Golle Nelaaɓe 1:3 - Dewtere Laamɗo Fulfulde Burkina Faso

³ Caggal nde o torranoo ndeen, o hollitii ɓe hoore makko. O hollirii ɓe e daliiliiji keewɗi imo wuuri. O wondi e maɓɓe balɗe 40, imo haalana ɓe kabaaru laamu Laamɗo.

Golle Nelaaɓe 1:3 ပူးပေါင်းရင်းမြစ်များ

1 Kaanankooɓe 19:8

Iliyaasa ummii nyaami, yari. O heɓi semmbe saabe nyaamndu nduun faa o yehii jahaangal balɗe 40 jemma e nyalooma de o yottii waamnde Laamɗo wi'eteende Sinayi.

Matta 21:43

Saabe ɗum, miɗo wi'a on: laamu Laamɗo ittete e mooɗon, hokkee yimɓe waɗooɓe ko haani e maggu.

Matta 28:9

Wakkati oon ni, Iisaa hawri e maɓɓe, wi'i ɓe: — Foofoo! Ɓe ɓattitii mo, ɓe nanngi koyɗe makko, ɓe cujidani mo.

Matta 3:2

— Tuubee, sabo laamu Laamɗo ɓadake.

Matta 4:2

Iisaa waɗi balɗe 40 ina suumii jemma e nyalooma fuu. Caggal ɗuum, o yolbi.

Marka 16:19

Gaɗa Iisaa Joomiraaɗo haaldii e maɓɓe, ƴeentinaa dow kammu, jooɗii gere nyaamo Laamɗo.

Yuhanna 20:26

Jeɗɗiire wootere caggal ɗuum, taalibaaɓe ɓeen kawriti katin. Tomaa ina wondi e maɓɓe. Gampuuje ɗeen fuu ina cokii. Iisaa ɓangi, darii hakkunde maɓɓe, wi'i: — Onon e jam!

Yuhanna 21:1

Caggal ɗuum, Iisaa ɓangani taalibaaɓe muuɗum ɓeen katin sera maayo Tiberiyas. Inan no o ɓangiri:

Yuhanna 21:14

Ngol woni tataɓol ko Iisaa ɓangani taalibaaɓe muuɗum gaɗa ummitagol muuɗum.

Golle Nelaaɓe 13:31

Balɗe keewɗe o ɓangani wondunooɓe e makko ɓeen gilla Galili faa Urusaliima. Ɓeen ngoni seedantooɓe mo yeeso yimɓe joonin.

Golle Nelaaɓe 19:8

Pool naati e ley waajordu nduun, ina waajoroo ɓe tannyoral haddi lebbi tati. Imo haalda e maɓɓe, imo liddundura e maɓɓe, imo filoo faaminde ɓe haala laamu Laamɗo.

Golle Nelaaɓe 28:23

Ɓe kokkunduri nyalaande nde ɓe ngartoyta. Nyalaande ndeen yottii, heewɓe ngari kawriti to jipporde makko toon. Gilla fajiri faa caggal kiraaɗe imo fiirtana ɓe haala laamu Laamɗo, imo waajoo ɓe. Imo holla ɓe kabaaru Iisaa gonɗo ley Tawreeta Muusaa e ley dewte annabaaɓe.

Golle Nelaaɓe 28:31

Imo waajoo laamu Laamɗo. Imo jannginira tannyoral kabaaru Iisaa Almasiihu Joomiraaɗo, walaa fuu ko haɗi mo.

Golle Nelaaɓe 8:12

Ammaa nde Filipu waajinoo ɓe Kabaaru Lobbo haala laamu Laamɗo e haala Iisaa Almasiihu ndeen, ɓe ngoonɗini. Worɓe e rewɓe du lootaa lootagal batisima.

Romankooɓe 14:17

Sabo laamu Laamɗo wanaa kabaaru nyaamdu naa njaram, wo kabaaru fonnditaare e jam e seyo ley kawtal Ruuhu Ceniiɗo.

Fillitagol 9:18

Wakkati oon kippiimi e leydi yeeso Joomiraaɗo hono no puɗɗam noon. Nyaloomaaji 40 e jemmaaji 40 mi nyaamaay mi yaraay saabe hakkeeji ɗi ngaɗuɗon sabo on umminirii ɓernde Joomiraaɗo e hakkeeji ɗi ngaɗoton ɗiin.

Fillitagol 9:9

Nde ƴeenyunoomi waamnde faa mi jaɓa alluuje kaaƴe, ɗum woni ɗe amaana mo Joomiraaɗo waddi e mooɗon ɗeen, keddiimi dow toon faa waɗi nyaloomaaji 40 e jemmaaji 40, mi nyaamaay, mi yaraay.

Koloosiyankooɓe 1:13

O wurtinii en e baawɗe nimre, de o nanni en e laamu Ɓiyiiko korsuɗo

1 Tesaloniyankooɓe 2:12

Min mbaajake on, min cellinii ɓerɗe mon, min nyaagake on mbuuron nguurndam kawroojam e muuyɗe Laamɗo, nodduɗo on faa naaton laamu muuɗum e teddeengal muuɗum.

1 Yuhanna 1:1

Miɗen mbinndana on e dow gonɗo gilla fuɗɗoode oon. Min nanii haala makko, min njiirii mo gite amin, min taykake mo, min meemirii mo juuɗe amin. Kanko woni Konngol kokkoowol nguurndam.