Fuɗɗoode 6:8 - Dewtere Laamɗo Fulfulde Burkina Faso

⁸ Ammaa Nuuhu kaa heɓii moƴƴere yeeso Joomiraaɗo.

Fuɗɗoode 6:8 ပူးပေါင်းရင်းမြစ်များ

Fuɗɗoode 19:19

Inan, miin maccuɗo maa, a waɗanii kam moƴƴere mawnde. A hollii kam yurmeende mawnde ko kisinɗaa kam ɗuum. Ammaa mi waawaa doggude faa mi hewta baamle ɗeen tawa masiiba o hewtaay kam, wara kam.

Banndi 12:2

Joomiraaɗo na moƴƴani gaɗoowo ko wooɗi, de na hiitoo cegiltooɗo bone.

Banndi 3:4

Ndeen, a heɓan jaɓeede e innde gasunde, yeeso Laamɗo e yimɓe.

Banndi 8:35

Sabo jiituɗo kam fuu wuuran, heɓan moƴƴere Joomiraaɗo.

Matta 24:37

Hono no laatorinoo wakkati Nuuhu, noon du laatortoo si Ɓii Neɗɗo warii.

Luuka 1:30

De maleyka oon wi'i mo: — Taa hulu, Mariyama! Sabo a heɓii moƴƴere ƴuurunde e Laamɗo,

Luuka 17:26

Hono no laatorinoo wakkati Nuuhu oon, noon du nyalaaɗe Ɓii Neɗɗo laatortoo:

Golle Nelaaɓe 7:46

Daawda heɓi moƴƴere Laamɗo, o nyaagii ɗum faa yardoo o nyiɓana Laamɗo Yaakuuba joonnde.

Romankooɓe 11:6

De si o suɓorake ɓe hinney fu, en anndan o suɓoraaki ɓe saabe golle maɓɓe. Si wo saabe golle maɓɓe fu, hinney Laamɗo oon heddataako laataade hinney katin.

Romankooɓe 4:4

Wooɗi, si neɗɗo gollii fu, njobdi muuɗum hiisortaake hono moƴƴere, wo ko tilsi yoɓeede.

1 Korintunkooɓe 15:10

Joonin le, saabe moƴƴere Laamɗo ndeen laatoriimi ko ngonumi ɗuum. Moƴƴere nde o waɗani kam ndeen du rimaay ɓolum. Si goonga, miin ɓuri nulaaɓe ɓeen fuu gollude. De wanaa miin gollata, wo moƴƴere Laamɗo wonnde e am ndeen gollata.

Galaatiyankooɓe 1:15

Ammaa Laamɗo suɓake kam gilla mi rimaaka, noddi kam saabe moƴƴere muuɗum nde muuynoo ndeen.

2 Timote 1:18

Joomiraaɗo yoɓu mo, yurmoo mo nyannde darngal. Wooɗi, ko o gollani kam ley ngalluure Efeesu ɗuum fuu, aɗa anndi ɗum sanne.

Titus 2:11

Sabo Laamɗo ɓanginii moƴƴere muuɗum, laawol kisindam saabe yimɓe fuu.

Titus 3:7

O waɗirii ɗum faa o ndaarda en fonnditiiɓe saabe hinney makko, ndonen nguurndam nduumiiɗam ɗam keɗiɗen ɗaam.

Ibraninkooɓe 4:16

Ndelle, en kooloo ɓattaade jooɗorgal Jom moƴƴere, faa keɓen yurmeende e moƴƴere, ɗum walla en nde kaajaɗen fuu.

1 Piyeer 3:20

Yonkiiji ɗiin luttii Laamɗo e jamaanu Nuuhu. Tawi Laamɗo munyanii ɗi sanne, nde Nuuhu sehannoo laana muuɗum mawka kaan ndeen. Yimɓe seeɗa naati de kisi e ndiyam ɗaam, njeetato tan.

2 Piyeer 2:5

Miccitoɗon du, o accaay adunaaru arandeeru nduun. Ko o waɗi dey, o reenii Nuuhu baajotooɗo fonnditaare oon e yimɓe njeɗɗo woɓɓe, de o wayli ilam tuufaandu faa halki adunaaru yeddundu mo nduun.