Golle Nelaaɓe 3:10 - Dewtere Laamɗo Fulfulde Burkina Faso

¹⁰ Ɓe annditi wo kanko jooɗotonoo to dammbugal bi'eteengal Lobbal ngaal ina garbina. Kaayeefi e wemmbere nanngi ɓe sanne saabe ko o heɓi ɗuum.

Golle Nelaaɓe 3:10 ပူးပေါင်းရင်းမြစ်များ

Matta 14:35

Worɓe nokku oon annditi mo, kaalani leydi ndiin fuu garol makko. Yimɓe ɓeen ngaddani mo nyawɓe muɓɓen fuu.

Luuka 4:36

Ɓe fuu ɗum haaynii ɓe, iɓe ƴamundura hakkunde maɓɓe: — Ko woni haala ka? Ginnaaji bonɗi ɗiin, imo yamira ɗi baawɗe e semmbe, de iɗi mburtoo.

Luuka 9:43

Ɗum haaynii yimɓe ɓeen fuu sanne saabe baawɗe Laamɗo mawɗe ɗeen. E ley ko jamaa oon fuu haaynaa e golle Iisaa ɗuum, o wi'i taalibaaɓe makko ɓeen:

Yuhanna 5:20

Sabo Baabiiwo ina yiɗi Ɓiɗɗo oon, ina holla ɗum huunde fuu ko gollata. O hollan ɗum golleeji ɓurɗi ɗii ɗo fuu semmbe faa haaynoo on.

Yuhanna 9:3

Iisaa jaabii ɓe, wi'i: — Wanaa kanko lutti, wanaa saaraaɓe makko du. Ammaa ɗum waɗii faa baawɗe Laamɗo ɓanga e makko.

Yuhanna 9:8

Hoddiiɓe makko, kamɓe e yi'annooɓe mo imo garbina ɓeen, mbi'i: — Yalla wanaa oo woni jooɗinooɗo ina garbina oon naa?

Golle Nelaaɓe 2:12

Ɗum haaynii ɓe ɓe fuu, ɗum haɓɓi ɓe ko'e, iɓe ƴamundura: — Ɗume woni maanaa majjum?

Golle Nelaaɓe 2:7

Ɓe fuu ɓe mbemmbaa, ɗum haaynii ɓe, iɓe mbi'undura: — Haalooɓe ɓe fuu nganaa Galilinkooɓe naa?

Golle Nelaaɓe 3:2

Tawi gorko dimdaaɗo e bonngaaku ina yaaree to dammbugal suudu dewal mawndu bi'eteengal Dammbugal Lobbal. Nyannde fuu yimɓe makko ina njoƴƴina mo ɗoon faa o garbina naatooɓe suudu dewal mawndu ɓeen sadaka.