Golle Nelaaɓe 9:31 - Dewtere Laamɗo Fulfulde Burkina Faso

³¹ Ndeen kawrital goonɗinɓe ngaal heɓi jam ley Yahuudiya e Galili, kam e Samariya fuu. Ngal ɓeydi semmbe, ngal yehi yeeso e kulol Joomiraaɗo, ngal ɓeydii heewude saabe ballal Ruuhu Ceniiɗo.

Golle Nelaaɓe 9:31 ပူးပေါင်းရင်းမြစ်များ

Banndi 23:17

Taa ɓernde maa hiru waɗooɓe hakke, ammaa hulu Joomiraaɗo wakkati fuu.

Romankooɓe 5:5

Jikke oon du waasataake, sabo Ruuhu Ceniiɗo mo kokkaɗen oon hebbinii en njinngu Laamɗo.

Banndi 1:7

Hulude Joomiraaɗo woni puɗɗam anndal, wo puuyɗo yawata hakkillo e ekintinol.

Romankooɓe 15:13

Laamɗo jom jikke oon hebbin on seyo e jam fuu saabe ko ngoonɗinɗon mo, faa jikke mooɗon ɓeydoo heewude saabe baawɗe Ruuhu Ceniiɗo!

Golle Nelaaɓe 8:1

Sool ina yardii ko ɓe mbari Etiyen ɗuum. Nyalooma oon, torra mawɗo hewtii kawrital goonɗinɓe wonɓe Urusaliima toon. Ɓe fuu ɓe cankitii ley leyɗe Yahuudiya e Samariya, si wanaa nulaaɓe ɓeen.

Banndi 8:13

Hulude Joomiraaɗo woni wanyude bone. Miɗo wanyi mawnitaare e mantaare e bonde e haalaaji oonyiiɗi.

Ayuuba 28:28

De o wi'i neɗɗo: — Ndaar! Kulol Joomiraaɗo, kam woni hakkillo, wosaade ko boni du woni paamal.

Nehemiya 5:9

Mbiimi ɓe katin: — Ko ngaɗoton ɗuum dagaaki! Yalla wanaa na haani kulon Laamɗo, heɓa taa wayɓe meeɗen, lenyi janani, pela en, keɓa ko njalnoroo en naa?

Efeesunkooɓe 4:12

Ko o waɗiri noon, wo faa o segilanoo seniiɓe ɓeen faa ngolla ko njeyi gollude, faa semmbinɗina kawrital goonɗinɓe laatiingal ɓanndu Almasiihu ngaal,

2 Korintunkooɓe 13:10

Saabe ɗum, miɗo winndana on ɗum gilla mi waraay tafon, faa si mi warii to mooɗon fu, taa mi bonnana on e ley baawɗe ɗe Joomiraaɗo hokki kam ɗeen. Laamɗo hokkii kam baawɗe ɗeen faa semmbinɗina on, wanaa faa bonnana on.

2 Korintunkooɓe 10:8

Fay si mantoriimi baawɗe am faa faltii seeɗa, ɗum semtintaa kam. Joomiraaɗo meeɗen Iisaa hokkii min baawɗe ɗe faa min cemmbinɗina goonɗinal mon, wanaa faa min kalka ngal.

2 Korintunkooɓe 7:1

Ndelle sakiraaɓe horsuɓe, saabe en ngaɗanaama amaanaaji ɗiin fu, laaɓinen ko'e meeɗen e ko tuuninta ɓalli men e yonkiiji men fuu. Tabintinen senaare men e ley kulol Laamɗo.

Golle Nelaaɓe 16:5

Hono noon, kawrite goonɗinɓe ɗeen ina ɓeydoo semmbe ley goonɗinal, ina ɓeydoo heewude nyannde fuu.

Golle Nelaaɓe 12:24

Ammaa konngol Laamɗo ngool ina yaara yeeso, ina ɓeyda sankitaade.

Golle Nelaaɓe 6:7

Konngol Laamɗo ina yaaja yaade. Taalibaaɓe ina ɓeydoo heewude sanne e ley Urusaliima. Almaami'en heewɓe ngoonɗini Iisaa.

Nehemiya 5:15

Goforneere'en artiiɓe kam na njowaanno ko teddi dow yimɓe, nyannde fuu iɓe njoɓno ɓe buuɗi cardi 40 e nyaamndu e cabijam. Fay gollooɓe maɓɓe na ɓeyɗannoo ɗum. Ammaa miin ka, saabe kulol Laamɗo, mi waɗaay noon.

Yahuuda 1:20

De onon kaa sakiraaɓe am horsuɓe, nyiɓee nguurndam mooɗon dow goonɗinal mooɗon ceniingal faa sanne ngaal. Ngonee e ŋaaraade Laamɗo dow baawɗe Ruuhu Ceniiɗo.

Ibraninkooɓe 4:9

Ɗum na holla yimɓe Laamɗo ina ndesanaa fowtere hono nde Laamɗo fowti nyannde jeɗɗaɓerde ndeen.

1 Timote 1:4

Sanaa ɓe cela fillitaade taali e limtude inɗe maamiraaɓe ɗe kantataako. Kulle ɗeen na ngadda jeddi tan, wanaa anniyaaji Laamɗo. Wo ley goonɗinal anndirɗen anniyaaji ɗiin.

