Holleede 11:17 - Dewtere Laamɗo Fulfulde Burkina Faso

¹⁷ Iɓe mbi'a: «Miɗen njette, Laamɗo Joomiraaɗo jom baawɗe fuu, gonɗo, gonnooɗo oon miɗen njette, sabo a gollirii baawɗe maa mawɗe ɗeen, a tabintinii laamu maa.

Holleede 11:17 ပူးပေါင်းရင်းမြစ်များ

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Matta 11:25

Wakkati oon, Iisaa adi haala, wi'i: — Baaba, jom kammu e leydi, mi yettii ma, sabo a suuɗii kulle ɗe jom'en hakkillo e jom'en anndal, de ɓanginanɗaa ɗe cukaloy.

Luuka 10:21

Wakkati oon, Ruuhu Ceniiɗo hebbini Iisaa seyo. Iisaa wi'i: — Baaba, jom kammu e leydi, mi yettii ma, sabo a suuɗii kulle ɗe jom'en hakkillo e jom'en anndal, de ɓanginanɗaa ɗe cukaloy. Ayyo, noon jaati Baaba, sabo ɗuum weli maa.

Yuhanna 11:41

Ɓe itti hayre ndeen. Iisaa tiggitii kammu, wi'i: — Baabiiwo, miɗo yettire ko njaabaniɗaa kam ɗuum.

2 Korintunkooɓe 2:14

Ammaa jettooje ngoodanii Laamɗo kokkoowo en jaalagol wakkati fuu saabe kawtal meeɗen e Almasiihu. Laamɗo hokkii min saakude anndal Almasiihu nokku fuu hono no uurdi mbelndi ni.

2 Korintunkooɓe 9:15

Jettooje ngoodanii Laamɗo saabe dokkal muuɗum ngal waawaa sifeede!

1 Timote 1:12

Miɗo yetta Joomiraaɗo meeɗen Iisaa Almasiihu kokkuɗo kam semmbe faa mi gollana ɗum. Miɗo yetta ɗum ko hiisorii kam mi koolniiɗo, de watti kam e golle muuɗum.

Holleede 1:4

Miin Yuhanna, miɗo winndana kawrite goonɗinɓe jeɗɗi gonɗe e leydi Aasiya. Wo on keɓu moƴƴere e jam ƴuuruɗe to Laamɗo gonɗo, gonnooɗo, gonoowo oon, e ƴuuruɗe to ruuhuuji jeɗɗi gonɗi yeeso jooɗorgal laamu makko ɗiin.

Holleede 1:8

Laamɗo Joomiraaɗo, gonɗo, gonnooɗo, gonoowo, Jom baawɗe fuu oon, wi'i: — Miin woni arandeejo, miin woni cakitotooɗo.

Holleede 11:15

Maleyka njeɗɗaɓo oon fuufi buututal muuɗum. Ndeen daaɗe toowɗe nanaa dow kammu, ina mbi'a: — Laamu adunaaru ndu fuu laatake laamu Joomiraaɗo meeɗen e Almasiihu muuɗum. O laamoto faa abada abadin!

Holleede 15:3

Iɓe njima jimol Muusaa maccuɗo Laamɗo oon e jimol Jawgel ngeel, iɓe mbi'a: «Laamɗo Joomiraaɗo jom baawɗe fuu, golleeji maa wo mawɗi, wo kaayniiɗi! Laabi maa wo ponnditiiɗi, goongaaji, aan laamiiɗo laamorɗe fuu!

Holleede 16:14

Ginnaaji bonɗi ɗiin wo waɗooɓe kaayeefiiji. Iɓe njaha to kaanankooɓe adunaaru fuu faa ɓe kawrundura ɗum'en saabe wolde nyannde darngal, nyalaande Laamɗo jom baawɗe fuu.

Holleede 16:5

Ndeen nanumi maleyka kawjotooɗo diyeele oon, ina wi'a: — Aan Ceniiɗo, gonɗo, gonnooɗo, wo a ponnditiiɗo, sabo a sarake goonga.

Holleede 16:7

Ndeen nanumi daande ƴuurii to sakkirde rewreteende Laamɗo toon, ina wi'a: — Goonga! Laamɗo Joomiraaɗo jom baawɗe fuu, sariyaaji maa wo goongaaji, wo ponnditiiɗi!

Holleede 18:8

Saabe no nde worri noon, masiibaaji mayre caaman dow mayre: maayde e mettorgal e rafo. Nde wuldete yiite, sabo Laamɗo Joomiraaɗo carotooɗo nde wo Jom semmbe.

Holleede 19:11

Caggal ɗuum, nji'umi kammu ina omtii, de puccu ndaneewu ɓangi. Baɗɗiiɗo ngu oon ina wi'ee Koolniiɗo, ina wi'ee Goongante. Wo e fonnditaare o sarortoo, e fonnditaare du o honirta.

Holleede 19:6

Ndeen nanumi daande nanndunde e sawtu jamaa keewɗo, hono sawtu diyeele keewɗe ni, hono diggaali mawɗi ni, ina wi'a: «Haleluuya! Sabo Laamɗo Joomiraaɗo meeɗen Jom baawɗe fuu oon tabintinii laamu muuɗum.