Golle Nelaaɓe 5:39 - Dewtere Laamɗo Fulfulde Burkina Faso

³⁹ Ammaa si tawii to Laamɗo ɗum ƴuuri du, on mbaawaa sakkaade ɗum. Kaybee, taa on kaɓu e Laamɗo!

Golle Nelaaɓe 5:39 ပူးပေါင်းရင်းမြစ်များ

Banndi 21:30

Walaa hakkillo, naa paamal, naa dabare waawoore jaalaade yeeso Joomiraaɗo.

Matta 16:18

Miin du, miɗo wi'e Piyeer (ɗum na fiirta «Hayre»). Dow hayre ndeen nyiɓammi kawrital am goonɗinɓe ngaal. Fay maayde e semmbe laakara fuu walaa ko waawi e maggal.

Golle Nelaaɓe 7:51

Etiyen ɓeydi katin, wi'i: — Onon sattuɓe, yoorɓe ɓerɗe, faaɗinkiniiɓe! Abada on celaay salanaade Ruuhu Ceniiɗo! On laatake hono maamiraaɓe mooɗon ɓeen ni.

1 Korintunkooɓe 1:25

Sabo ko nanndi e puuyndam Laamɗo ɗuum ina ɓuri hakkilantaaku ɓiɓɓe-Aadama. Katin du ko nanndi e lokkaaku Laamɗo ɗuum ina ɓuri semmbe ɓiɓɓe-Aadama.

Golle Nelaaɓe 11:17

Si Laamɗo fonndii en e maɓɓe, hokkii ɓe ko hokkunoo en ɗuum nde ngoonɗinnoɗen Joommen Iisaa Almasiihu ndeen, ndelle miin wo mi moy? Yalla miɗo waawi haɗude Laamɗo naa?

Golle Nelaaɓe 9:5

Sool ƴami: — Aan wo a moy, joomam? Nde o ƴamunoo ɗum fu, jaabu wari e makko: — Miin, wo mi Iisaa mo torrataa oon.

Golle Nelaaɓe 6:10

Ammaa ɓe kunngii jaalaade mo sabo imo haalda e maɓɓe hakkilantaaku e Ruuhu.

Luuka 21:15

Sabo mi hokkan on waawde haala, mi hokkan on hakkilantaaku ko wayɓe on ɓeen fuu mbaawaa salaade naa yeddude.

Ayuuba 34:29

Si o deƴƴinake, moy foti felude mo? Si o tottitake, moy foti yeccinde mo? Wo kanko laamii lenyi e yimɓe fuu,

Golle Nelaaɓe 23:9

Duko koon ɓeydii mawnude. Jannginooɓe Tawreeta woɓɓe heedanɓe Farisa'en ɓeen, na ngaɗa kalala mawɗo, ina mbi'a: — Walaa fuu ko boni ko min nji'i e gorko o! Ina waawi taweede ruuhu naa maleyka haaldi e makko!

2 Kaanankooɓe 19:22

Aɗa anndi mo njennuɗaa de mbonkiɗaa naa? Aɗa anndi mo pelɓuɗaa de ndaarduɗaa yawaara naa? Wo Ceniiɗo mo Israa'iila pay!

1 Kaanankooɓe 12:24

«Inan ko Joomiraaɗo wi'i: Taa kaɓde e banndiraaɓe mooɗon yimɓe Israa'iila. Mono fuu hoota wuro muuɗum, sabo huunde nde, wo to am ƴuuri.» Ɓe njaɓi haala Joomiraaɗo kaan, ɓe njeccii gure maɓɓe hono no Joomiraaɗo wi'iri ɓe noon.

2 Samuwiila 5:2

Arande nde Sawulu laaminoo min ndeen, wo aan ardotoo Israa'iila ley jahaale e garte wolde fuu. Katin du, Joomiraaɗo wi'ii ma, aan durata yimɓe muuɗum Israa'iila, laatoɗaa hooreejo maɓɓe.

1 Korintunkooɓe 10:22

Naa umminde tikkere Joomiraaɗo kiroowo oon njiɗuɗen naa? Yalla en miilii eɗen ɓuri mo semmbe naa?

Fuɗɗoode 24:50

Laban e Betuwel njaabii, mbi'i: — Kabaaru o ƴuurii to Joomiraaɗo, min mbaawaa wi'ude ma na wooɗi naa wooɗaa.