1 Tesaloniyankooɓe 5:11

Ndelle mbaaltunduree ɓerɗe mon. Mono fuu walla banndum e yaade yeeso, hono no ngaɗirton ni.

Koloosiyankooɓe 1:10

Hono noon, keɓon wuurude nguurndam mbeloojam Joomiraaɗo kawroojam e muuyɗe muuɗum e dow huunde fuu, tabiton e gollal lobbal fuu, ɓeydon anndude Laamɗo.

Filipiyankooɓe 2:1

Wanaa Almasiihu na sellina ɓerɗe mon naa? Wanaa njinngu muuɗum na waaltina hakkillo mon naa? Wanaa ko kawtuɗon e Ruuhu Ceniiɗo, on keɓii korsa e yurmeende naa?

Efeesunkooɓe 5:21

Mono e mooɗon fuu ɗowtanoo banndum saabe teddinde Almasiihu.

Efeesunkooɓe 4:29

Taa konngol bonngol yaltu e kunnduɗe mooɗon. Ko kaanɗon waɗude tan wo haalude haalaaji nafooji baawɗi semmbinde ɓerɗe yimɓe fodde haajuuji, faa ɗi ngaddana hettindantooɓe on ɓeen moƴƴere.

Efeesunkooɓe 4:16

Kanko waddani ɓanndu nduun fuu nanngundurde faa wooɗa saabe jokkule ɗe ndu hokkaa ɗeen. Hono noon, si tergal fuu gollii golle muuɗum, ndeen ɓanndu nduun mawnan, yaha yeeso ley njinngu.

2 Korintunkooɓe 12:19

Yalla oɗon miiloo ko ɓooyi wo min laaɓinooɓe ko'e amin yeeso mooɗon naa? Wanaa noon. Wo yeeso Laamɗo ley kawtal amin e Almasiihu min kaaldata. Sakiraaɓe horsuɓe, ko min ngaɗata fu, wo faa semmbinɗina on.

1 Korintunkooɓe 14:26

Ndelle sakiraaɓe, noy ngaɗoton? Si on kawritii, de gooto mooɗon ina woodi jimol, goɗɗo du ina janngina, goɗɗo ina woodi ko Laamɗo ɓanginani ɗum, goɗɗo ina haala ɗemngal ngal anndaaka, goɗɗo du na fiirta ngal, sanaa fuu waɗiree faa semmbina kawrital goonɗinɓe ngaal.

1 Korintunkooɓe 14:12

Hono noon, onon du e ley fooɗanagol mooɗon dokke Ruuhu ɗeen, tinnoɗon e heɓude dokke cemmbinooje kawrital goonɗinɓe ngaal e semmbe mooɗon fuu.

Romankooɓe 14:19

Ndelle, piloɗen ko ɓeydata jam hakkunde meeɗen. Mono fuu filoo ko semmbinɗinta banndum ley goonɗinal.

Romankooɓe 14:17

Sabo laamu Laamɗo wanaa kabaaru nyaamdu naa njaram, wo kabaaru fonnditaare e jam e seyo ley kawtal Ruuhu Ceniiɗo.

1 Kabaaruuji Laamiiɓe 22:18

Yalla Joomiraaɗo, Laamɗo mooɗon waldaa e mon naa? Yalla o hokkaay on joonnde e jam tatteeji fuu naa? Si goonga o wattii yimɓe leydi ndii e juuɗe am. Ndelle yimɓe leydi ndiin fuu ngartii e ley junngo Joomiraaɗo e ley dabare yimɓe muuɗum.

1 Kabaaruuji Laamiiɓe 22:9

Inan a riman ɓiɗɗo gorko keɓoowo jam. Mi waɗan o jooɗoo e jam hakkunde wayɓe makko fiiliiɓe o ɓeen fuu. O inndirte Suleymaana. Mi hokkan Israa'iila joonnde e jam haddi laamu makko fuu.

Ardiiɓe 3:30

Nyalaande majjum, Israa'iilankooɓe mari Mo'abinkooɓe. Ndeen leydi ndiin heɓi jam faa waɗi duuɓi 80.

Yoosuwa 21:44

Joomiraaɗo hokki ɓe jam nokku fuu nder leydi ndiin, hono no o hunoraninoo maamiraaɓe maɓɓe noon. Walaa fay gooto nder wayɓe maɓɓe baawɗo daraade yeeso maɓɓe, sabo Joomiraaɗo wattii wayɓe maɓɓe ɓeen fuu nder juuɗe maɓɓe.

Fillitagol 12:10

Ammaa nde peƴƴoyɗon Urdun de njooɗiɗon leydi ndi Joomiraaɗo, Laamɗo mooɗon hokki on faa laatoo ndongu mooɗon, tawi oɗon njooɗii e jam sabo o hisinii on e juuɗe wayɓe fiiliiɓe on ɓeen fu,

Golle Nelaaɓe 2:47

Iɓe njetta Laamɗo, yimɓe fuu ina njiɗi ɓe. Nyannde fuu Joomiraaɗo ina ɓeydana kawrital ngaal hisinaaɓe.

Golle Nelaaɓe 5:11

Kulol manngol nanngi kawrital goonɗinɓe e nanɓe ɗum fuu.

Golle Nelaaɓe 20:32

Joonin, miɗo halfina on Laamɗo, e konngol hinney muuɗum. Konngol ngool ina waawi semmbinde on e ley goonɗinal mon, hokka on ko resani seniiɓe fuu.