Fuɗɗoode 8:20 - Dewtere Laamɗo Fulfulde Burkina Faso

²⁰ Nuuhu mahani Joomiraaɗo sakkirde. O itti ley daabaaji dagiiɗi e pooli dagiiɗi ɗiin fuu, o hirsi, o waɗi sadaka buleteeɗo dow sakkirde ndeen.

Fuɗɗoode 8:20 ပူးပေါင်းရင်းမြစ်များ

Fuɗɗoode 13:18

Abram eggi, darnoyi hukum muuɗum ley leɗɗe mawɗe ɗe Mamre, ley Heberon. Toon o nyiɓani Joomiraaɗo sakkirde.

Fuɗɗoode 13:4

to o nyiɓunoo sakkirde arande toon de o du'orii innde Joomiraaɗo.

Fuɗɗoode 22:2

Joomiraaɗo wi'i o: — Adu Isiyaaka, ɓiya korsuɗo mo njiɗɗaa sanne oon, njahaa leydi Moriya, ngaɗaa mo sadaka buleteeɗo dow waamnde mawnde nde kollanmaami ndeen.

Fuɗɗoode 22:9

Nde ɓe njottinoo nokku ɗo Laamɗo sifanii o ɗoon fu, Ibrahiima nyiɓi sakkirde. O hawrondini leɗɗe ɗeen. O haɓɓi Isiyaaka ɓiyiiko oon, o yowi ɗum dow leɗɗe sakkirde ndeen.

Fuɗɗoode 26:25

O nyiɓi toon sakkirde, o du'ii e innde Joomiraaɗo. O darni hukum makko. Gollooɓe makko mbasi ɓunndu ɗoon.

Fuɗɗoode 33:20

Yaakuuba darni toon sakkirde. O inndiri nde El-Elohe-Israa'iila.

Fuɗɗoode 35:1

Caggal ɗuum, Laamɗo wi'i Yaakuuba: — Umma, yahu Baytila, njooɗoɗaa toon de nyiɓanaa kam hirsirde, miin Laamɗo ɓanganɗo ma nde ndoggunoɗaa mawna Isuwa ndeen.

Fuɗɗoode 35:7

O nyiɓi toon sakkirde, o inndiri nokku oon Laamɗo Baytila, sabo ɗoon Laamɗo ɓangannoo mo nde o doggunoo mawniiko gorko ndeen.

Fuɗɗoode 4:4

Haabiila du suɓii ɓurɗi fayde hakkunde artiiɗi rimeede ley dammuuli muuɗum. Joomiraaɗo jaɓɓii Haabiila e sadaka muuɗum.

Fuɗɗoode 7:2

Kooƴaa daabaaji dagiiɗi ɗiin fuu jeɗɗi jeɗɗi, gorel e dewel de ɗi ngonda e maaɗa. Daabaaji ɗi ndagaaki ɗiin du ɗiɗi ɗiɗi, gorel e dewel.

Fuɗɗoode 7:3

Pooli piirooji du jeɗɗi jeɗɗi, gorel e dewel, faa sii majji heddoo ley adunaaru.

Fuɗɗoode 8:19

Daabaaji ɗiin e ko ladata e pooli, ko wuuri ley adunaaru, ngel fuu e sii muuɗum, mburtii ley laana kaan.

Ayuuba 1:5

Nde ɓe timminta jeɗɗiire weltaareeji fuu, Ayuuba nelanan ɓe ɓe ngara faa sena ɓe. Ndeen o dawa, o sakkana mono e maɓɓe fuu sadaka buleteeɗo, o wiitoo: — Hasii ɓiɓɓe am ngaɗii hakke, kuɗii Laamɗo ley ɓerɗe muɓɓen. Noon Ayuuba waɗirta wakkati weltaare maɓɓe fuu.

Wurtagol 10:25

Ndeen Muusaa wi'i: — Yalla aan e hoore maa hokkata min kirsamaaji e sadakaaji buleteeɗi faa min cakkana Joomiraaɗo, Laamɗo amin naa?

Wurtagol 29:18

Mbulaa ɗum fuu dow sakkirde ndeen. Wo ɗum sadaka buleteeɗo, dokkal ngal uurngol muuɗum weli Joomiraaɗo.

Wurtagol 29:25

Ndeen, njaɓaa ɗum e juuɗe maɓɓe, mbuldaa ɗum e njawdiri ndiin dow sakkirde ndeen. Ɗum laatoo sadaka mo uurngol muuɗum weli Joomiraaɗo. Wo ɗum sadaka bulanteeɗo Joomiraaɗo.

Limle 7:21

O waddi du, ngaari e njawdiri e jawgel ngel ndunngu ngootu gaɗeteengel sadaka buleteeɗo,

Romankooɓe 12:1

Ndelle sakiraaɓe, miɗo nyaagoo on sanne saabe yurmeende Laamɗo, cakkee ko'e mon laatoɗon sadaka buurɗo, ceniiɗo, belɗo Laamɗo. Ɗum woni dewal ngal kaanɗon rewrude mo ngaal.

Ibraninkooɓe 13:10

Eɗen njogii hirsirde teddinirteende Laamɗo. Almaami'en gollooɓe ley hukum Ceniiɗo ɓeen ngalaa laawol nyaamude ko woni dow mayre.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!