Holleede 1:3 - Dewtere Laamɗo Fulfulde Burkina Faso

³ Barke woodanii neɗɗo fuu jannguɗo dewtere annabaaku nde. Barke du woodanii neɗɗo fuu kettindaniiɗo nde de jokki ko winndaa e mayre ɗuum, sabo wakkati mo kulle ɗeen ngaɗata oon ɓadake.

Holleede 1:3 ပူးပေါင်းရင်းမြစ်များ

Banndi 8:34

Belɗo hoore woni kettindaniiɗo kam, jooɗiiɗo dammbugal am nyannde fuu, na heɗii.

Matta 24:15

— On nji'an «huunde nyiddiniinde bonnoore» nde annabi Daniyiila haalnoo kabaaru muuɗum. Huunde ndeen darnete dow nokkuure seniinde ndeen. (Jannguɗo ɗum fuu, faama maanaa majjum.)

Luuka 11:28

Ammaa Iisaa jaabii, wi'i: — Nanooɓe haala Laamɗo de njokki ka ɓeen, kam'en ɓuri heɓude barke!

Romankooɓe 13:11

Taykee kujje ɗeen, sabo oɗon anndi wakkati mo ngonɗen e muuɗum. Wakkati mo kaanɗon finude oon yonii. Sabo joonin kisindam ɓuri ɓadaade en diina nde naatunoɗen e goonɗinal ndeen.

Romankooɓe 13:12

Jemma ɓadake timmude, nyalooma ɓattake. Ndelle, celen gollude golle nimre, kooƴen kaɓitirɗe annoora.

1 Piyeer 4:7

Timmoode huunde fuu ɓadake. Ndelle, kakkilon, nanngitoɗon, faa keddoɗon e du'aare.

2 Piyeer 3:8

Sakiraaɓe am horsuɓe, taa njeggiton goonga gooto o: to Joomiraaɗo, nyalooma gooto ina wa'i hono no duuɓi ujunere ni, de duuɓi ujunere du ina nga'ani mo hono no nyalooma gooto ni.

Holleede 22:10

O wi'i kam katin: — Taa suuɗu haalaaji annabaaku gonɗi e dewtere nde ɗiin, sabo wakkati mo ɗum laatotoo oon ɓadake.

Holleede 22:12

Iisaa wi'i: — Ndaaree, mi waran ko ɓooyataa. Miɗo wadda mbarjaari faa mi barjoo mono fuu haddi golle muuɗum.

Holleede 22:20

Ceedantooɗo kulle ɗeen oon wi'i: — Tannyoral, mi waran ko ɓooyataa! Aamiina. War Iisaa Joomiraaɗo!

Holleede 3:11

Mi ɓadake warude. Tinna e ko njogiɗaa ɗuum taa fay gooto teeta kufune maa jaalorgal.