Golle Nelaaɓe 1:7 - Dewtere Laamɗo Fulfulde Burkina Faso

⁷ Iisaa jaabii ɓe, wi'i: — On mbaawaa anndude jamaanuuji e wakkatiiji ɗi Baabiiwo darniri baawɗe muuɗum.

Golle Nelaaɓe 1:7 ပူးပေါင်းရင်းမြစ်များ

Ayuuba 24:1

Wooɗi, saabe ɗume de Jom Baawɗe ittataa wakkati sariya? Ko waɗi annduɓe mo nji'ataa nyalaande ndeen?

Matta 20:23

O wi'i ɓe: — Goonga, on njardan nde. Ammaa jooɗaade gere nyaamo am naa nano am, wanaa miin yamirta ɗum. Jooɗorɗe ɗeen, wo ɓe Baaba am moƴƴinani ɓeen njeyi.

Matta 24:36

— Ammaa nyalaande ndeen e wakkati oon fay gooto anndaa ɗum, wanaa maleyka'en wonɓe dow kammuuli, wanaa Ɓiɗɗo oon. Walaa annduɗo ɗum si wanaa Baabiiwo oon.

Marka 10:40

Ammaa jooɗaade gere nyaamo am naa gere nano am wanaa miin yamirta ɗum. Jooɗorɗe ɗeen, wo ɓe Laamɗo moƴƴinani ɓeen njeyi.

Marka 13:32

Kaa nyalaande ndeen e wakkati oon fay gooto anndaa ɗum. Wanaa maleyka'en wonɓe dow kammu, wanaa Ɓiɗɗo oon. Walaa annduɗo ɗum si wanaa Baabiiwo oon.

Luuka 21:24

Ɓe camminirte kaafaahi, ɓe nanngee, ɓe njaaree hakkunde lenyi fuu. Lenyi ndampan Urusaliima faa nde wakkati dawrugol muɓɓen timmiri no fodoraa.

Golle Nelaaɓe 17:26

E neɗɗo gooto Laamɗo wurtiniri lenyi ɗiin fuu, joƴƴini ɗum'en e adunaaru ndu. Gilla ɗum waɗaay, o darnii wakkatiiji e keeri koɗorɗe muɓɓen.

Efeesunkooɓe 1:10

Anniya oon wo hawrundurde huunde fuu e hawju Almasiihu, wanaa ko woni dow kammu tan, de ko woni e leydi du. Laamɗo yottinan ɗum si wakkati oon hiɓɓii.

1 Timote 6:15

O ɓangowan ley wakkati mo Laamɗo darni. Oon woni Jom barke, kam tan laamu woodani. Wo kaananke kaanankooɓe, Joomiraaɗo joomiraaɓe.

2 Timote 3:1

Faamu ɗum ɗo: ley balɗe cakitotooɗe wakkatiiji tiiɗuɗi ngaɗan.