Golle Nelaaɓe 16:16 - Dewtere Laamɗo Fulfulde Burkina Faso

¹⁶ Nyannde wootere miɗen njaha to nokkuure waɗirde du'aare. Korɗo gonduɗo e ginnaaru hawriti e amin. Wo o ji'oowo ko warata. Joomiraaɓe makko keɓii kaalisi keewɗo e ndaggadaaku makko nguun.

Golle Nelaaɓe 16:16 ပူးပေါင်းရင်းမြစ်များ

2 Kaanankooɓe 21:6

O waɗi ɓiyiiko sadaka buleteeɗo, imo waɗa tiimngal e golle ginnaaji feere-feere. Imo gollida e daggadaaɓe e sukunyaaɓe. O mettiniri ɓernde Joomiraaɗo e bonandaaji makko ɗuuɗɗi.

1 Kabaaruuji Laamiiɓe 10:13

Sawulu maayi saabe ɗowtanaaki Joomiraaɗo, reenaay konngol muuɗum, wooɗi du yoppii Joomiraaɗo de waɗowi ndaarngal to gollidoowo e ginnaaji. Joomiraaɗo du wari o faa hokka Daawda ɓii Yesa laamu.

Lewinkooɓe 19:31

Taa njahon to gollidooɓe e beeli maayɓe maa daggadaaɓe, taa piloɗon ɓe sabo on laatoto tuunɓe saabe maɓɓe. Miin woni Joomiraaɗo, Laamɗo mooɗon.

Lewinkooɓe 20:27

Si debbo maa gorko laatake gollidoowo e beeli maayɓe maa daggadaajo fu, wo bardeteeɗo kaaƴe. Ƴiiƴam joomum saama dow hoore muuɗum.

Lewinkooɓe 20:6

Neɗɗo fuu jahoowo to gollidooɓe e beeli maayɓe maa daggadaaɓe faa gollida e muɓɓen, mi ummanto ɗum de mi itta ɗum e suudu bammum.

Golle Nelaaɓe 16:13

Nyalaande fowteteende, min njaltiri wuro ngoon hedde daande maayo to min miili Alhuudiyankooɓe na mboownoo waɗude du'aare. Min tawi ɗoon rewɓe ina kawriti. Min njooɗii, min mbaajii ɓe.

Golle Nelaaɓe 16:18

Balɗe keewɗe imo waɗa noon faa ɓernde Pool ummii, hucciti e makko, wi'i ginnaaru nduun: — Saabe Iisaa Almasiihu, yaltu e debbo o! Ginnaaru nduun yalti wakkati oon pay.

Golle Nelaaɓe 16:19

Nde joomiraaɓe korɗo oon paamunoo laawol muɓɓen hemrude ceede e makko timmii fu, nanngi Pool e Silas, ndaasi ɗum'en ngaddi faa ley luumo yeeso sarotooɓe wuro ngoon.

Golle Nelaaɓe 19:24

Baylo tafoowo cardi bi'eteeɗo Demetirus ina tafa cuuroy cardi nanndukoy e suudu tooru wi'eteendu Artemis. Imo heɓa e majjum tino heewngo, kanko e gollooɓe makko.

Galaatiyankooɓe 5:20

e dewal tooruuji e ndaggadaaku e nganyaandi e kalala e kiram e tikkere e yidde hoorem tan e luural e rafi kawral

1 Timote 6:10

Sabo yidde jawdi woni ɗaɗol bonandaaji fuu. Ko woɓɓe pooɗanii jawdi ɗuum majjinii ɗum'en laawol goonɗinal, ngaddanii ko'e muɓɓen torraaji keewɗi.

2 Timote 3:8

Worɓe naatooɓe cuuɗi ɓeen njeddii goonga hono no Yanes e Yamberes njeddirnoo Muusaa ni. Hakkillooji maɓɓe mbonii, goonɗinal maɓɓe du wanaa goonga.

2 Piyeer 2:3

Eelgal maɓɓe waddanan ɓe haalde pene faa ɓe luumtoroo on. Ammaa jukkungo maɓɓe saraama ɓooyii, halkere maɓɓe ina doomi ɓe.

1 Samuwiila 28:3

Ayyo, Samuwiila kaa maayii, Israa'iila'en fuu mboyi mo de uwi mo wuro makko Rama. Tawi Sawulu riiwii dabarankooɓe e noddooɓe beeli maayɓe e ley Israa'iila fuu.

1 Samuwiila 28:7

Ndeen Sawulu wi'i howruuɓe muuɗum: — Pilanee kam debbo dabaranke, faa mi yaha mi ƴama mo. Ɓe mbi'i mo: — Ina woodi gooto to wuro Endoro.