Golle Nelaaɓe 24:5 - Dewtere Laamɗo Fulfulde Burkina Faso

⁵ Min tawii gorko o wo daaɓoowo bone sanne. Wo o gaddoowo fitina hakkunde Alhuudiyankooɓe wonɓe ley adunaaru fuu. O ardiiɗo laawol Nasaraatunkooɓe.

Golle Nelaaɓe 24:5 ပူးပေါင်းရင်းမြစ်များ

Ester 3:8

Haman wi'i kaananke Jerjes: — Na woodi lenyol feerewol ngol yimɓe muuɗum cankiti ley leyɗe laamu maaɗa fuu. Finaatawaa maɓɓe na seedi e heddiiɓe fuu. Wooɗi du, ɓe njaɓataa waɗude ko aan kaananke njamirɗaa. A haanaa accude ɓe ɓe njooɗoo e jam.

Amos 7:10

Ndeen Amasiya almaami wuro Baytila neli Yerobo'am, kaananke Israa'iila wi'ee: — Amos na wondi anniya umminande ma fitina hakkunde suudu Israa'iila. Yimɓe leydi ndiin mbaawaa heddaade na nana haalaaji makko ɗiin.

Matta 10:25

Ina heƴa ko taalibbo laatoo hono moodibbom, maccuɗo du laatoo hono joomum. Si ɓe inndirii kam, miin jom wuro «Beeljebul mawɗo ginnaaji» fu, tilay ɓe inndiran on, onon yimɓe wuro du noon.

Matta 2:23

O hoɗowi wuro wi'eteengo Nasaraatu. Noon ɗum laatorii faa ko annabaaɓe mbi'unoo ɗuum tabita: «O wi'ete Nasaraatuujo.»

Marka 1:24

wi'i: — Aan Iisaa mo Nasaraatu, ɗume jomi ma e amin? A warii faa kalkaa min naa? Miɗo anndi ko ngonɗaa, a Ceniiɗo ƴuuruɗo to Laamɗo!

Luuka 23:19

Barabas le wo uddanooɗo e kasu saabe muurtere waɗunoonde e ngalluure ndeen, e saabe war-hoore.

Luuka 23:2

Ɓe puɗɗi iɓe pela mo, iɓe mbi'a: — Gorko o min tawi ina wosina lenyol amin, ina haɗa ɗum'en yoɓude kaananke mawɗo oon lampo, ina wi'a hoore muuɗum wo Almasiihu, kaananke.

Luuka 23:25

O yoofani ɓe mo ɓe ŋaarii yoofaneede oon, kam woni uddanooɗo ley kasu saabe muurtere e war-hoore. De Iisaa kaa, o watti ɗum e muuyɗe maɓɓe.

Luuka 23:5

Ammaa ɓe ciini e haala maɓɓe sanne, iɓe mbi'a: — Ko o waajotoo ɗuum ina waddundura yimɓe ley leydi Yahuudiya fuu, gilla Galili to o fuɗɗiri toon faa e ɗo.

Golle Nelaaɓe 15:5

Ammaa woɓɓe ley goonɗinɓe jeyaaɓe e fedde Farisa'en ummii, mbi'i: — Waajibi ɓe taadee, ɓe njamiree jokkude Tawreeta Muusaa.

Golle Nelaaɓe 21:28

Iɓe peekoo, iɓe mbi'a: — Israa'iilankooɓe, mballee min! O woni gorko jannginoowo yimɓe e ley nokkuuje ɗeen fuu ina liddoo yimɓe lenyol meeɗen, ina liddoo Tawreeta meeɗen, ina liddoo nokku ceniiɗo o. Joonin kaa, o waddii fay Geresankooɓe e ley suudu dewal mawndu ndu. O tuuninii nokku ceniiɗo o!

Golle Nelaaɓe 22:22

Iɓe kettinanii mo faa o haali haala ka. Ndeen ɓe ƴepti daaɗe maɓɓe, ɓe mbi'i: — Ittu mo e adunaaru ndu! O haanaa wuurude katin!

Golle Nelaaɓe 24:14

Ammaa miɗo jaɓi yeeso maa: miɗo rewri Laamɗo maamiraaɓe meeɗen oon e laawol ngol ɓe mbi'ata feerewol ngool. Miɗo goonɗini ko winndaa e Tawreeta Muusaa ɗuum e ko winndaa e dewte annabaaɓe ɗuum fuu.

Golle Nelaaɓe 24:4

Mi yiɗaa joonnde ndeen juuta, de miɗo nyaage saabe moƴƴuki maa, kettindanoɗaa min seeɗa.

Golle Nelaaɓe 25:7

Nde Pool yottinoo ndeen, Alhuudiyankooɓe ƴuuruɓe Urusaliima ɓeen piilii ɗum, peldi ɗum kulle bonɗe keewɗe. Ammaa ɓe mbaawaay laaɓinde pelooje ɗeen.

Golle Nelaaɓe 26:5

Iɓe anndi gilla arande, si ɓe njaɓii seedaade: miɗo jokki laawol diina amin ɓurngol tiiɗude ngol, miɗo hiisodaa e Farisa'en.

Golle Nelaaɓe 28:22

Ammaa miɗen njiɗi kaalanaa min ko njiiɗaa e hakkillo maa, sabo miɗen anndi yimɓe nokkuuje fuu na njedda laawol ngol njokkuɗaa ngool.

Golle Nelaaɓe 5:17

Ndeen, Almaami Mawɗo e battaa'en muuɗum ɓeen, ɗum woni Saduki'en, keewi kiram.

Golle Nelaaɓe 6:13

Ɓe ngaddi seedeeɓe fewreeɓe, ina mbi'a: — Gorko o selataa wi'ude ko boni dow wuro seniingo ngo e Tawreeta Muusaa.

1 Korintunkooɓe 11:19

Ina tilsi pelle pelle ngaɗa hakkunde mooɗon, faa hoolniiɓe jaati wonɓe e ley mooɗon ɓeen annditee.

1 Korintunkooɓe 4:13

Si ɓe mbonkake min du, min njaaborto ɓe haalaaji jam. Faa joonin miɗen njogoraa wo min mbuuwdi ley adunaaru ndu, hono tuundi ndi yimɓe fuu paɗɗata.

1 Piyeer 2:19

Sabo neɗɗo mo toonyaaki, si torraama de munyiri saabe miilaade Laamɗo fu, waɗii ko wooɗi.