Golle Nelaaɓe 22:3 - Dewtere Laamɗo Fulfulde Burkina Faso

³ — Wo mi Alhuudiyanke dimaaɗo Tarsus ley leydi Silisi. Ammaa Urusaliima ɗo mawnumi. Gamaliyel wonnoo moodibbo am. Kanko janngini kam Tawreeta maamiraaɓe meeɗen oon faa laaɓi tal. Miɗo jinngana Laamɗo hono no ngorruɗon hannden on fuu ni.

Golle Nelaaɓe 22:3 ပူးပေါင်းရင်းမြစ်များ

2 Samuwiila 21:2

Tawi Gibiyonkooɓe njeyaaka e lenyi Israa'iila. Wo hakkunde Amorinkooɓe ɓe ƴuuri. Israa'iila'en ngaddunoo ɓe amaana jam. Ammaa Sawulu muuyiino halkude ɓe, sabo imo yiɗi Israa'iila e Yahuuda tan keddoo. Wooɗi, ndelle kaananke Daawda noddi Gibiyonkooɓe haaldi e maɓɓe,

2 Kaanankooɓe 4:38

Elisey yeccii galluure Gilgal. Tawi wakkati oon rafo na mawni e leydi ndiin sanne. Jamaare taalibaaɓe annabaaɓe ndeen na njooɗii yeeso makko. O wi'i golloowo makko: — Ummoɗaa ndekaa fayennde mawnde de ngaɗanaa jamaare ndee ko nyaama.

Luuka 10:39

Marta ina woodi minyiiwo bi'eteeɗo Mariyama. Oon ina jooɗii ɗakkol koyɗe Iisaa, ina hettindii haala muuɗum.

Luuka 2:46

Balɗe tati gaɗa ɗum, ɓe tawi mo ley suudu dewal mawndu. Imo jooɗii hakkunde jannginooɓe, imo hettindanii ɗum'en, imo ƴamtindoo ɗum'en.

Luuka 8:35

Ɓeen ngari ndaarude ko waɗi ɗuum. Nde ɓe njottinoo Iisaa ndeen, ɓe tawi gondunooɗo e ginnaaji oon ina jooɗii ɗakkol makko, ina ɓornii kaddule, hakkillom wartii. De kulol nanngi ɓe.

Golle Nelaaɓe 11:25

Caggal ɗuum, Barnabas yehi Tarsus faa filowoo Sool.

Golle Nelaaɓe 15:23

Inan ɓataaki ki ɓe kokki ɗum'en: Minen sakiraaɓe mooɗon nulaaɓe e mawɓe, miɗen njowta on, onon sakiraaɓe amin lenyi goɗɗi gonɗi Antiyoki e Siiriya e Silisi.

Golle Nelaaɓe 15:41

Ɓe ndewi leyɗe Siiriya e Silisi, iɓe cemmbina kawrite goonɗinɓe ɗeen.

Golle Nelaaɓe 21:20

Nde ɓe nannoo ɗum ndeen, ɓe njetti Laamɗo. Ɓe mbi'i Pool: — Sakiike amin, a yi'ii Alhuudiyankooɓe ujunaaje ngoonɗinii. Faa hannden iɓe tinnii e jokkude Tawreeta Muusaa.

Golle Nelaaɓe 21:39

Pool jaabii, wi'i: — Miin, mi Alhuudiyanke dimaaɗo Tarsus ley leydi Silisi. Ngalluure ndeen wanaa nde anndaaka koy. Miɗo nyaage nduŋanoɗaa kam mi haalda e yimɓe ɓeen.

Golle Nelaaɓe 23:34

Nde goforneer oon janngunoo ɓataaki kiin fu, ƴami toy Pool jeyaa. Nde nannoo wo Silisi o jeyaa ndeen,

Golle Nelaaɓe 23:6

Pool ina anndi woɓɓe ley Saahiiɓe ɓeen wo Saduki'en, woɓɓe muɓɓen du wo Farisa'en. Ndelle ƴeewnii semmbe hakkunde kawrital ɗoon, wi'i: — Sakiraaɓe, miin mi Farisanke, ɓii Farisanke. Wo saabe yowugol jikke e ummital maayɓe carorteemi!

Golle Nelaaɓe 26:5

Iɓe anndi gilla arande, si ɓe njaɓii seedaade: miɗo jokki laawol diina amin ɓurngol tiiɗude ngol, miɗo hiisodaa e Farisa'en.

Golle Nelaaɓe 26:9

Miin e hoore am, ley ko faltii mi tannyoriino miɗo haani bonnude innde Iisaa Nasaraatuujo oon, no laatorii fuu.

Golle Nelaaɓe 5:34

Ammaa ina woodi toon gorko jeyaaɗo e waalde Farisa'en bi'eteeɗo Gamaliyel, jannginoowo Tawreeta Muusaa, tedduɗo e yimɓe fuu. Gorko oon ummii, darii hakkunde waalde Saahiiɓe ndeen, yamiri nulaaɓe ɓeen njaltinee seeɗa.

Golle Nelaaɓe 6:9

Ammaa yimɓe woɓɓe ngari ndukidi e Etiyen. Ɓeen ngoni jeyaaɓe e waajordu wi'eteendu waajordu rimɗinaaɓe. Ley maɓɓe ina woodi ƴuuruɓe Sireene e Alesandiri e Silisi e Aasiya.

Golle Nelaaɓe 9:1

Sool ina heddii na haala haalaaji kulɓiniiɗi dow taalibaaɓe Joomiraaɗo ɓeen, na wi'a o waran ɗum'en. O yehi to Almaami Mawɗo.

Golle Nelaaɓe 9:11

Joomiraaɗo wi'i mo: — Umma rewu laawol bi'eteengol Dartiingol, naataa galle Yahuuda, piloɗaa gorko bi'eteeɗo Sool, jeyaaɗo Tarsus, sabo joonin imo waɗa du'aare.

Golle Nelaaɓe 9:30

Nde sakiraaɓe makko goonɗinɓe ɓeen annditinnoo ɗum ndeen, njaari Sool Kaysariya. Caggal ɗuum, ɓe neli mo Tarsus.

Romankooɓe 11:1

Ndelle, miɗo ƴama yalla Laamɗo yoppii yimɓe muuɗum Israa'iilankooɓe ɓeen naa? O yoppaay! Sabo miin e hoore am wo mi Israa'iilanke, wo mi ƴuwdi Ibrahiima, wo e lenyol Benyamin njeyaami.

2 Korintunkooɓe 11:22

Si ɓe Alhuudiyankooɓe, miin du mi Alhuudiyanke. Si ɓe Israa'iilankooɓe, miin du mi Israa'iilanke. Si ɓe ƴuwdi Ibrahiima, miin du mi ƴuwdi Ibrahiima.

Galaatiyankooɓe 1:14

Miɗo ɓurnoo heewɓe e waaldeeɓe am jokkuɓe diina Alhuudiyankooɓe, sabo miɗo jinnganannoo al'aadaaji maamiraaɓe amin faa faltii.

Galaatiyankooɓe 1:21

Caggal ɗuum, njahumi leydi Siiriya e leydi Silisi.

Fillitagol 33:3

Sikke walaa, Joomiraaɗo na horsini yimɓe muuɗum, seniiɓe makko fuu na ngoni ley juuɗe makko. Iɓe kofoo ɗakkol koyɗe makko, iɓe kettindoo ko o jannginta ɓe.