Holleede 10:1 - Dewtere Laamɗo Fulfulde Burkina Faso

¹ Caggal ɗuum, nji'umi maleyka goɗɗo jom semmbe ina ƴuura dow kammu ina jippoo. Ruulde ina fiili ɗum, ciiɓociiɓongal ina tiimti hoore muuɗum. Yeeso muuɗum ina ɗelka hono naange, koyɗe mum du ina nga'i hono bimmbeeje yiite.

Holleede 10:1 ပူးပေါင်းရင်းမြစ်များ

Wurtagol 16:10

Wakkati Haaruuna haaldannoo e jamaare Israa'iila fuu ndeen, ɓe njeeƴorii faro ladde yoornde de teddeengal Joomiraaɗo ɓangi nder ruulde.

Lewinkooɓe 16:2

Joomiraaɗo wi'i Muusaa: — Kaaldaa e sakiike maaɗa Haaruuna mbi'a ɗum taa naata wakkati fuu faa ley Nokkuure Ɓurnde fuu Senaade gaɗa ridoo yeeso keruba'en huuruɓe keesuwal Amaana ngaal. Noon waɗta taa o maaya sabo miɗo ɓanga nder ruulde dow ommboode ndeen.

Matta 17:2

Ɗoon alhaali makko waylitii yeeso maɓɓe. Yeeso makko ina jalba hono naange, kaddule makko du ndawni far hono annoora.

Luuka 21:27

Wakkati oon, yimɓe ɓeen nji'an Ɓii Neɗɗo ina wara e duule, ina warda e baawɗe e teddeengal manngal.

Golle Nelaaɓe 26:13

Kaananke, miɗo wonnoo dow laawol wakkati hakkunde naange, nji'umi annoora ina ƴuura dow kammu ina fiiloo kam, miin e yaadiraaɓe am ɓeen fuu. Annoora oon ina ɓuri fay naange jalbude.

Holleede 1:7

Ndaaree, imo wara e duule. Yitere fuu yi'an mo, fay yuwnooɓe mo ɓeen. Lenyi adunaaru fuu mboyran mettorgal saabe makko. Wo ɗum laatoro noon! Aamiina.

Holleede 18:1

Caggal ɗuum, nji'umi maleyka goɗɗo keewɗo baawɗe ina ƴuura dow kammu ina jippoo. Darja makko jalbini adunaaru.

Holleede 18:21

Wakkati oon, maleyka jom semmbe hooƴi kaaƴal nanndungal e niisirde mawnde, de faɗɗiri ɗum semmbe ley maayo, wi'i: — Nii Baabiila ngalluure mawnde ndeen faɗɗirtee, nde yi'ataake abada katin!

Holleede 20:1

Caggal ɗuum, nji'umi maleyka ina ƴuura dow kammu ina jippoo, ina jogorii junngo muuɗum cokitirgal ɓunndu ndu luggeefi muuɗum walaa ɗo haaɗi nduun, kam e callalol manngol.

Holleede 4:3

Jooɗiiɗo oon, tagaadi muuɗum ina jalbira hono no hayre yaspa, ina wojjitira hono no hayre sardis. Ciiɓociiɓongal ina fiilii jooɗorgal ngaal, ina jalbira hono no hayre emerooda ni.

Holleede 5:2

Ndeen nji'umi maleyka jom semmbe ina ƴeewnoo daande toownde, ina wi'a: — Moy foti e takkitinde takkanɗe takkaaɗe ɗeen, de omta dewtere taggaande nde?

Holleede 8:13

Caggal ɗuum, nji'umi ciilal ina fiira dow, nanumi inde ƴeewnoo e daande toownde, inde wi'a: — Yoo yoy! Yoo yoy! Bone woodanii yimɓe adunaaru nde maleyka'en tato heddiiɓe ɓeen puufii buutute muɓɓen!