Golle Nelaaɓe 4:30 - Dewtere Laamɗo Fulfulde Burkina Faso

³⁰ Ɓangin baawɗe maa, ndannaa nyawɓe, ngaɗaa maandeeji kaayniiɗi e kaayeefiiji saabe Iisaa, golloowo maaɗa ceniiɗo oon.

Golle Nelaaɓe 4:30 ပူးပေါင်းရင်းမြစ်များ

Wurtagol 6:6

Saabe ɗuum mbi'aa yimɓe Israa'iila: Miin woni Joomiraaɗo, mi wurtinan on ley golleeji tiiɗɗi ɗi Misirankooɓe ngatti on ɗiin. Mi dannan on e maccungaaku maɓɓe, mi rimɗiniran on junngo semmbiɗinngo e sariyaaji mawɗi ɗi ngaɗammi.

Yuhanna 4:48

Iisaa wi'i mo: — Si on nji'aay maandeeji e kaayeefiiji fu, on ngoonɗintaa.

Golle Nelaaɓe 2:22

Piyeer wi'i katin: — Israa'iilankooɓe, kettinee haalaaji ɗi: Iisaa Nasaraatuujo oon wo neɗɗo mo Laamɗo laaɓinani on wo ƴuurɗo e muuɗum. Laamɗo hokki ɗum baawɗe, hokki ɗum waɗude kaayeefiiji e maandeeji kaayniiɗi hakkunde mooɗon, hono no onon e ko'e mon anndirɗon ni.

Golle Nelaaɓe 2:43

Kulol naati e mono fuu, sabo nulaaɓe ɓeen ina ngaɗa kaayeefiiji e maandeeji kaayniiɗi keewɗi.

Golle Nelaaɓe 3:13

Laamɗo Ibrahiima e Isiyaaka e Yaakuuba, Laamɗo maamiraaɓe meeɗen, teddini golloowo muuɗum Iisaa. Onon kaa, on ngattii mo e juuɗe laamu, on calake mo yeeso Pilaatu, fay si taweede Pilaatu ina yiɗi yoofude mo.

Golle Nelaaɓe 3:16

Wo saabe goonɗinal Iisaa e baawɗe innde muuɗum waɗi de gorko o daɗi. Oɗon nji'a mo, oɗon anndi no o worrunoo du. Ayyo, hoolaare Iisaa ndeen waɗi de o laatii celluɗo kiɓɓuɗo.

Golle Nelaaɓe 3:6

De Piyeer wi'i: — Mi walaa cardi, mi walaa kaŋŋe, ammaa mi hokkete ko njogiimi ɗuum: e dow innde Iisaa Almasiihu Nasaraatuujo oon, umma yahu!

Golle Nelaaɓe 4:10

oɗon njeyi anndineede ɗum ɗo, onon e Israa'iilankooɓe fuu: Wo saabe Iisaa Almasiihu Nasaraatuujo gorko o darorii yeeso mooɗon wo daɗuɗo. On tontiino Iisaa oon, ammaa Laamɗo iirtinii ɗum.

Golle Nelaaɓe 4:27

Ɗum wo goonga, sabo ley ngalluure ndeen Hirudus e Pontiyu Pilaatu nanngunduri e Israa'iilankooɓe e lenyi goɗɗi faa kaɓa e Iisaa, golloowo maa ceniiɗo mo cuɓiɗaa oon.

Golle Nelaaɓe 5:12

Nulaaɓe ɓeen ina ngaɗa maandeeji kaayniiɗi e kaayeefiiji keewɗi hakkunde yimɓe. Tawi goonɗinɓe ɓeen fuu ina kawrita ley danki Suleymaana kiin, ɓe fuu ɓe ɓernde wootere.

Golle Nelaaɓe 6:8

Etiyen, kebbinaaɗo moƴƴere e baawɗe Laamɗo oon, ina waɗa kaayeefiiji e maandeeji kaayniiɗi mawɗi hakkunde yimɓe.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?