Golle Nelaaɓe 12:7 - Dewtere Laamɗo Fulfulde Burkina Faso

⁷ Wakkati oon, maleyka Joomiraaɗo wari to makko, annoora yayni ley suudu nduun. Maleyka meemi mo, findini mo, wi'i: — Umma law! Ndeen callali ɗiin kaɓɓitii, ƴuwi e juuɗe makko, caami.

Golle Nelaaɓe 12:7 ပူးပေါင်းရင်းမြစ်များ

2 Samuwiila 22:29

Yaa Joomiraaɗo, aan woni jayngol am, Aɗa waylita nimre am e annoora.

1 Kaanankooɓe 19:5

Ley lekki kiin o fukkii o ɗaanii. Ndeen maleyka wari meemi mo, wi'i: — Umma nyaamu.

1 Kaanankooɓe 19:7

Maleyka Joomiraaɗo wari to makko ɗiɗaɓerde, meemi mo, wi'i: — Umma nyaam, sabo tampiri jahaangal ma ngaal na ɓuri semmbe maaɗa.

Matta 2:13

Nde jom'en anndal ɓeen ndillunoo fu, maleyka Joomiraaɗo wari e Yuusufi ley koyɗol, wi'i ɗum: — Umma, hooƴu cukalel ngel e inna muuɗum, ndoggaa njahaa Misira. Keddoɗaa toon faa nde mbi'oymaami ngartaa. Sabo Hirudus filoto cukalel ngel faa wara ngel.

Luuka 2:9

Maleyka Joomiraaɗo ɓangani ɓe, darja Joomiraaɗo ɗelkoowo fiilii ɓe. Kulol manngol nanngi ɓe.

Luuka 24:4

E ley no hakkillooji maɓɓe mbemmborii noon, inan worɓe ɗiɗo punti, ina ndarii yeeso maɓɓe, ina ɓornii kaddule jalbooje.

Golle Nelaaɓe 10:30

Korneliyus jaabii, wi'i: — Hannden woni balɗe nay, miɗo waɗa du'aare ley suudu am e wakkati hono o, yamnde tati ni, faa gorko mo kaddule jalbooje wari, darii yeeso am,

Golle Nelaaɓe 12:23

Wakkati oon fu, maleyka Joomiraaɗo fiyi Hirudus, sabo o hokkitaay Laamɗo teddeengal muuɗum. O ƴumi gilɗi, o maayi.

Golle Nelaaɓe 12:6

Nde Hirudus anniyinoo yaarude mo sariya ndeen, jemma oon imo ɗaanii hakkunde sordaasiiɓe ɗiɗo, imo haɓɓiraa callali ɗiɗi. Ndaarooɓe woɓɓe du ina kayba dammbugal kasu ɗoon.

Golle Nelaaɓe 12:8

Maleyka oon wi'i mo: — Haɓɓa kaɓɓorgol maa, ɓorna paɗe maa. Piyeer waɗiri noon. Maleyka oon wi'i mo: — Waana suddamaare maa, njokkaa kam.

Golle Nelaaɓe 16:26

De wakkati gooto, leydi dimmbii dimmbagol manngol faa joƴƴinirɗe kasu ɗeen njergii. Wakkati oon du, dammbuɗe ɗeen fuu omtii, geƴƴelle kasunkooɓe ɗeen fuu kaɓɓitii.

Golle Nelaaɓe 2:24

Ammaa Laamɗo iirtinii mo, itti mo e naawalla maayde, sabo maayde ndeen waawaano tiigaade mo.

Golle Nelaaɓe 5:19

Ammaa e jemma oon, maleyka Joomiraaɗo gooto omti dammbuɗe kasu ɗeen, wurtini ɓe, wi'i:

Golle Nelaaɓe 9:3

Nde o yahunoo faa o ɓattitii Damas ndeen, wakkati gooto annoora ƴuuri dow kammu fiilii mo.

Efeesunkooɓe 5:14

sabo huunde fuu ko ɓanginaa yaynan. Ɗum waɗi de na wi'ee: «Aan ɗaaniiɗo, finu! Umma e hakkunde maayɓe, Ndeen annoora Almasiihu yaynante.»

Ibraninkooɓe 1:14

Ɗume woni maleyka'en? Ɓe fuu wo ɓe ruuhuuji gollanooji Laamɗo ɗi o nulata faa ngollana heɓooɓe kisindam ɓeen.

Holleede 18:1

Caggal ɗuum, nji'umi maleyka goɗɗo keewɗo baawɗe ina ƴuura dow kammu ina jippoo. Darja makko jalbini adunaaru.