum fu, ɓe njoppii. Ɓe mbaawaa tuubineede katin. Ina nanndi hono kamɓe e ko'e maɓɓe iɓe tonta Ɓii Laamɗo oon dow leggal palaangal katin, iɓe cemtina ɗum.

2 Piyeer 2:6

Laamɗo sarii gure ɗiɗi Sodoma e Gomoora. O halkirii ɗum'en yiite faa laatii ndoondi, faa ɗe laatanoo yeddooɓe mo warooɓe fuu maande ko hewtata ɗum'en.

Yahuuda 1:7

Hono noon du, Sodoma e Gomoora e gure piiliiɗe ɗum'en ngaɗiri jeenu no maleyka'en ɓeen ngaɗiri ni, ɗe mbuurdiino e muuyɗe terɗe ɗe kaanaa waɗeede. De ɗum laatanii yimɓe fuu sappangol jukkungo yiite duumiinge ngeen.

Holleede 11:13

Wakkati oon, leydi dimmbii semmbe, de feccere sappoɓerde ngalluure ndeen saami. Yimɓe ujunaaje njeɗɗo kalkii. Heddiiɓe ɓeen kuli, mawnini Laamɗo jom kammu oon.

Holleede 11:9

Siyiiji yimɓe fuu e lenyi fuu e ɗemle fuu e laamorɗe fuu nji'an ɓalli maɓɓe ko fotata e nyaloomaaji tati e feccere nyalooma. Ɓe caloto ɗi ngattee ley saabeere.

Holleede 14:20

Ɓiɓɓe cabiije ɗeen ɓoosaa caggal ngalluure toon. Ƴiiƴam yalti e ɓoosirde ndeen faa hewti labaale pucci, ɗam ili ko fotata e kilooji 300 njuuteefi.

Holleede 14:8

Maleyka goɗɗo ɗiɗaɓo jokki mo, ina wi'a: — Baabiila halkii! Baabiila ngalluure mawnde ndeen halkii! Nde yarnii leyɗe fuu fijirde mayre nyaaɗunde.

Holleede 16:19

Ngalluure mawnde ndeen feccaa pecce tati. Galluuje laamorɗe adunaaru fuu caami. Laamɗo miccitii bonanda ngalluure mawnde wi'eteende Baabiila, de yarni nde horde cabijam heewnde tikkere muuɗum.

Holleede 17:1

Caggal ɗuum, gooto e maleyka'en njeɗɗo jogiiɓe kaake jeɗɗi ɓeen wari, haaldi e am, wi'i: — War faa mi holle jukkungo debbo woykuuru anndaaɗo sanne, jooɗiiɗo dow diyeele keewɗe oon.

Holleede 17:18

Debbo pijoowo mo njiiɗaa oon, kam woni ngalluure mawnde laamiinde kaanankooɓe adunaaru.

Holleede 17:5

Dow tiinde makko innde ina winndaa nde maanaa muuɗum suuɗii: «Baabiila ngalluure mawnde, inna woykuuji, inna ko nyiddini fuu ley adunaaru».

Holleede 18:10

Ɓe ndaroto to toowti, sabo iɓe kula jukkungo mayre. Iɓe mbi'a: — Yoo yoy! Yoo yoy! Baabiila, ngalluure mawnde nde, ngalluure jogiinde semmbe nde! Nde jukkaama wakkati gooto tan!

Holleede 18:18

Wakkati mo ɓe nji'ata cuurki ngulu mayre, ɓe mbullan, ɓe mbi'a: — Ngalluure ndeye nanndunoo e ngalluure mawnde nde?

Holleede 18:2

O ƴeewnii faa toowi, o wi'i: «Baabiila halkii! Baabiila ngalluure mawnde ndeen halkii! Nde laatake joonnde ginnaaji, suuɗorde ruuhuuji tuunuɗi fuu e foondu tuunundu wanyaandu fuu!

Holleede 18:21

Wakkati oon, maleyka jom semmbe hooƴi kaaƴal nanndungal e niisirde mawnde, de faɗɗiri ɗum semmbe ley maayo, wi'i: — Nii Baabiila ngalluure mawnde ndeen faɗɗirtee, nde yi'ataake abada katin!

Holleede 18:24

Katin du, ƴiiƴam annabaaɓe e seniiɓe e waraaɓe ley adunaaru ɓeen fuu tawaama e mayre.