Holleede 1:8 - Dewtere Laamɗo Fulfulde Burkina Faso

⁸ Laamɗo Joomiraaɗo, gonɗo, gonnooɗo, gonoowo, Jom baawɗe fuu oon, wi'i: — Miin woni arandeejo, miin woni cakitotooɗo.

Holleede 1:8 ပူးပေါင်းရင်းမြစ်များ

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Fuɗɗoode 28:3

Laamɗo jom Baawɗe barkine, waɗa ndimaa, ɗuuɗaa faa laatoɗaa lenyi keewɗi.

Fuɗɗoode 35:11

Laamɗo wi'i mo: — Miin woni Laamɗo Jom Baawɗe. Ndimaa, ɗuuɗaa. Ƴuwdi maa laatoto suudu mawndu. Lenyi keewɗi ƴuwan e maaɗa. Kaanankooɓe du njaltan e maaɗa.

Fuɗɗoode 43:14

Laamɗo Jom Baawɗe hokku on hinney yeeso makko, o hokkita on sakiike mon e Benjamin fuu. Miin du si mi waasan ɓiɓɓe am ɓeen kaa, mi waasa ɗum'en.

Fuɗɗoode 48:3

Yaakuuba wi'i Yuusufi: — Laamɗo Jom Baawɗe ɓanganii kam Luus ley leydi Kanaana. O barkini kam,

Fuɗɗoode 49:25

Laamɗo bammaa oon wallete, Jom Baawɗe oon barkinante huunde fuu, barkeeji ƴuurooji dow kammu, barkeeji ilam mbaaliiɗam e leydi, barkeeji enndu e enɗam.

Wurtagol 3:14

Laamɗo wi'i Muusaa: — Miin Woni Mo Ngonumi. O wi'i katin: — Inan ko mbi'ataa Israa'iila'en: Inndirteeɗo Miin-Woni oon neli kam to mooɗon.

Wurtagol 6:3

Arande mi ɓanganiino Ibrahiima e Isiyaaka e Yaakuuba, kollumi ɓe wo mi Laamɗo Jom Baawɗe, ammaa mi anndinaay ɓe innde am wo Joomiraaɗo bi'eteeɗo «Miin Woni» oon.

Limle 24:4

Konngol nanoowo haalaaji Laamɗo, Ji'oowo ko Jom Baawɗe holli ɗum si hofake de gite muuɗum na peerti:

2 Korintunkooɓe 6:18

Mi laatanto on baaba, onon du, on laatanto kam ɓiɓɓe worɓe e rewɓe. Noon Joomiraaɗo jom baawɗe fuu wi'i.»

Holleede 1:11

ina wi'a: — Ko nji'ataa ɗuum, waɗu ɗum dewtere, de nuldaa nde kawrite goonɗinɓe jeɗɗi ɗeen: kawrite gonɗe Efeesu e Simirna e Pergamon e Tiyatira e Sardis e Filadelfi e Lawdikiya.

Holleede 1:17

Nde nji'unoomi mo ndeen, caamumi yeeso makko hono wo mi maayɗo. Ammaa o yowi junngo makko nyaamo dow am, o wi'i: — Taa hulu! Miin woni arandeejo, miin woni cakitotooɗo,

Holleede 1:4

Miin Yuhanna, miɗo winndana kawrite goonɗinɓe jeɗɗi gonɗe e leydi Aasiya. Wo on keɓu moƴƴere e jam ƴuuruɗe to Laamɗo gonɗo, gonnooɗo, gonoowo oon, e ƴuuruɗe to ruuhuuji jeɗɗi gonɗi yeeso jooɗorgal laamu makko ɗiin.

Holleede 11:17

Iɓe mbi'a: «Miɗen njette, Laamɗo Joomiraaɗo jom baawɗe fuu, gonɗo, gonnooɗo oon miɗen njette, sabo a gollirii baawɗe maa mawɗe ɗeen, a tabintinii laamu maa.

Holleede 15:3

Iɓe njima jimol Muusaa maccuɗo Laamɗo oon e jimol Jawgel ngeel, iɓe mbi'a: «Laamɗo Joomiraaɗo jom baawɗe fuu, golleeji maa wo mawɗi, wo kaayniiɗi! Laabi maa wo ponnditiiɗi, goongaaji, aan laamiiɗo laamorɗe fuu!

Holleede 16:14

Ginnaaji bonɗi ɗiin wo waɗooɓe kaayeefiiji. Iɓe njaha to kaanankooɓe adunaaru fuu faa ɓe kawrundura ɗum'en saabe wolde nyannde darngal, nyalaande Laamɗo jom baawɗe fuu.

Holleede 16:7

Ndeen nanumi daande ƴuurii to sakkirde rewreteende Laamɗo toon, ina wi'a: — Goonga! Laamɗo Joomiraaɗo jom baawɗe fuu, sariyaaji maa wo goongaaji, wo ponnditiiɗi!

Holleede 19:15

Kaafaahi mbelki ina wurtoo e hunnduko makko. E kanki o soppirta laamorɗe adunaaru, de o laamoroo ɗe sawru njamndi. O dampan e ɓoosirde cabiije yaltinoore tikkere Laamɗo jom baawɗe mawnde.

Holleede 19:6

Ndeen nanumi daande nanndunde e sawtu jamaa keewɗo, hono sawtu diyeele keewɗe ni, hono diggaali mawɗi ni, ina wi'a: «Haleluuya! Sabo Laamɗo Joomiraaɗo meeɗen Jom baawɗe fuu oon tabintinii laamu muuɗum.

Holleede 2:8

— Winndan maleyka kawrital goonɗinɓe gonngal Simirna, mbi'aa: «Inan haalaaji arandeejo e cakitotooɗo, maaynooɗo de iirtii oon:

Holleede 21:22

Mi yi'aay suudu dewal e ley ngalluure ndeen, sabo Laamɗo Joomiraaɗo jom baawɗe fuu oon e Jawgel ngeel ngoni suudu dewal mayre.

Holleede 21:6

O wi'i kam katin: — Huunde fuu timmii! Miin woni arandeejo, miin woni cakitotooɗo. Miin woni fuɗɗoode, miin woni timmoode. Neɗɗo fuu ɗomɗuɗo, mi hokkan ɗum ndiyam nguurndam ƴuuruɗam e ildude ndeen ɓolum tawa yoɓaay faa'e.

Holleede 22:13

Miin woni arandeejo e cakitotooɗo, miin woni fuɗɗoode e timmoode.

Holleede 4:8

Kulle buurɗe nay ɗeen, gootel fuu ina woodi bippeele jeegom. Bippeele ɗeen ina keewi gite ley e dow fuu. Jemma e nyalooma fuu ɗe celataa yimude, iɗe mbi'a: «Ceniiɗo, Ceniiɗo, Ceniiɗo, wo Laamɗo Joomiraaɗo jom baawɗe fuu, gonnooɗo, gonɗo, gonoowo oon!»