Galaatiyankooɓe 2:6 - Dewtere Laamɗo Fulfulde Burkina Faso

⁶ Wooɗi, ɓe yimɓe njogorii wo mawɓe ɓeen, ko ɓe laatinoo ɗuum, miin kaa, walaa ko jomi kam e majjum, sabo Laamɗo ɓurdintaa yimɓe. Mawɓe ɓeen tilsinanaay min fay huunde.

Galaatiyankooɓe 2:6 ပူးပေါင်းရင်းမြစ်များ

Ayuuba 34:19

O ɓurdintaa ardiiɓe, naa du jom jawdi dow talkaajo, sabo ɓe fuu wo kanko tagi ɓe.

Matta 22:16

Ɓe neli yoga e taalibaaɓe maɓɓe e jokkuɓe Hirudus to Iisaa. Nulaaɓe ɓeen mbi'i mo: — Moodibbo, miɗen anndi a goongante: aɗa jannginira laawol Laamɗo ngol goonga. A hulataa fay gooto, sabo a ɓurdintaa yimɓe.

Marka 12:14

Ɓe ngari, ɓe mbi'i mo: — Moodibbo, miɗen anndi a goongante. A hulataa fay gooto, sabo a ɓurdintaa yimɓe, aɗa jannginira laawol Laamɗo ngol goonga. Yalla ina dagii min kokka kaananke Roma mawɗo oon lampo naa dagaaki? Min kokka mo naa taa min kokka mo?

Luuka 20:21

Ɓeen ƴami mo: — Moodibbo, miɗen anndi ko kaalataa ɗuum e ko mbaajotoɗaa ɗuum ina fonnditii, miɗen anndi a ɓurdintaa fay gooto, aɗa jannginira laawol Laamɗo ngol goonga.

Golle Nelaaɓe 10:34

Ndeen Piyeer fuɗɗi haalude, wi'i: — Joonin mi yi'ii goonga jaati Laamɗo ɓurdintaa yimɓe.

Golle Nelaaɓe 5:36

Ɓooyaay ko Tewdas ɓangunoo. Imo jogorinoo hoore makko won ko o laatii. Ko waɗata yimɓe 400 ina njokkunoo mo. O waraama, jokkunooɓe mo ɓeen fuu cankitake, de ɗum fuu laatake ɓolum.

Romankooɓe 2:11

Sabo Laamɗo ɓurdintaa yimɓe.

2 Korintunkooɓe 11:5

De miɗo miiloo nulaaɓe mooɗon haliiɓe ɓeen, walaa fuu ko ɓurdi kam.

2 Korintunkooɓe 12:11

Jonle, mi laatake hono puuyɗo, ko mantoriimi noon, de wo onon ndunƴi kam haaldude hono ni. Oɗon kaannoo jinngande kam, sabo fay si mi wanaa fay huunde du, nulaaɓe mooɗon haliiɓe ɓeen ɓurdaay kam fay seeɗa.

2 Korintunkooɓe 5:16

Ndelle, gilla joonin, walaa fuu mo min ndaardata hono no ɓiɓɓe-Aadama ndaardata woɓɓe. Fay si miɗen ndaardunoo Almasiihu hono no ɓiɓɓe-Aadama ndaardata ɗum, min celii ndaardude ɗum noon.

Galaatiyankooɓe 2:2

Laamɗo ɓanginani kam sanaa mi yaha toon. Ɗuum waɗi de njahumi, kawritoymi toon e mawɓe kawrital goonɗinɓe, miin tan e maɓɓe. Mi anndinii ɓe Kabaaru Lobbo mo mbaajiimi yimɓe ɓe nganaa Alhuudiyankooɓe oon. Sabo mi yiɗaa ko ngollunoomi e ko ngollammi joonin fuu laatoo ɓolum.

Galaatiyankooɓe 6:3

Si neɗɗo miilii won ko woni, tawi walaa ko woni, hiilii hoore muuɗum.

Fillitagol 10:17

sabo Joomiraaɗo, Laamɗo mooɗon oon, kam woni Laamɗo allaaji fuu. Kanko woni Joomiraaɗo joomiraaɓe, Laamɗo mawɗo, jom semmbe, kulɓiniiɗo mo jaɓataa senndiiru hakkunde yimɓe wooɗi du, mo jaɓataa njeenaari faa haɗa goɗɗo goonga.

Ibraninkooɓe 13:17

Ɗowtanoɗon ardiiɓe on, njaɓanon ɗum'en, sabo iɓe kaybi yonkiiji mon. Ɓe kaaltanowan Laamɗo golle maɓɓe fuu. Accee ɓe ngollira golleeji ɗiin e seyo, wanaa e mettorgal. Sabo si ɓe ngaɗirii ɗum mettorgal fu, nafataa on.

Ibraninkooɓe 13:7

Miccitee ardiiɓe on, haalanɓe on konngol Laamɗo ɓeen. Miiloɗon dow no ɓe njooɗorii e nguurndam maɓɓe faa ɓe ngaɗi nafaa, nyemmbiton goonɗinal maɓɓe ngaal.

1 Piyeer 1:17

Oɗon noddira Laamɗo Baaba mooɗon. Kanko woni carortooɗo mono fuu e golle muuɗum, o ɓurdintaa yimɓe. Ndelle kulee mo ley ko ngaɗoton fuu, faa ɗo mbeerka mooɗon haaɗi e adunaaru.