Galaatiyankooɓe 5:3 - Dewtere Laamɗo Fulfulde Burkina Faso

³ Katin miɗo haalana on neɗɗo fuu pilotooɗo taadeede: ina tilsani ɗum jokka haddi Tawreeta Muusaa oon fuu.

Galaatiyankooɓe 5:3 ပူးပေါင်းရင်းမြစ်များ

Nehemiya 9:34

Sabo laamiiɓe amin e mawɓe amin e almaami'en amin e maamiraaɓe amin njokkaay jamirooje maaɗa. Ɓe kettindaaki ko mbiiɗaa, ɓe njaɓaay tindinooje maaɗa.

Matta 23:16

Bone woodanii on, onon wumɓe ɗowooɓe yimɓe! Oɗon mbi'a: «Si neɗɗo hunorake suudu dewal mawndu nduun fu wo ɓolum, ammaa si hunorake kaŋŋe suudu dewal mawndu oon, hunayeere mum nanngan ɗum.»

Matta 23:18

Oɗon mbi'a katin: «Si neɗɗo hunorake hirsirde ndeen fu wo ɓolum, ammaa si hunorake sadaka gonɗo dow mayre oon, hunayeere mum nanngan ɗum.»

Luuka 16:28

sabo miɗo woodi sakiraaɓe worɓe njoyo, faa o gongina ɓe taa ɓe ngara e nokku torra o.»

Golle Nelaaɓe 15:1

Yimɓe woɓɓe ƴuuri Yahuudiya ngari Antiyoki, ina njanngina sakiraaɓe ɓeen, ina mbi'a: — Si on taadiraaka hono no Muusaa wi'iri noon fu, on kisataa.

Golle Nelaaɓe 2:40

Caggal ɗuum, Piyeer gongini ɓe haalaaji goɗɗi keewɗi, ina waajoo ɓe, ina wi'a: — Ndeenee ko'e mon e yimɓe jamaanu oonyiiɗo o.

Golle Nelaaɓe 20:21

Mi tindinii Alhuudiyankooɓe e Geresankooɓe fuu tuubana Laamɗo, ngoonɗina Joomiraaɗo meeɗen Iisaa.

Romankooɓe 2:25

Wooɗi, si aɗa hayba jamirooje Tawreeta, taadagol Alhuudiyankooɓe ina waawi nafude ma. Ammaa si aɗa lutta jamirooje ɗeen, a laatake hono mo taadaaki ni.

Galaatiyankooɓe 3:10

Ammaa yowuɓe jikke muɓɓen e jokkude Tawreeta Muusaa ɓeen kuddi ina woni dow muɓɓen. Sabo ina winndaa: «Kuddi woodanii neɗɗo fuu mo jokkaay ko woni e dewtere Tawreeta ndeen faa hiɓɓi.»

Galaatiyankooɓe 5:2

Kettindanee kam! Miin Pool, miɗo haalana on: si on pilake taadeede, Almasiihu nafataa on fay huunde.

Galaatiyankooɓe 5:6

Sabo kaɓɓiiɗo e Iisaa Almasiihu, taadagol e rafi taadagol fuu fotu. Ko nafata tan, goonɗinal golliroowal njinngu.

Efeesunkooɓe 4:17

Ndelle, ko jokkata ɗuum mbi'ammi on: miɗo ŋaaroo on e ley innde Joomiraaɗo, taa mbuurdon katin hono no yimɓe ɓe anndaa Laamɗo, sabo miilooji maɓɓe ɗiin wo ɓoli.

Fillitagol 27:26

Kuddi woodana mo ɗowtanaaki ko haalaaji Tawreeta ɗiin mbi'i, mo waɗaay ko yamiraa ɗuum. Ndeen yimɓe fuu njaaboo mbi'a: «Aamiina.»

Fillitagol 31:21

Nde masiibaaji e torraaji feere feere ɗiin kewtowii ɓe fu, jimol ngool jaaboto ɓe hono seedee sabo ƴuwdi maɓɓe yeggitataa ngol. Miɗo anndi ko ɓe anniyii waɗude gilla hannden fay ko ɓe naatowaay ley leydi ndi kuniimi mi hokkan ɓe ndiin.

Fillitagol 8:19

Si on njeggitii Joomiraaɗo, Laamɗo mooɗon, de on ndewii allaaji goɗɗi, on ɗowtanake ɗi faa kofiɗon yeeso majji fu, mi seedanto on hannden, walaa sikke on kalkete.

1 Tesaloniyankooɓe 4:6

Fay gooto taa naata suudu banndum, taa waɗa ɗum ko boni. Sabo Joomiraaɗo woni jomnitotooɗo kulle ɗeen fuu. Min kaalanii on ɗum, min cappanii on.

1 Yuhanna 4:14

Minen e ko'e amin, min nji'ii Bajjo oon, miɗen ceedoo Baabiiwo oon nuli mo faa o hisina adunaaru ndu.