Fuɗɗoode 9:2 - Dewtere Laamɗo Fulfulde Burkina Faso

² Daabaaji adunaaru fuu kulan on kullol manngol. Pooli e liƴƴi e huunde fuu ko wuuri ley adunaaru, mi wattii ɗum'en e juuɗe mooɗon.

Fuɗɗoode 9:2 ပူးပေါင်းရင်းမြစ်များ

Fuɗɗoode 1:21

O tagi daabaaji mawɗi ley maayo manngo e kulle buurɗe jinotooɗe ley ndiyam, huunde fuu e sii muuɗum. O tagi pooli, ngel fuu e sii muuɗum. Laamɗo tawi iɗum wooɗi.

Fuɗɗoode 1:26

Laamɗo wi'i: — En taga neɗɗo e alhaali meeɗen, o nannda e meeɗen. O laamoo liƴƴi maayo e pooli piirooji e daabaaji gonɗi e leydi e ko ladata e mayri fuu.

Fuɗɗoode 1:28

Laamɗo barkini ɓe, wi'i: — Ndimee ɓeydoɗon, keewon adunaaru, ndawranon ndu. Laamoɗon liƴƴi maayo e pooli piirooji e kulle buurɗe ladooje e leydi fuu.

Fuɗɗoode 2:19

Laamɗo Joomiraaɗo waɗiri daabaaji ladde e pooli fuu e leydi, de waddi ɗi to neɗɗo oon faa ndaara noy o inndirta ɗi. Innde nde o hokki gootel e majji fuu, ndeen laatotoo innde muuɗum.

Fuɗɗoode 35:5

Caggal ɗuum, ɓe eggi. Laamɗo du watti kulol e kuɓeeje piiliiɗe ɓe ɗeen fuu, ɗum waɗi fay gooto tannyaay ɓiɓɓe Yaakuuba ɓeen.

Fuɗɗoode 9:1

Laamɗo barkini Nuuhu e ɓiɓɓe muuɗum worɓe, wi'i: — Ndimee, ɓeydoɗon, keewon adunaaru.

Fuɗɗoode 9:3

Ko wuuri, ko sonnyata ley adunaaru fuu laatanoo on nyaamdu. Mi hokkii on ɗi hono no kokkirnoomi on haako hecco noon.

Ayuuba 39:11

Aɗa waawi hoolaade nga saabe semmbe magga naa? A yoppidan nga golle ngesa maa naa?

Lewinkooɓe 26:22

Mi neldan on kujje ladde nyannguɗe, ɗe mbara sukaaɓe mooɗon, ɗe nyaama daabaaji mooɗon de mi ɓuyta on faa laawi mooɗon njeewee.

Lewinkooɓe 26:6

Mi waddan jam ley leydi ndiin. Nde ɗaaniɗon fu, faa'e warataa taƴina nesi mon. Mi fiɗɗan kujje ladde nyannguɗe fuu e leydi ndiin wooɗi du kaafaahi fuu fantataa e mayri.

Yaakuuba 3:7

Ɓiɓɓe-Aadama ina mbaawi dawrande sii daabaaji fuu. Ɓe ndawranii kulle ladde e pooli, faa e kulle ladooje e ko woni ley ndiyam fuu.